Perendia
Perėndia s'ka fe!
Regjistruar: 12/04/2004
Vendbanimi: ©
Mesazhe: 328
|
Citim: Po citoj ato që tha Fajtori
Po i jepet aq shume rendesi politikes dhe historise greke sa me duket sikur greket i dashurojme ne vend qe ti injorojme.
Rëndësi patjetër që duhet t'i jepet se është ajo pjesë e politikës dhe historisë greke që na prek edhe ne, dmth është edhe historia jonë. Dhe ai popull që harron të kaluarën (historinë) e vet është i destinuar ta përsërisë atë (besoj se edhe ti mendon njësoj).
Citim: Po citoj ato që tha Fajtori
Sipas teje duhet te dale nje elite ose nje udheheqes qe drejton poppullin sic duhet. Po nga duhet te dale kjo shtrese udheheqese pervecse nga populli?
A nuk eshte populli ai qe po nxjerr udheheqesit sot duke votuar ne zgjedhje? Si mund te dale nje udheheqje pa bashkepunimin e popullit? Llogjika con ne nje rreth vicioz. Une jam i mendimit se njerez te mire ka plot qe mund te udheheqin, por populli yne "trim trap dhe liridashes" nuk shikon dot pertej Nano-Berishes tani per tani. Atehere si do dale shtresa udheheqese po nuk e nxorri populli?
Çdo popull meriton qeverinë që ka, pikërisht, se ajo qeveri del nga ai popull, nuk vjen nga Marsi.
Prandaj, kur thashë NE, e kisha fjalën për rininë shqiptare që ndodhet jashtë dhe rininë shqiptare që lexohet nëpër forume, jo për popullin (masat) shqiptar(e).
Njerëzit, më saktë prindërit (si çdo lloj kafshe), mendojnë e përpiqen për fëmijët e tyre dhe mund të arrijnë deri në sakrifica. Për të njëjtën arsye emigrojnë edhe shumica e shqiptarëve, për t'iu siguruar fëmijëve 1 të ardhme më të mirë e më të denjë se e tashmja dhe e kaluara e vet.
Pse ne, rinia e sotme, duhet të përpiqemi t'ua sigurojmë atë të ardhme fëmijëve tanë jashtë trojeve tona? Pse të mos kthehemi e të përpiqemi, mendojmë, bëjmë e sakrifikojmë për fëmijët tanë (të ardhmen tonë e të Kombit, në fund të fundit) brenda trojeve shqiptare? Pse duhet të presim ende nga pasardhësit e Enverit -politikanët e sotëm-, diçka të tillë (?); kur llogjika dhe faktet të çojnë në përfundimin se jo vetëm për çdo hap para po na kthejnë 2 hapa pas, por edhe po na heqin e poshtërojnë guximin dhe krenarinë personale e kombëtare. Dhe pa krenari kombëtare kurrë nuk mund të krijohet 1 Shtet i fortë!
Duke ditur se krenaria kombëtare fillon me mbrojtjen e flamurit kombëtar e duke parë pasivitetin e "shtetit tonë" ndaj përdhosjes së flamurit, mendon se kjo na shërben neve si Komb? Apo mendon se ai akt ishte thjesht diçka spontane e 1 kokëkrisuri grek? Për mua ajo ishte diçka e paramenduar qëllimisht prej qarqeve greko-mëdha dhe e mbështetur nga Shteti grek. Janë provokime që bëhen qëllimisht, si provokimet që bëjnë njerëzit e vegjël për të parë deri ku duron fqinji apo shoku. (Thuhet që kush duron, fiton; por thuhet edhe që durimi ka kufi, më mirë vonë se kurrë, etj. Thuhet që qëngji i urtë pi 2 nëna, por thuhet edhe që qëngji i sertë i pi të gjitha.)
Dhe nga ana tjetër, kemi rininë shqiptare që jeton, mësohet, brumoset në trojet shqiptare dhe nuk ka për t'u bërë më e mirë se klasa e sotme politike. Ajo rini, thjesht, për t'u punësuar duhet të paguajë ose të ketë miq të fortë; dhe me atë praktikë e mentalitet mos prisni, që ajo rini të mendojë për Kombin e Shtetin!
Në shqipëri pothuaj janë institucionalizuar korrupsioni dhe nepotizmi. Cila mendoni se do jetë e ardhmja e shqiptarëve si Komb nqs vazhdojmë t'ua lëmë në dorë të ardhmen tonë të sotërmve? Kanë 15 vjet në pushtet dhe e vetmja gjë që na kanë siguruar është heqja e telit të elektrifikuar nga kufiri dhe liria e sharjeve; dmth na nxorrën nga kampi i përqëndrimit dhe na hodhën nja 2 kocka që të zihemi me njëri-tjetrin.
Nuk duket se boll u qamë për të tashmen shqiptare dhe politikanët "tanë"? S'ka për të ndryshuar asgjë po s'e detyruam ne të ndryshojë.
Evropës s'i ka interesuar e s'i intereson Kombi e Shteti shqiptar, kështu që veç nesh s'ka për të na bërë askush.
Çdo gjallesë, rrjedhimisht çdo njeri, rrjedhimisht çdo Komb që nuk lufton për ekzistencën e vet është i destinuar të zhduket! Kemi mijëra vjet që po luftojmë për ekzistencën (dhe mbijetesën) tonë, por jo gjithnjë si Komb. Është koha ta bëjmë përsëri.
Prandaj nqs duam të bëjmë diçka, ose shumë, mjafton të kthehemi e të veprojmë. Të gjithë kemi ide, mjafton vetëm organizimi dhe vënia në praktikë. Dhe të siguroj se edhe po "s'arritëm" të bëjmë diçka të madhe, e pakta që do arrijmë (sa për të filluar) është ndërgjegjësimi i "elitës" së sotme politiko-ekonomike që mendojnë se janë pronarët e shqiptarëve e të trojeve shqiptare dhe mund të na trajtojnë e shesin si të duan.
Modifikuar nga Perendia datė 06/04/2005 ora 20:08
Denonco kėtė mesazh tek moderatorėt | IP: e regjistruar
|