Klodel
.
Regjistruar: 10/01/2003
Vendbanimi: .
Mesazhe: 5233
|
PAQJA E PĖRGJAKSHME NĖ IRAK
NEW YORK TIMES,
Gjermania dhe Japonia e pas luftës së dytë botërore nuk u transformuan për një natë në demokraci përparimtare, dhe do të ishte jorealiste të priten mrekulli në Irak.
Ndërsa koha ikën, duke e pamohueshme se administrata e Xhorxh Bushit i ka bërë gabimisht hesapet për çmimin njerëzor dhe financiar që kushton okupimi amerikan, shkruan Nju Jork Tajms. Ky dështim, i cili po përvijohet në gjykimet e të gjithë amerikanëve të orientimeve të ndryshme politike, premton të bëhet çështje e zgjedhjeve. Kjo nuk kalohet lehtë me sigurime të lehta verbale se do të vijnë kohëra më të mira, apo me refrenin e preferuar të sekretarit të mbrojtjes Donald Ramsfeld se lufta veçsa përfundoi para disa javësh. Kjo përvojë në politikën amerikane do të jetë shumë më e gjatë dhe e përgjakshme se sa që e tha ndonjëherë kryetari Bush. Ngritja e një Iraku të lirë dhe paqësor paraqet shtyllë për përparim në gjithë Lindjen e Mesme, synim që ia vlen të luftosh për të, qoftë edhe me çmime të larta.
Nju Jork Tajms vazhdon se nëse Uashingtoni dëshiron të rimarrë mbështetjen e nevojshme publike për të parë se puna po kryhet, ai nuk mund të pretendojë se çdo gjë është në binarë. Ushtarët që kthehen në arkivole në shtëpi, e dëshmojnë këtë. Shumica e kritikëve të administratës parashikuan se Uashingtoni do të fitonte luftën, por do ta harronte paqen, dhe deri tani këta kritikë, janë treguar të saktë. Administrata duket se ka menduar që kur të përfundojë lufta, institucionet qeveritare të Irakut, duke filluar nga armata e deri te ndërmarjet e ujësjellësit, do të mund të zëvendësoheshin nga udhëheqja e re dhe të rifunksionalizohen duke ofruar rend dhe shërbime themelore në Irakun e lirë. Por, plani amerikan bëri hesape të gabuara, si rreth madhësisë, ashtu edhe rreth përbërjes së forcave ushtarake okupuese. Vjeshtën e kaluar, zyrtarët në Pentagon e panë me përbuzje gjeneralin Erik Shinseki, kur tha se për ta kontrolluar Irakun pas luftës, duhen qindra mijëra trupa amerikane. Sot atje janë 150,000 trupa ndërsa numri i tyre pritet të rritet.
Nju Jork Tajms thotë gjithashtu se ishte supozim naiv se pas përmbysjes së Sadamit, opozita do të ngrihej për ta zëvendësuar atë. Së fundi, komandanti ushtarak amerikan Xhon Abizaid, përshkroi gjendjen e luftimeve me shprehjen luftë guerile. Këtë fjalë krijuesit e imazheve në Shtëpinë e Bardhë dhe në Uashington e kanë shmangur me ngulm. Shkalla e luftimeve është larg asaj në Vietnam, por konflikti në Irak, premton të zgjatet dhe të shtrenjtohet. Deri tani ai kushton 4 miliardë dollarë në muaj.
Duke invaduar në Irak, pa miratimin e Këshillit të Sigurimit, Uashingtoni ka ndërlikuar shumë detyrën e ndihmës së huaj në periudhat e pasluftës. Sekretari i shtetit Kolin Pauell me vonesë po bisedon për një rezolutë të re të Këshillit të Sigurimit, që do t'i hapte rrugën Francës, Indisë dhe vendeve të tjera të dërgojnë trupa paqëruajtëse në Irak. Kjo është e rëndësishme, që t'u lehtësohen ngatërresat trupave amerikane. Nuk është vonë të vendosësh Irakun në një kurs më premtues, por kjo kërkon një fuqi që qëndron atje duke bashkëpunuar me shtetet tjera, gjë për të cilën kjo administratë, rrallë ka treguar interes, përfundon komenti Paqja e përgjakshme në Irak, në gazetën Nju Jork Tajms.
__________________
It takes just as much courage to express your love when it's right, as it does to walk away when it's wrong.
Denonco kėtė mesazh tek moderatorėt | IP: e regjistruar
|