kontinenti
Blujtes
Regjistruar: 14/09/2004
Vendbanimi: mbi kete planet
Mesazhe: 4934
|
Ne pa mundesi per ta postuar kete shkrim ne teme me vete, per arsye teknike, u detyrova ta hedh ne kete faqe, ku shkrimi i At Nikolla Markut, ka qene i shkruar qe prej kohesh ne lidhje me kete mashtrim te perdorur nga greket.
(Kontinenti)
Trafiku i eshtrave, Brokaj: Janullatos të ikë nga Shqipëria - Përgatiti:
Tiranë
Nënkryetari dhe deputeti i LSI flet për ngjarjen e Përmetit, mosveprimin e qeverisë dhe shtetit tonë dhe përgjegjësinë e kishës greke
Trafiku i eshtrave, Brokaj: Janullatos të ikë nga Shqipëria
"E ka tejkaluar misionin e vet. Heshtja e fundit nuk është në të mirë të opinionit që ekziston për të"
Denion Ndrenika
Zogaj: Hapja e varreve, aventurizëm dhe mendim i keq
TIRANË- Kryetari i Komisionit parlamentar të Politikës së Jashtme, Preç Zogaj, e ka konsideruar aventurore dhe emocionale të gjithë historinë që po ndodh në fshatin Kosinë të Përmetit. Në këtë fshat, por dhe në ata pranë tij, eshtrat e banorëve të vdekur mbi 100 vjet më parë janë zhvarrosur për t“u përfshirë në grupin e ushtarëve grekë të vrarë gjatë Luftës së Dytë Botërore në vendin tonë. Zogaj kërkoi dje që autoritetet përkatëse të punojnë për zbardhjen e ngjarjeve. "Në vetvete është mjaft e çuditshme dhe veprim krejtësisht i papjekur, që ka brenda edhe aventurizëm, edhe emocion ka edhe ndonjë mendim të keq. Sepse gjithmonë do të bëhen gjallë disa mendësi që duan patjetër që t“i bëjnë të vështira marrëdhëniet tona me fqinjin jugor",- tha Zogaj. Ai vëren se shteti shqiptar nuk ka krijuar probleme ndonjëherë me varret e ushtarëve të huaj, të cilët nuk mungojnë në Shqipëri dhe as në tërheqjen e eshtrave të tyre. Dy ditë më parë në Kuvend, disa deputetë e kanë konsideruar akt makabër dhe një ngjarje paprecedentë atë që kishte ndodhur me zhvarrosjen e varreve të banorëve të zonës, duke bërë përgjegjëse për këtë autoritet shtetërore.
TIRANË- Nënkryetari i LSI-së e njëkohësisht deputet i saj, Sabit Brokaj, tha dje në një intervistë për "Shekullin", se kryepeshkopi Janulltas duhet të largohet nga Shqipëria. Brokaj ashpërson shumë tonet kur flet për hapjen e varreve dhe grabitjen e eshtrave në Kosinë të Përmetit, duke bërë përgjegjës shtetin tonë, por duke dënuar edhe politikën antishqiptare të fqinjëve tanë jugorë.
Humor i dhimbshëm, zoti Brokaj! "Ja ku i keni, merrini eshtrat e gjeneralit Zampa"
Kështu edhe me zhvarrimet në Përmet?
Këtu janë dy dukuri që paraqesin 2 realitete, njeri është nga ana e shoqërisë shqiptare. Të them të drejtën, është lënduese në ndërgjegjen e qytetarëve shqiptarë që shiten eshtra. Me sa duket, kriza shpirtërore, psikologjike si dhe liria e perversitetit kanë arritur në kulmin e tyre, sa druhen të pranohen gjeste të tilla. Ana tjetër është që interesat dhe veprimet e përfaqësuesve të shtetit grek deri në veprime, të cilat janë plotësim misionesh antishqiptare të një doktrine rreth 100-vjeçare, të quajtur të Vorio Epir. Edhe kjo është aq e ulët, aq e padenjë për popullin grek, për dinjitetin e tij. Habitesh! Mirë ne që jemi në krizë dhe nuk po e dominojnë, por edhe ata, që janë në gjendje normale, si është e mundur që në vend të njerëzve të tyre, të dëshmorëve të tyre, të pranojnë futjen e çfarëdolloj kocke në varre me emrat e tyre?! Kam përshtypjen se disa situata të tilla i ngjajnë një romani përsosshmërisht të shkruar, por që të lë një shije të keqe. Nga ana tjetër, del papërgjegjshmëria e shtetit shqiptar. Unë do të thosha e të gjitha vertikaleve të institucioneve të tij. Mungesa tërësisht e ndjenjës së sovranitetit të vendit të tyre për këtë situatë të paimagjinueshme, që vijnë njerëz të zhvarrosin të vdekurit dhe të bëjnë veprime të tilla çnjerëzore e absolutisht të papranueshme dhe shteti të bëjë sehir. E them këtë të fundit për arsye se shteti ka pasur informacion se çfarë po ndodhte dhe si në shumicën e ngjarjeve të rënda dhe të mëdha të këtyre viteve, është përsëri fatmirësisht media që ende ruan identitetin për të paraqitur situatat që zhvillohen. Do të rikthehesha edhe njëherë tek ai moment që përfaqëson veprimin e shtetit grek. E them se është një veprim i përputhshëm i kërkesës së shtetit grek për këto varreza dhe i veprimit që bëhet. Por në një formë tjetër, hienash, hileqarësh.
Më falni, por populli grek ka histori të lashtë, përfshi mesazhin e Kalit të Trojës
Ju më ngacmuat shumë mirë, një sërë anekdotash që popuj të ndryshëm me hak ose pa hak kanë me grekët, të cilat kanë të njëjtën përmbajtje. Por, meqë unë kam shumë miq në Greqi dhe që kam simpati për atë popull, nuk do të më pëlqente që të kishte prova dhe argumente. Por ju duhet ta dini aq më shumë kur i takojmë bregdetit, që në murin e parlamentit grek janë shkruar disa shkronja, lidhur me ca krahina që kanë dinjitet dhe qëndresë shqiptare, madje shumë më lart se kufijtë realë etnikë që janë ose që duhet të ishte Shqipëria
Mos doni të thoni Artën dhe Prevëzën?!
Edhe atje, edhe më këtej po t“i marrësh, ato përsëri janë shumë brenda! Gryka e Këlcyërs, ç“punë ka?! Po Himara dhe përsëri këto varreza të hedhura natën në atë sjellje vërtet të ulët?! Ja që duan të sjellin argumentet se ata janë vrarë në tokën e tyre! Çfarë duhet më shumë se kaq që të fyejë dhe të shqetësojë politikën e një shteti. Unë e kam thënë që ne po i lëmë belanë brezave që vijnë. Është real fakti që klasa politike shqiptare në këto 15 vjet, ata që drejtojnë vendin, kam parasysh edhe qeveritë socialiste, por edhe tani, mendojnë se ruajnë pushtetin me servilizma ndaj grekëve. Me sa duket, kryeministri aktual me veprimet që bëri me Bashkinë e Himarës, me veprimin tinzar me shkollën greke në Himarë, duket se ka ndjenjën e detyrimit ndaj grekëve, pasi nuk është e padëgjuar një psikologji e këtyre politikanëve të dështuar që, nëse prishesh ose ndreqesh me grekët, nuk vjen apo ikën nga pushteti.
Dhe, ju mendoni se zoti Berisha ka komplekse nga disa marrëdhënie të mëhershme me Greqinë?
Po, po, padyshim që është kështu si e thoni ju. Po si mund të pranoj unë, ky kryeministër, që vetëm për një gjë të vogël tund dynjanë, nëse lidhet me politika të vogla të PD-së apo për qëndrime ndaj tij, thjesht personale, për çudi të mos veprojë kur merr vesh ngjarje të tilla, për të cilat do të tronditej realisht çdo person që ka në dorë drejtimin e një vendi.
Çfarë duhet bërë?
Po, lidhur me zhvarrimet. Ato duhet të bëheshin sikurse kanë përvojë edhe të tjerët që në vendet e tyre janë varrosur shumë më shpejt, ushtarët e atyre që kanë humbur jetën. Për këto ka marrëveshje dhe protokolle teknike. Madje ka edhe një protokoll të veçantë të identifikimit të kufomës. Një familjari grek, në vend të të afërmit, do t“i japin eshtrat e ndonjë "Selami" apo të "Hyseni" të vdekur 200 vjet përpara në Shqipëri! Çfarë tallje e madhe që po bëhet! Shikoni se çfarë batakçillëku po bëjnë! Dhe, që lidhet më vonë edhe me dinjitetin si shtet. Në cilindo shtet do të ishte kështu, më jepni në shembull? Në cilin vend është pranuar tjetërsimi i kockave në të gjithë procesin e qytetërimit? Kjo nuk është pranuar kurrë! Mund të tjetërsojnë grekët emrat tanë, të shfrytëzojnë varfërinë tonë, që "Selamët" i bëjnë "Vasilër", por jo më "Vasilët" e vrarë, nuk mund të bëhen kockat e "Osmanëve" apo Selamëve", fjala vjen. Duhet të respektohet protokolli i identifikimit të kufomës, aty të vihet numri apo medaljoni i ushtarëve që nuk janë fare te këto eshtra, të shihen këpucët që rrojnë më gjatë dhe ndonjë dokument që edhe ndodh të mbetet e përfundimisht studimet gjenetike. Me studime të tilla gjejnë mumje të vdekura mijëra e mijëra vjet e jo më ushtarë që kanë vdekur 56-60 vjet para! Në aspektin politiko-historik, fakti është i njohur që mjaft ushtarë të vrarë grekë janë marrë në mënyrën më normale dhe njerëzore nga familjet e tyre. Po të marrësh eshtrat e t“i sjellësh në vendin tënd, është shumë normale, por për çudi, vetëm ata i duan eshtrat në vendin e tjetrit?! A më shumë tani që janë shumë afër është po normale që të bëhen nderime, qoftë edhe në Përmet apo në Këlcyrë. Të bëhet ndoshta edhe një lapidar, por jo të ndërtohet një manastir e të ngrenë edhe varreza me ca eshtra që nuk merret vesh të kujt janë. Ashtu sikurse kanë ndërtuar shumë aspekte të historisë të mbushur në mendjen e fëmijëve me Vorio Epirin, ashtu vazhdojnë me të njëjtat gjëra që nuk i shërbejnë marrëdhënieve të fqinjësisë, me popullin më dashamirës ndaj tyre, që nuk kemi bërë absolutisht asnjë herë agresion të çfarëdolloj tipi. Madje, kemi humbur pjesët më të mira që janë jashtë kufirit tonë. Po këtu ka edhe një ngjarje tjetër që flet për mungesën e prestigjit të shtetit shqiptar. Na del një konsull, i cili me sa duket, është midis regjisorëve, që ndjen përgjegjësinë që futet në këtë lojë të fëlliqur mes priftërinjve përfaqësues të një politike antishqiptare e thotë që të mbyllet kisha, që të mos bëhet hetimi e për çudi, autoritetet shqiptare, me servilizëm, janë nën komandën e këtij konsulli e ndërpresin hetimin për të mos hyrë në kishë, që të mos shkosh tek e vërteta.
Kjo nuk i takon politikës, për kishën duhet të përgjigjet vetë kjo, që ne e kemi Autoqefale pas tri kongreseve panortodoksë në vitet 1922, 1929 dhe 1950, ndonëse me peshkop grek
Padyshim që do të duhej kjo ndërhyrje nga autoritetet e Kishës Ortodokse Autoqefale, por që ata janë në varësi të misionit dhe si persona në borderonë e atyre që drejtojnë politikat antishqiptare e aq më shumë, që para ca kohësh në atë manastir ka qenë vetë Janullatosi që bëri kungimet. Si është e mundur që edhe në ngjarje të tilla, i cili erdhi vërtet me një ndryshim në Shqipëri, kur bëhet fjalë për cenime të rënda të dinjitetit të shqiptarëve, mund të them edhe të veprimeve që janë provokime të mëdha, të hapura, nuk e dëgjon të flasë e të veprojë?! Dhe kjo më detyron mua që të them me ironi se si është e mundur që shqiptarët akoma nuk kanë lexuar të vetmin libër të shenjtë dhe që nuk janë bërë dot peshkopë, pra që nuk arrijnë të mbajnë dot ritet fetare?! Në çfarëdo lloj shkence, për 15 vjet arrin kulmin! Duket që është një kompromentim i rëndë dhe i thellë i Kishës Ortodokse Shqiptare dhe kam parë përpjekje që reagimi të ndërthurej, ai i marrjes së autoqefalisë nga kisha shqiptare. Paska qenë një projekt dhe mbetet ashtu siç ka qenë po ai projekt. Pra, që misioni i kishës greke është ai mision që ka qenë, frymëzues i veprimit antishqiptar, i popullit, i shtetit dhe vetë kishës greke, pavarësisht se kanë vepruar këta të fundit në përputhje me këtë mision të mbrapshtë dhe të egër të asaj filozofie.
-Nuk dua të bëj ndonjë lidhje të madhe me politikën, por në Kushtetutën e rrëzuar në nëntor 1994, përcaktoheshin ligjërisht të drejtat e komuniteteve fetare, përfshi qenien 25 vjet në Shqipëri të kreut të kësaj kishe. Zoti Brokaj, ju e keni rrëzuar atë projektkushtetutë, duke qenë në drejtimin e PS-së. Tani çfarë?!
Unë kërkova nga parlamenti përpilimin urgjent të ligjit për fenë dhe aty kjo përvojë e 15 viteve, si dhe përvojat e mëparshme të shtetit shqiptar e të popullit shqiptar, kur ende nuk kishte shtetit, duhet të fiksohen në këtë ligj. Ne nuk duhet të vuajmë më nga spontaniteti dhe dritëshkurtësia, kur bëjmë fjalë për probleme të këtij karakteri, kur me mënyrën më fyese, më agresive na e bëjnë këtë! Por ka edhe këngë rreshtore në ushtrinë greke, sot e kësaj dite, që flasin për Tepelenën, Përmetin, Gjirokastrën, Korçën, Himarën, që ata duhet të çlirojnë vëllezërit e tyre! Këndohen sot, po, po, sot! Dhe, ndërkaq, shqiptarët e shkretë, druhen. Politikanët, për një gjë që lidhet drejtpërdrejt me sovranitetin, me mbrojtjen e njerëzve të tyre, me mbrojtjen e shenjtërisë së kockave të tyre! Është me të vërtetë revoltuese mungesa e reagimit të shtetit dhe të ndonjë reagimi tjetër, me të cilin kam parasysh se, në qoftë se kjo ngjarje do të ishte në faqen e para të gazetave, një media kishte në faqe të parë se si ishin puthur dy këngëtare kosovare, Adelina Smajli me atë tjetrën, Genta Ismaili! Nuk mendoj se nuk ka popull më dashamirës ndaj tyre sa jemi ne. Shumë gjëra të kaluara kohe në mentalitetin evropian, janë larg tyre kur bëhet fjalë për të plotësuar kërkesat e kartës së Vorio Epirit të vitit 1908, të cilat po i plotësojnë kryeministrat shqiptarë, sa njeri e sa tjetri e do të vazhdojnë nëse ne do të vëmë të tillë, edhe të tjerë, të cilët portofolin dhe karrigen e tyre e lidhin me dëshirën apo shitjen e interesave në krahun tjetër.
Por, unë u pyeta për nisma ligjore, zoti Brokaj
Të kthehemi te kjo. Ne kemi një model të një ligji të kohës së mbretërisë. Ka qenë shumë i mirë. Kemi edhe modelin e Bosnje e Hercegovinës apo vendeve që kanë shumë fe. Ka ligje, të cilat natyrisht duhet t“i shikojmë brenda realitetit te ne. Dhe, aty duhet të arrihet me qëndrime të qarta, transparente, por ndërkaq, të respektojmë edhe popullin, i cili i ndodhur në situata krize reale arrin të mbështesë përfaqësues të tij, individë të caktuar, që bëjnë gjëra që shqiptarëve do t“u vijë turp edhe pas 200 mijë vjetëve! Këtë duhet ta ruajë shteti, rënien në këtë batak. Ndaj them që nuk do të flas për çështjen që patjetër do të ishte përherë hierarkia, plotësisht e pranueshme, por jo që autoqefalia t“i jepet të tjerëve.
Mos duhet të kuptojmë që Hirësia e Tij, Janullatos, duhet të largohet?
Po, po brenda ligjit, unë do të thosha se ai e ka tejkaluar misionin e vet, e ka tejkaluar! Përderisa e ka caktuar kisha greke, rregulli dhe roli i saj është helenizimi dhe helenizim në Shqipëri do të thotë antishqiptarizëm! Ai është një person që në kishën greke është me emër, autoritar dhe nuk e kuptoj që ai tashmë është i dobishëm në Shqipëri. Çfarë bëri për mirë e bëri, por disa veprime e gjeste të vazhdueshme dhe heshtja e fundit nuk janë në të mirë të opinionit që ekziston për të, pasi kam parasysh se si iu qepën të parës shkollë shqipe që është simbol për Shqipërinë në Elbasan, për ta bërë kishë. Dihet që për ne shqiptarët shkolla është e shenjtë dhe se asaj iu sulën të gjithë ata që na pushtuan ne edhe fetë e importuara, drejtuesit fetarë, asaj, shkollës sonë! Nuk ka shkollë në botë që t“i ketë shkronjat me gjak si e jona dhe ky prift i nderuar e synoi atë truall të saj, të shkollës, truall i cili jo vetëm për mua, por për ne të gjithë, me qëndrime jo dashamirëse.
Përmendët më parë Himarën. Mos harroni, zotëri, se kur u ndanë zonat zgjedhore për procesin e 2005-ës, ajo u përfshi në zonën 98 së bashku me Delvinën, që duke iu referuar edhe ndarjeve administrative historike, asnjëherë nuk ka qenë kështu. E këtë e keni bërë ju, politikanët
Kur fola më lart për kryeministra shqiptarë, kisha parasysh Fatos Nano, të cilit unë i kam thënë, ia kam denoncuar karakterin e ndarjes së kësaj zone. Kam thënë se e di saktë fare se ndarja e zonave elektorale në jugun e Shqipërisë është bërë me kërkesë të Greqisë, ose më mirë jo me kërkesë, por me kërkesë nën diktat. Në qoftë se se bëhet fjalë për diktat të politikave të llojit "Nano", të grekëve. Është pikërisht kështu! Prandaj, ato që bëhen me qëllime politike të caktuara ka qenë një kërkesë, e cila është ushtruar nga Nikolas Gejxhi mbi Nanon dhe padyshim edhe pasi Sali Berisha i hoqi "non gratën" dhe pranoi nënshkrimin ndaj Gejxhit që filloi në vijim të zbatimit të planit. Thelbi i çështjes është ai që e kam thënë dhe herë tjetër, që ne nuk na mungon sovraniteti në kuptimin që çdo vend i lidhur me strukturën dhe organizmat evropiane apo ndërkombëtarë ka më pak të tillë. Por, ne na mungon sovraniteti për problemet thelbësisht kombëtare. Është absolutisht kështu çdo vend sovran! Ku diskutohet në ndonjë vend që të ndahen zonat kështu?! Provoni e bëjeni në Greqi, në Maqedoni bëjeni meqë kemi 40 për qind të popullatës shqiptare! Thelbi është pikërisht ky, në politikën shqiptare dhe padyshim që në atë linjë duhet të përcaktohet qartë qëndrimi i misionarëve të huaj dhe padiskutim subvencionet. Ai prifti Thomollari apo të tjerë, ish-kafshari i fshatit, pa diskutim që është me bordero. E kishte me dhrahmi dhe tani e merr në euro. Nuk mund ta bënte jo kafshari, por as kafsha e fshatit atë që bëri ai atje. U siguroj, që as kafsha nuk do ta bënte! Dhe, për çudi, ende nuk ia kanë hequr rrasën e zezë e t“i vënë byzylykët në duar, sepse ende nuk funksionon zbatimi i ligjit. Duhet përcaktuar patjetër me ligj subvencioni i huaj mbi institucionet fetare. Mirë ne që e kemi totalisht të shkëputur shtetin nga feja, por ja që ka vende që e kanë totalisht të lidhur shtetin dhe dominohen në politikën e tyre nga feja. Atëherë si t“ia bëjmë ne, për ta marrë parasysh e për t“iu përgjigjur në mënyrë mbrojtëse që të mos kemi situata të tilla e më të këqija si ato që përgatiten të ndodhin?
-Çfarë përgatitet të ndodhë?
E dini ju që kur ne të dy të mos jemi e ndoshta as ndonjë brez tjetër, popujt, historia, kombet dhe problemet e jetesës e të sigurisë mbeten për të gjithë jetën. Sa të të ketë individ dhe komb. Atëherë, përse i lënë ato eshtrat atje në ato treva?! Pse vënë një kryq të madh në Himarë ku është bërë një betejë e madhe italo-greke? Ne, nga një anë pranojmë kryqin nga grekët dhe në anën tjetër fyejmë rëndë partnerët italianë? Kur ne zëmë anën e njërit apo tjetrit sot, kur dihet që në Luftën e Dytë Botërore, ne mbajtëm një nga qëndrimet më të mira historike që patëm ndonjëherë.
-Megjithatë, në atë luftë qëndrimi nuk respektonte bashkimin e Çamërisë
Atëherë ai qëndrim kishte mbështetje dhe problemi nacional ishte nga pikat ku sigurohej mbështeste dhe ato të Çamërisë, Kosovës e të tjerave, por patjetër që duhet të ishin tërhequr. Që atëherë qëndrimi kundër fashizmit ishte ndër më kolosalët, sepse edhe fashizmi nuk e ka pasur seriozisht. Momentet kryesore të masakrimit të shqiptarëve të Çamërisë ka qenë marrëveshja e grekëve me gjermanët, të përfaqësuesve të ushtrisë greke, partizanëve grekë që u bënë bashkë dhe masakruan çamët. Pra, fashizimi e ka pasur propagandë.
Denonco kėtė mesazh tek moderatorėt | IP: e regjistruar
|
23 Gusht 2006 01:34
Forumi Horizont > Tema Shoqėrore > Besimi Fetar > At Nikolla Marku: Greqia te terheqe eshtrat e ushtareve pushtues.
