varka
Anėtar Aktiv
Regjistruar: 27/04/2004
Vendbanimi: canada
Mesazhe: 685
|
Kush Eshte Gazetari, Spiuni Serb????!!!!!!!!!!!!
marre nga "sot"
Ajo që ka ndodhur dhe po ndodh me Presidentin e Republikës së Shqipërisë, zotin Bamir Topi, në lidhje me deklaratën e tij, për ekzistencën e një spiuni shqiptar pro serb në median shqiptare, aktualisht me pozicion të lartë në këtë media, ka përmasa skandali, i cili ose duhet përgënjeshtruar prej tij, ose duhet zbardhur. Jo se këtë e thotë ligji, por sepse e kërkon pozicioni Kushtetues i Kreut të Shtetit. Mirëpo kjo, nuk po ndodh. Presidenti i Republikës, Bamir Topi nuk po e publikon emrin e gazetarit shqiptar, agjent serb, që për më tepër edhe e paska përgjuar.Akoma më keq, ka kërcënuar, se ka fuqi të demaskojë presidentin e Republikës, pas deklaratave anti-serbe që ky paska bërë. Duke ndeshur këtë pozicion heshtës të presidentit Topi, në vazhdim të qëndrimit të saj, gazeta SOT ka kryer hulumtime në lidhje me këtë skandal, në organet që interceptuan për këtë spiun të kualifikuar mediatik dhe rezulton edhe nga burime brenda kabinetit të zotit Topi, se ky gazetar-spiun ka kohë që punon kundër interesave kombëtare shqiptare, duke e kulmuar veprimtarinë e tij deri në përgjime, kërcënime dhe spiunime, ndaj presidentit të Republikës. Të njëjtën gjë, duket se paska bërë dhe presidenti, duke deklaruar, se ka zbuluar një gazetar spiun, për të cilin dha një detaj, por që nuk po i publikon identitetin edhe pse këtë ia kërkon funksioni i tij Kushtetues dhe detyrimi si shtetas besnik e vigjilent i këtij vendi, brenda të cilit, agjenturat e huaja kanë aktivizuar çimkën e tyre, të cilin e maskojnë pas pozicionit të një gazetari të njohur. Pra, zoti president, përse nuk e publikoni emrin e këtij gazetari spiun? Ne nuk e dimë se çfarë ju pengon, por dimë faktin, që ai ekziston dhe madje është intervistuesi juaj i preferuar në disa raste, në emisione televizive ekskluzive, në një ekran kombëtar. Por edhe nëse nuk e deklaroni ju, tashmë ai e ka nxjerrë kokën dhe po vazhdon të veprojë lirshëm ndoshta edhe tani, që ju lexoni këto radhë, apo që ndoshta shihni stacionin televiz ku ai punon, ose ndoshta edhe tani, që bisedoni me miqtë e tij të ngushtë. Nisur nga pozicioni ynë si media e hapur dhe kombëtare në përmbajtje, ju bëjmë me dije, se ky agjent, që sipas jush punon kundër interesave kombëtare edhe kur ju flisni për çështjen kombëtare është mik i afërt, i preferuar dhe i aktivizuar i kreut të Bashkisë Tiranë dhe të PS, Edvin Rama. Madje aq i afërt, sa për shërbimet agjenturore që ka kryer, i ka marrë edhe gruan në punë në bashki, në një detyrë ku edhe lyhet pak buza. Zoti President! Ju e dini mirë, se kush është ky gazetar agjent, mbasi ashtu si gjithë shqiptarët, keni përjetuar lajmin më të turpshëm, të përhapur prej tij në televizionin ku ai punon, për vjedhjen e orës së Presidentit Bush në Fushë-Krujë, lajm ky, që më shumë se një shpifje ishte një shërbim tipik agjenturor, për të shkatërruar imazhin e Shqipërisë dhe për të cenuar raportet e konsoliduara të vendit tonë me SHBA. Madje ju kujtojmë, që edhe partia ku ju atëherë ishit nënkryetar, përgënjeshtroi dhe e konsideroi si një turp dhe shërbim antishqiptar.Këtë gazetar agjent e përgënjeshtroi dhe Shtëpia e Bardhë, duke e konsideruar akt të qëllimshëm. Po kështu, gazetari agjent pro serb, që ju ka përgjuar dhe ju ka kërcënuar edhe juve për demaskim dhe cenim pozitash si kryetar shteti është ai, që makinat e eskortës së Presidentit të SHBA, Bush, në momentin që po hynin në Tiranë, i ka cilësuar si vargu i brumbujve të zinj. Zoti President i Republikës. Edhe nëse nuk ju kujtohet, po ju ndihmojmë ne, të kujtoheni, që në shtypin shqiptar, ky gazetar spiun është denoncuar për plagjiaturë, mbasi i është vërtetuar publikisht fakti, që ka vjedhur shkrime-analiza nga shtypi amerikan dhe europian dhe i ka paraqitur si krijimtari të tij, gjë për të cilën, shtypi i cenuar prej tij e ka hedhur në gjyq dhe kjo kërkesë-padi, i është bërë prezent dhe institucionit tuaj. Po kështu, gazetari spiun pro serb, të cilin ju e cilësoni të rrezikshëm për interesat kombëtare, por që nuk ia deklaroni emrin, vetëm përpara 48 orësh, në ditën e shpalljes së Pavarësisë së Kosovës, në një emision special në ekranin ku punon, në bisedë me Presidentin Fatmir Sejdiu, tentoi të krijonte përçarje mes liderëve të gjallë dhe atyre simbol, të Kosovës. Paralelisht me të, ndërsa ky hidhte bomba përçarjeje brenda radhëve të shqiptarëve në Kosovë, po ato momente, serbët ultra-nacionalistë antishqiptarë, protestonin dhe sulmonin me bomba, selitë diplomatike që mbështetën pavarësinë. Normalisht, zoti President i Republikës, me detyrim Kushtetues, por dhe si shtetas shqiptar, duhet të deklaroni emrin këtij agjenti. Kujtojmë, që vetëm 10 ditë më parë, SHBA jo vetëm i publikoi emrat e katër agjentëve që punonin kundër interesave amerikane dhe pro interesave kineze, por edhe i arrestoi, duke i ekspozuar edhe me fytyrë në media. Këtë duhet ta bëni edhe Ju në rastin konkret. Sepse gjersa e deklaroni, kuptohet që e dini cili është. Ne ju thamë, që ky gazetar agjent antishqiptar, gjendet brenda rrethit të ngushtë të kryebashkiakut të Tiranës, Edvin Rama, madje shumë afër tij. Nëse nuk e publikoni, kjo është për tu shqetësuar, për më tepër, që në qarqet shqiptare mediatike dhe ato të shërbimit sekret shqiptar, heshtja juaj përballë një agjenti, që po u shërben shteteve me qëndrim antishqiptar, ka nisur të komentohet, sikur ka lidhje me një leje ndërtimi, të dhënë për ndërtimin e një grataçiele në qendër të Tiranës, madje përballë selisë së PD, ku do të rrafshohet një lokal fasulesh e pilafi. Thuhet gjithashtu, se brenda projektit të kësaj lejeje ndërtimi, të dhënë nga miku i ngushtë i agjentit të serbëve, gjendet edhe një komentator shtypi, nofka e të cilit qarkullon si Korani i Myzeqesë, i cili ka kohë që po noton brenda akuariumit të kryeministrit Berisha, duke zënë vendin e çorapes, që Berisha, pas 15 vjet përdorje e hoqi nga këmbët, aq sa prezenca e tij pranë kupolës, ka bërë xheloz edhe Masovikun. Prandaj, zoti President i Republikës, ju themi të zbatoni vetëm detyrimin Kushtetues për publikimin e emrit dhe vënien përpara ligjit, të gazetarit spiun. Lëndën e parë e keni. Mbetet, vetëm të
Denonco kėtė mesazh tek moderatorėt | IP: e regjistruar
|
20 Shkurt 2008 01:06
Forumi Horizont > Media dhe Politika > Politika Shqiptare > Ceshtja kosovare dhe me gjere > Kush Eshte Gazetari, Spiuni Serb????!!!!!!!!!!!!
