Forumi Horizont Forumi Horizont > Media dhe Politika > Politika Shqiptare > Edi Rama, nje Politikan frikacak
Gjithsej 15 faqe: « 1 2 3 4 [5] 6 7 8 9 10 11 12 13 14 » ... E fundit »   Tema e mėparshme   Tema Tjetėr
Autori
Titulli Hap njė temė tė re    Pėrgjigju brenda kėsaj teme
RAIMONDI
Veteran ne forum

Regjistruar: 27/06/2007
Vendbanimi: ...prapa diellit...
Mesazhe: 3492

Fajtor ke pire vella ? Ke ndonje ide ti per problemin ne fjale thuje ....

Sa per tegelin , une aty ofrova ndihmen time , nuk thashe ndonje gje te keqe --ju e merni per ters --ok, or mik , pune per ju loooooooooool

__________________
Cdo gje shqiptare esht e dashur per mua

Denonco kėtė mesazh tek moderatorėt | IP: e regjistruar

Mesazh i vjetėr 07 Prill 2012 05:46
RAIMONDI nuk po viziton aktualisht forumin Kliko kėtu pėr Profilin Personal tė RAIMONDI Kliko kėtu pėr tė kontaktuar me RAIMONDI (me Mesazh Privat) Kėrko mesazhe tė tjera nga: RAIMONDI Shto RAIMONDI nė listėn e injorimit Printo vetėm kėtė mesazh Shto RAIMONDI nė listėn e monitorimit Ndrysho/Fshij Mesazhin Pėrgjigju Duke e Cituar
Vizioner
...ne Timon

Regjistruar: 23/11/2007
Vendbanimi: Frankfurt
Mesazhe: 6857

Lightbulb

Jua bėj mė keq se nė 21 janar….

Dr.Migena Aleksi



Votimi për anëtarin e ri të KLD, për disa ishte nje test për aritmetikën e mazhorancës në parlament, për të tjerë ishte një provë gjenerale për votimin e ardhshëm për Presidentin.
Ishte padyshim edhe shpërtallja e radhës me pandehmën se Berisha do të lejojë ndonjëherë një votim për të cilin është i bindur se nuk e fiton. Me të drejtë u komentua dje se Berisha e dëshmoi hapur që nuk do të lejojë në asnjë rrethanë të bëhen zgjedhje të cilat mendon se e nxjerrin të humbur. Por, mbi të gjitha ngjarjet e së enjtes në Kuvend, do të memorizohen për episodin shpërthyes në fund të seancës.

Në një video e cila është realizuar me celular deputeti Taulant Balla, shihet kryeministri i vendit që lëshon nga podiumi i Kuvendit fjalët: “E provuat më 21 janar. Doni ta provoni përsëri? Këtu jam, jua bëj më keq se më 21 Janar”. Kush vrau dhe pse u vranë demonstruesit e 21 janarit ka qenë e qartë që prej fillimit. Ky krim i asaj dite kur siç thotë Kadare “në skenë u thirr vdekja”, ndodhi në sytë e mijëra dëshmitarëve dhe në fokusin e dhjetëra kamerave.
Gjatë muajve që pasuan, ky kryeministër u përfshi personalisht në pengimin e hetimeve, në spekulimin me kronologjinë e ngjarjes, e më pas dolën në dritë provat me ndërrim tytash, prishje gjilpërash e fshirje serverësh. Por thirrmat e tij të enjten në Kuvend janë prova më e qartë që 21 janari nuk ka lidhje me të ashtuquajturën “përgjigje ndaj dhunës”, me historitë me puce fantazmash apo shëmtinë fyese të marrëzive me çadra pistoletë.
Kryeministri pohoi se 21 janari ishte një krim me paramendim. Prandaj u qëllua ndërkohë që demonstrata ishte shkrehur, prandaj u qëlluan njerëz me duar në xhepa, prandaj u qëllua pas shpine një turmë në ikje. Vrasjet dhe terrori i mëpasëm mbi protestues e kalimtarë në bulevardin e Tiranës nuk kanë patur lidhje me atë që ndodhi në demonstratë, por me atë që nuk duhej të ndodhte më pas. E pohon kryetari i Këshillit të Ministrave dora vetë. Pohon se ka vrarë me skenarin e qartë për të frikësuar dhe nënshtruar opozitën dhe se është i gatshëm ta bëj përsëri. “jua bëj më keq se në 21 janar…” (!)

Dhe opozita në fakt është nënshtruar. Asnjë opozitë në botë nuk do tërhiqej pas 21 janarit. Asnjë opozitë në botë nuk do ti lejonte vetes ti thoshte popullit të vet: tani, pasi ju vranë dhe ju përdhunuan, dilni e protestoni vetë. Asnjë opozitë në botë nuk do hiqej për hunde kështu gjithë këta muaj shkatërrues për vendin. Kjo nuk ka të bëj me stilet, fjalimet, mënyrat, apo qoftë edhe programet. Ka të bëj me zemrën.

Opozita për fat të keq nuk ka zemër. Për këtë shkak aftësia e saj për të krijuar frymë, për të ngjallur realisht shpresë përballë dikujt që jo vetëm vret e dhunon por edhe guxon ta shpallë botërisht autorësinë e krimit, lë shumë për të dëshiruar. Mbi të gjitha është e trishtueshme ajo nuk arrin të kuptojë se shkalla e kurajës civile të qytetarëve varet nga veprimet e saj, dhe jo e kundërta.

__________________
I am the author of my life;
unfortunalty, I'm writing in pen & can't erase my mistakes.

Denonco kėtė mesazh tek moderatorėt | IP: e regjistruar

Mesazh i vjetėr 15 Prill 2012 09:59
Vizioner nuk po viziton aktualisht forumin Kliko kėtu pėr Profilin Personal tė Vizioner Kliko kėtu pėr tė kontaktuar me Vizioner (me Mesazh Privat) Vizito faqen personale tė Vizioner't! Kėrko mesazhe tė tjera nga: Vizioner Shto Vizioner nė listėn e injorimit Printo vetėm kėtė mesazh Shto Vizioner nė listėn e monitorimit Ndrysho/Fshij Mesazhin Pėrgjigju Duke e Cituar
Vizioner
...ne Timon

Regjistruar: 23/11/2007
Vendbanimi: Frankfurt
Mesazhe: 6857

Frikacaku i deshtuar

.

__________________
I am the author of my life;
unfortunalty, I'm writing in pen & can't erase my mistakes.

Denonco kėtė mesazh tek moderatorėt | IP: e regjistruar

Mesazh i vjetėr 08 Maj 2012 17:35
Vizioner nuk po viziton aktualisht forumin Kliko kėtu pėr Profilin Personal tė Vizioner Kliko kėtu pėr tė kontaktuar me Vizioner (me Mesazh Privat) Vizito faqen personale tė Vizioner't! Kėrko mesazhe tė tjera nga: Vizioner Shto Vizioner nė listėn e injorimit Printo vetėm kėtė mesazh Shto Vizioner nė listėn e monitorimit Ndrysho/Fshij Mesazhin Pėrgjigju Duke e Cituar
Vizioner
...ne Timon

Regjistruar: 23/11/2007
Vendbanimi: Frankfurt
Mesazhe: 6857

Takohen sot: Rama dhe Meta

Bashkangjitje: Kliko pėr tė hapur kėtė file nė njė dritare tė re meta_hajdut.jpg
Ky file ėshtė shkarkuar 28 herė.

Takimi mes kryetarit të PS, Edi Rama dhe kryetarit të LSI, Ilir Meta, zgjati për thuajse një orë. U zhvillua në hotel Sheraton në Tiranë dhe në krah të Ramës ishte Gramoz Ruçi dhe në krah të Metës, Petrit Vasili.





Rama: Atyre që mllefosen nga takimi me Metën u them se dialog bëjmë dhe me kundërshtarin.


Kryetari i Partisë Socialiste, Edi Rama, pas përfundimit të takimit me kryetarin e LSI, Ilir Meta, duket se e kishte merakun më shumë tek fakti se pse u takua me Metën dhe jo tek fakti se çfarë u bisedua.

“Takimi i sotëm ishte rreth kuadrit të nismës sonë për të komunikuar me të gjithë drejtuesit e palëve parlamentare dhe për të eksploruar mundësitë e një procesi të dakordësuar në funksion të zgjedhjes së presidentit të Republikës, që të jetë mishërim i unitetit kombëtar dhe jo një noter partiak.

Kush çuditet apo mllefoset nga takimi im i sotëm me Ilir Metën, i them se kur flasim për dialog, ka dialog edhe me kundërshtarët,” tha Rama.

“Shqipërisë i duhet sot një president që të garantojë kalimin e kësaj prove të rëndësishme për marrjen e statusit, i duhet një president që të garantojë pavarësinë e institucioneve dhe të jetë garant i zgjedhjeve të ardhshme. SHBA dhe BE e kërkojnë, shqiptarët e kërkojnë, ne do bëjmë gjithçka që kemi në dorë duke vënë në dispozicion të gjitha energjitë tona në emër të kësaj kërkese. Ne nuk mund të predikojmë proces apo konsensus të nevojshëm dhe të domosdoshëm duke qëndruar në llogoren tonë dhe duke bërë sehir në llogoren e qeverisë. Është koha për të komunikuar me të gjithë në mënyrë që nga ky proces të dalë rezultati i pritshëm në funksion të interesit kombëtar,” deklaroi Rama.

* * *

Kokluzioni, sipas meje:
Ky ishte fundi jot, Edi Rama, si Politikan shpresedhenes per nje Shqiperi ndryshe!

Takimi i sotem, i cilitdo forme e permbajtje, mbylli karieren tende Politike!

Te takosh e te diskutosh per fatet e Shqiperise, me njeriun qe mban=beri e ben te mundur mbajtjen ne pushtet te Kriminelit, Mafiozit Sali Berisha!!!???

Te takosh e te diskutosh per fatet e Shqiperise me vete kryemafiozin!!!???

Te takosh e te diskutosh per fatet e shqiperise me Kryeinstaluesin e Korrupsionit!!!???

Te takosh e te diskutosh per fatet e Shqiperise, per integrimin dhe hyrjen e saje ne BE, me njeriun per te cilin BE-ja priste nje vendim tjeter nga Gjykata = Denimin e tije!!!???

Edi Rama, qe u tregove FRIKACAK perpara Kriminelit e krimineleve, kete nuk e thashe vetem une por, qe tani, t'i shtrengosh doren dhe ti kerkosh bashkepunim Kryemafiozit shqiptare, e humbe davane komplet!


Nuk ka llogjike te shendoshe Opozitare qe ta pranoje kete veprim!!!


Komentoje, Interpretoje si te duash veprimin e sotem, Ti, bashke me PS-ne u dogjet!



Mjere Shqiperia, per keta te vetequajtur Politikane!

&

__________________
I am the author of my life;
unfortunalty, I'm writing in pen & can't erase my mistakes.

Denonco kėtė mesazh tek moderatorėt | IP: e regjistruar

Mesazh i vjetėr 08 Maj 2012 17:38
Vizioner nuk po viziton aktualisht forumin Kliko kėtu pėr Profilin Personal tė Vizioner Kliko kėtu pėr tė kontaktuar me Vizioner (me Mesazh Privat) Vizito faqen personale tė Vizioner't! Kėrko mesazhe tė tjera nga: Vizioner Shto Vizioner nė listėn e injorimit Printo vetėm kėtė mesazh Shto Vizioner nė listėn e monitorimit Ndrysho/Fshij Mesazhin Pėrgjigju Duke e Cituar
Vizioner
...ne Timon

Regjistruar: 23/11/2007
Vendbanimi: Frankfurt
Mesazhe: 6857

Takimi i sotem: Rama - Meta

Bashkangjitje: Kliko pėr tė hapur kėtė file nė njė dritare tė re 1256665630-meta-rama-300x199.jpg
Ky file ėshtė shkarkuar 27 herė.

Por nuk ka lënë rastin pa i shpëtuar TV Klan, ku Edi Rama do shfaqet të enjten në emisionin “Opinion”. Në një shënim të gjatë në hyrje të edicionit të lajmeve, ata kanë sulmuar Ramën se po bashkëpunon dhe po i përulet njeriut, për të cilin nxori njerëzit në shesh më 21 janar, duke shkaktuar edhe katër viktima. Duke përdorur një shprehje të Ramës dikur, se Meta i është ngjitur Berishës pas këpucës, edhe TV Klan thotë se tani është Rama që i është ngjitur Metës si … pas këpucës.




p.s. Shtrengo, shtrengo duart me Kryemafiozin se, dhe ato hile qe si di ti akoma mire, ti meson ai &

Keto jane "rruget" e raja qe kerkon te shkelesh per t'a cuar Shqiperine ne BE dhe per nje "Rilindje shqiptare"!!!??? Rruget e mafiozeve!!!??? &

__________________
I am the author of my life;
unfortunalty, I'm writing in pen & can't erase my mistakes.

Denonco kėtė mesazh tek moderatorėt | IP: e regjistruar

Mesazh i vjetėr 08 Maj 2012 18:02
Vizioner nuk po viziton aktualisht forumin Kliko kėtu pėr Profilin Personal tė Vizioner Kliko kėtu pėr tė kontaktuar me Vizioner (me Mesazh Privat) Vizito faqen personale tė Vizioner't! Kėrko mesazhe tė tjera nga: Vizioner Shto Vizioner nė listėn e injorimit Printo vetėm kėtė mesazh Shto Vizioner nė listėn e monitorimit Ndrysho/Fshij Mesazhin Pėrgjigju Duke e Cituar
Vizioner
...ne Timon

Regjistruar: 23/11/2007
Vendbanimi: Frankfurt
Mesazhe: 6857

Lightbulb

...Nje pjese e shkeputur nga Editoriali "Shembja e bipolarizmit nga ekstremizmi" i dates se sotme te Mero Bazes:



"..."

"Por leksioni më i hidhur që dhanë zgjedhjet greke ishte se në moment krizash politika e ka për detyrë të ngjallë shpresë me qëndrime morale dhe tërësisht të besueshme".

"..."

"Në të vërtetë ajo që ndodhi në Greqi, ndodhi pak a shumë dhe në Serbi, përveç faktit se aty dy partitë e mbrapshta, ajo nacionaliste dhe ish- socialistët e Milosheviçit, janë më të qartë dhe më të “moralshëm” në ruajtjen e identitetit të tyre kriminal.

Në Shqipëri, ku humbja e moralit në politikë është bërë identitet i vetëm i politikës, ekzistojnë rrethana të ngjashme si tek fqinjët tanë. Koalicioni në pushtet është bërë simbol i mungesës së moralit, jo vetëm me skandalet e tij financiare, politike, korruptive, dhe kushtetuese, por dhe me përpjekjen për të rifutur në lojë dhe për të ripërdorur karta të vjetra të politikës shqiptare. I ndërgjegjshëm për këtë status, Berisha po përpiqet po ashtu të bëjë pis dhe opozitën, ta përfshijë dhe atë në valën e marifeteve të tij, duke e bërë pis për tu dukur njësoj para shqiptarëve.

Në skenë po shfaqen dita- ditës mashtrues ordinarë të kohës së Fatos Nanos, burgaxhinj, që bëjnë sikur janë sekserë mes opozitës dhe pushtetit me qëllim që pushteti të mos rrëzohet nga shqiptarët, por të rrotullohet rreth tyre e prej tyre. E gjithë kjo krijon një aversion tek shqiptarët e thjeshtë, që kur thotë Nano do bëhem president, u kujtohet Nari, kur thotë Meta do fus Shqipërinë në BE, u kujtohet kaseta, kur thotë Berisha që Serbia është barbare, u kujtohet Fazlliçi dhe miliardat që Berisha u jep serbëve, kur thotë Rama që do shkoj tek Fevziu, u kujtohet batuta e famshme “të fala Sandrit”.

Në kushte të tilla depresive për shoqëritë, kur gjithë palët bëjnë pis njëra- tjetrën dhe askush nuk përpiqet të qëndrojë në këmbë me një kartë morale, nuk është çudi që forca të reja, gjysmë të besueshme si nacionaliste dhe ekstremiste, por me një retorikë të ashpër kundër kësaj situate, të fitojnë terren dhe ne të shkojmë drejt zgjedhjeve të reja, duke tronditur rëndë bipolarizmin, i cili u ndërtua për të zhdukur të tretët".


..dhe e mbyll:

"Është fat i madh që këtu ka pak ekstremistë apo nacionalistë që mund të bëhen rrufepritës për shpresë-humburit e demokracisë, por as në Greqi apo Serbi ata që po fitojnë nuk shkëlqejnë aq shumë si shpresë. Ata thjesht janë të qartë, kurse ata që sundojnë nxijnë. Ekstremizmi nuk sjell shpresë, por kur njeriu është i zemëruar duhet të hedhë një gur diku".

__________________
I am the author of my life;
unfortunalty, I'm writing in pen & can't erase my mistakes.

Denonco kėtė mesazh tek moderatorėt | IP: e regjistruar

Mesazh i vjetėr 08 Maj 2012 18:59
Vizioner nuk po viziton aktualisht forumin Kliko kėtu pėr Profilin Personal tė Vizioner Kliko kėtu pėr tė kontaktuar me Vizioner (me Mesazh Privat) Vizito faqen personale tė Vizioner't! Kėrko mesazhe tė tjera nga: Vizioner Shto Vizioner nė listėn e injorimit Printo vetėm kėtė mesazh Shto Vizioner nė listėn e monitorimit Ndrysho/Fshij Mesazhin Pėrgjigju Duke e Cituar
Vizioner
...ne Timon

Regjistruar: 23/11/2007
Vendbanimi: Frankfurt
Mesazhe: 6857

Editorial "i fresket" = i sapobotuar

Samiti i Sheraton-it dhe Samiti i Lalzit

Nga Mero Baze



Edi Rama dhe Ilir Meta u shfaqën bashkë solemnisht në Hotel Sheraton në një takim çlirues për marrëdhënien e tyre të vështirë tri vitet e fundit, që mori shkas nga vetëpërfshirja e Partisë Socialiste në procesin e zgjedhjes së presidentit. Nga aq pak gjëra që u thanë pas takimit, duket se gjëja më e rëndësishme ishte takimi.

Nuk pati ndonjë shpjegim për planin që kanë së bashku dy ish- partnerët e së majtës, por dhe nuk ka ndonjë kuriozitet në fakt se çfarë është biseduar. “Samiti” i Sheraton-it mori rëndësi për shkak të zërave që kishin ditë që qarkullonin se Edi Rama dhe Ilir Meta janë takuar fshehtas më parë në vilën e Ilir Metës në Gjirin e Lalzit, që për analogji po e quajmë “Samiti i Lalzit”. Në atë shtëpi Ilir Meta ka mbyllur shumë probleme të tij me politikën. Aty ka thirrur Kastriot Islamin për ta lëshuar kundër opozitës, aty ka thirrur Fullanët për tu premtuar Guvernatorin dhe për ta liruar nga akuza, aty thërret njerëzit që ndajnë tenderat e skrapit apo licencat e hidrocentraleve. Aty paska thirrur, sipas shtypit, dhe Edi Ramën. Kjo i dha shumë vëmendje takimit të Sheraton-it, për të cilin ashtu siç e dimë të gjithë, Edi Rama ka një mandat publik nga kryesia e Partisë Socialiste.

Por pyetja kryesore që shtrojnë njerëzit e “zhgënjyer”, siç i quan Rama, është se kush është plani?

Është shumë e rëndësishme që Partia Socialiste mori iniciativën për të çelur bisedimet për presidentin konsensual. Ajo nuk ka vërtet vota të zgjedhë presidentin dhe duhet të respektojë frymën kushtetuese për të zgjedhur një president konsensual. Në këtë mes, takimet e Edi Ramës me Ilir Metën, Sali Berishën, Fatmir Mediun, Shpëtim Idrizin dhe këdo tjetër, janë normale dhe nuk ka pse prodhojnë kaq shumë emocione. Anormaliteti dhe emocionet janë prodhuar nga ideja naive se mund të arrihet në një aleancë fluide dhe të zgjidhet një president, jashtë vullnetit të Berishës, mes socialistëve dhe aleatëve të majtë në koalicionin e Berishës. Pra, flitet për një shumicë të re presidenciale, duke mos prekur, siç tha Ilir Meta pas takimit, shumicën qeverisëse, për të cilin ai u zotua se do t’i qëndrojë besnik deri në fund. Pra, për aq sa u tha publikisht nga Meta, shumica qeverisëse është e sigurt, ndërsa premtimet për një shumicë presidenciale pa Berishën janë nën rrogoz.

Kjo është një politikë e gabuar e Partisë Socialiste, e cila zbeh qëndrimin e saj parimor për një president konsensual. Një president konsensual dhe një president pa Berishën, janë dy gjëra të ndryshme. Një president konsensual është një president që e voton edhe Rama, edhe Berisha, pra një shumicë së paku mbi 84 vota, sa e ka Kushtetuta. Kurse një shumicë presidenciale, me 71 vota pa Berishën, është një gjest që na jep një president kundër frymës kushtetuese dhe mbi të gjitha një proces, i cili në vend të na japë një president të fortë, na fuqizon një faktor negativ në politikën shqiptare, që është fenomeni LSI.

Për të shkuar tek një president konsensual duhet që opozita të ulet në një tryezë zyrtare me qeverinë dhe të shkojnë së bashku drejt konsensusit. Këto negociata duhet të zhvillohen në afatin kushtetues kur parashihen negociatat dhe duhet të jenë transparente. Bile shumë transparente. Kemi zgjedhur një president konsensual në vitin 2002, me shumë transparencë, dhe kemi dështuar në vitin 2007 me konsensusin politik, duke e arritur fitoren me pazar personal. Tanimë është më e lehtë. Ose do të bisedohet për një president konsensual, publikisht dhe me transparencë, për të dalë një president i nderuar, ose do shantazhohen palët para se të ulen duke sabotuar konsensusin paraprakisht dhe duke shkuar tek një president me vota të blera. Kjo është e shëmtuar dhe antiproduktive dhe nga ana politike.

Dhjetëra qytetarë nervozë që komentojnë takimin Rama- Meta, duket se nervozizmin e kanë jo nga takimi i Sheraton-it, por nga ideja se këta kanë bërë një plan shantazhi ndaj Berishës në një ose dy takime në Lalëz. Unë jam njeriu i parë në këtë vend që dua të shikoj Berishën jashtë zyrave të shtetit dhe mundësisht në qelitë e burgut për vrasjet dhe vjedhjet që ka bërë, por Sali Berisha ka nevojë të mundet dhe jo t’i vidhet pushteti. Nëse atij i vidhet presidenti, ai nuk mundet, përkundrazi forcohet moralisht dhe opozita merr në shpinë gjithë baltën që ka prodhuar pushteti i tij i korruptuar për shkak të aleancës me Ilir Metën. Ky është një proces që në finale rrit pazarin e LSI, faktorizon në kulm Ilir Metën dhe lë opozitën me gisht në gojë dhe baltë mbi supe, një vit para zgjedhjeve.

Pra, pyetja kryesore që bëjnë qytetarët se cili është plani që kanë këta të dy, kam frikë se duhet ndryshuar në formën “cili është plani që ka Ilir Meta?” Më duket se Edi Rama është pa plan në këtë histori, ose me një plan të keq. Ai ka bërë një zgjedhje parimore të shkëlqyer duke kërkuar që të hapet procesi për një president konsensual, dhe po lë përshtypjen se në fakt po shkon drejt një skenari shantazhi me LSI kundër Berishës për një president PS-LSI- etj. E sigurt është se këtë betejë e fiton Sali Berisha. Votat e numëruara me gishta në Lalëz përfundojnë si votat për Ardian Vishën. Sali Berisha del i fituar nga kjo histori edhe sikur të bëjë sikur ia marrin presidentin, edhe pse kjo zor se do të ndodhë.

Edi Rama duhet t’i përmbahet asaj çfarë ka thënë publikisht për një president konsensual dhe duhet të largojë çdo dyshim për pazare të nëndheshme dhe duhet të bëjë transparencë më shumë për “Samitin e Lalzit” se sa për “Samitin e Sheraton-it”. Nuk ka asgjë pse takohet dhe dhjetë herë në ditë me Ilir Metën, Sali Berishën apo këdo tjetër për të folur hapur se si të gjitha palët mund të bien dakord për një president konsensual, por jo duke bërë një gjë të ngjashme, që do të bëjë edhe Berisha, duke hyrë në garë kush t’i vjedhë njëri- tjetrit deputetë. Kjo bën pis presidentin e ri të Shqipërisë, edhe sikur ai të jetë vërtet një burrë i nderuar. Larg qoftë pastaj sikur ai të jetë Ilir Meta.

__________________
I am the author of my life;
unfortunalty, I'm writing in pen & can't erase my mistakes.

Denonco kėtė mesazh tek moderatorėt | IP: e regjistruar

Mesazh i vjetėr 08 Maj 2012 19:19
Vizioner nuk po viziton aktualisht forumin Kliko kėtu pėr Profilin Personal tė Vizioner Kliko kėtu pėr tė kontaktuar me Vizioner (me Mesazh Privat) Vizito faqen personale tė Vizioner't! Kėrko mesazhe tė tjera nga: Vizioner Shto Vizioner nė listėn e injorimit Printo vetėm kėtė mesazh Shto Vizioner nė listėn e monitorimit Ndrysho/Fshij Mesazhin Pėrgjigju Duke e Cituar
RAIMONDI
Veteran ne forum

Regjistruar: 27/06/2007
Vendbanimi: ...prapa diellit...
Mesazhe: 3492

Editoriali i Meros eshte nje shprehje e te berit politke ne mesjete


Mendimi im eshte ky
Ky takim i sotem i shefit te opozites , Edi Rama me kreytarin e LSI-se , Ilir Meten, eshte nje nje hop cilesor ne drejtimin e duhur te te berit nje politke moderne ne nje kohe moderne ,
Pse e them kete ?

Ne nje shoqeri demokratike moderne ka nje aksiome eternale ,
qe , askush nuk ka te drejte te akuzoje dike perderisa mbi kete dike nuk rendon nje vendim gjykate qe e konsideron ate fajtor

Duke zbatuar kete aksiome , te pakundershtueshme nga askush qe e quan veten njeri te civilizimit te sotem modern,
ne tregojme respekt ne radhe te pare per pavarsine e institucioneve .
Pra respektojme nje vendim gjykate , pavaresisht se si eshte ai
Vendimet e gjykatave jemi te detyruar ti respektojme , pavaresisht se si jane ato , dhe ne te njejten kohe ne nuk kemi drejte te paragjykojme askend perderi sa ka nje vendim gjykate

Ky arsyetim eshte ne aspektin civil, te te sjellurit ne shoqeri

Ne aspektin moral takimi me Meten , por edhe aleanca me te , nuk e prek aspak moralin e opozites

Morali i opozites shqiptare nuk varet nga aleancat , sepse lidhja e nje aleance me nje parti tjeter nuk do te thote qe Prokuroria ne vitet ne vijim te ndaloje investigimet per shkeljet penale qe ka bere ndonjera nga palet qe eshte ne koalicion me PS-ne
Absolutisht jo.. Ata qe arsyetojne ne menyre te kundert do te thote se ata mendojne qe kur te vijne ne pushtet ta vendosin prokurorine nen hyqmin e tyre

Prandaj do te thosha qe edhe nqs PS-ja vjen ne pushtet bashke me aleatet e saj , Prokuroria duhet te vazhdoje punen e pavarur nga pushteti dhe coje per ndjekje penale te gjitha shkeljet ligjore qe ajo gjen , pavaresisht se ato parti mund te jene pjese e koalcionit te PS-se, apo vete PS-ja

Nje nga arsyet e shumta , por edhe thelbesore per te ringjallur kete demokraci anemike ,ndaj dhe duam qe t e ndryshoje pushteti , eshte qe tu japim institucioneve pavarsine e merituar , qe ato t e punojne me te vertete ne menyre te pavarur nga pushteti–Te mos kene frike nga pushteti , por vetem nga ligji

Pra edhe ne aspektin moral takimi apo edhe alenaca me Meten nuk e demton aspak moralin e opozites -

Por edhe sikur Meta te denohej , prape morali i opozites eshte i pacenuar, sepse opozita shqiptare ben aleance me Partine jo me personin -
Nqs Meta do denohej, kjo nuk do te thote se do denohej gjithe partia , se nuk jemi ne ditkature

Prandaj del edhe dicka tjeter ketu tek njerezit qe ulerijne kunder ketij takimi , se ata tregojne qe kane reminishenca nga e kaluara e mentalitetit bardh e zi te diktatures , dhe kjo nuk eshte aspak gje e mire
Kjo frenon ecjen perpara te shoqerise .sepse njerez te tille me kete lloj mentaliteti kane mungesa te sjelljes me bon sense ne shoqeri,por kane mungesa edhe t e kultures se bashkejeteses me kundershtarin politk, sepse e konsiderojne ate armik
Porse ne politiken e brendeshme te nje kombi, absolutisht kundershtari nuk konsiderohet armik, sepse kjo con ne shkaterimin
e kohezionit te shoqerise , dhe tregon edhe nje te mete tjeter shume te madhe per keta njerez : ….Qe keta kane mangesi te mendimit konceptual per Shtet -formimin

Nje njeri shtet-formues , dmth qe vendos mbi gjitheshka interesin e shtetit te tij , fal dicka nga egoja e vet , per te miren e te gjithe kombit dhe shoqerise se tij

Shume njerez thone te mos behet aleanca me Meten se eshte ky apo ay problem

Keta njerez shumica jane emigrante , si puna ime qe e kane jeten te siguruar, apo jane gazetare ne Shqiperi te cilet e kane nje fare roge te mire dhe e bejne jeten e tyre -
-Por keta harrojne ate fshatarin e varfer atje ne malesi me nje tufe femije qe del e thote ne tv : ….nuk kam me se ti ushqej …
..Harrojne ate vajzen e semure me semundje te keqe nga nje fshat i Librazhdit qe e mbeshtjelle me nje batanije ne nje dhome te ftohte e plot lageshtire te spitalit priste , pa ilace , pa mjekim …qe dikush ta ndihmonte per te kryer nje operacion per ti shpetuar jeten….

…E kam pare ne nje video ne top chanel ne ju tube , ate vajzen e mbeshtjelle me batanije duke pritur ……. qe dikush ta ndihmonte …….

…Harojne keta njerez spitalet publike ku vene shumica e shqiptareve, qe jane skandal …

Jam kurioz te di nese keta kryqetaret e noralit qe ulerijne kunder kesaj politke te bisedave dhe te aleancave me kedo per te haritur ndryshimin e deshiruar , a kane patur ndonje njeri te tyre ne ate gjendje te pashprese ?

A ju ka ndodhur ndonjehere ketyre “moralisteve” te marin ruget e botes me te semurin ne kuriz….? Ti luten te huajit per te kuruar njeriun e tyre sepse ne Shqiperi spitalet jane nje tmerr?

Nuk besoj qe ta kene provuar ndonjehere ate fat , dhe ju uroj mos e provofshin kurre

Por si ai rast ne fshatrat shqiptare te rembyera nga mjereimi ka pa fund ……..

Perdite degjojme drama te familjes shqiptare per shkak te kesaj krize te pergjithshme si pasoje e ekonomise se renuar familjare , perdite …

Kemi frike te flasim me njerezit tane ne Shqiperi se do na japin ndoonje lajm qe dikush u divorcua, dikush u mbyt ,
…dike tjeter e vrane,..dike e grabiten, ….dike …. dhe dike-te nuk kane fund ….

Pra sipas meje , Biseda me Meten , por edhe me kedo tjeter , ne aspektin e te berit poltike eshte pjese e jetes moderne politke, eshte civlizim, por eshte mbi te gjitha patriotike
sepse i sherben opozites shqiptare , per te bere ndryshimin e madh ne te mire te gjithe shoqerise shqiptare

Ne kete bote moderne konfliktet zgjidhen me biseda edhe midis kombeve te ndryshem ,
ndersa brenda per brenda nje kombi zgjidhja e konflikteve me bisedim eshte nje detyrim moral kategorik ,
qe te tregosh se je me te vertete komb europian dhe ne te njejten kohe
kjo eshte edhe nje nga treguesit kryesor per te merituar nje vend ne familjen europiane

Po e perseris edhe njehere –Te bisedosh dhe t e krijosh aleanca me nje parti politke nuk do te thote q e je njelloj si ajo parti politke , nuk do te thote qe shperblen veset e aleatit,
Aleancat jane te perkoheshme , sot lidhen neser zgjidhen , Por kushdo qe ka shkel ligjin apo e shkel ate eshte direkt objekt i organeve kopetente per zbatimin e ligjit , qe ne demokraci jane reptesisht te ndara….

Ne gjithe kete te famshmin takim nuk eshte problemi dhe aq tek Presidenti, se sa eshte tek aleancat e grupimit opozitar ne zgjedhjet parlamentare ne 2013

Ne fund do shtoja se per cdo gje ka nje cmim . Ne kete bote nuk ka gje pa cmim ,

Dhe natyriosht edhe ky ndryshim i madh qe duam te bejme e ka nje cmim , te cilin ne duhet ta pagujame .
Porse
ne kete rast cmimi qe ne paguajme eshte shume i vogel ,
pothuaj
i paperfilleshem., eshte …egoja e “moralisteve”……

Porse perfitimi eshte i jashtezakonshem .Fiton gjithe shoqeria shqiptare…..

Shefi i Opozites duhet te verpoje me kurajo ne lidhje me aleancat partiake duke marre per sistem referimi politik-berjen perendimore

Ky takim ishte si nje nyje gordiane , dhe bere shume mire qe e zgjidhe ne ate menyre…

__________________
Cdo gje shqiptare esht e dashur per mua

Denonco kėtė mesazh tek moderatorėt | IP: e regjistruar

Mesazh i vjetėr 11 Maj 2012 04:12
RAIMONDI nuk po viziton aktualisht forumin Kliko kėtu pėr Profilin Personal tė RAIMONDI Kliko kėtu pėr tė kontaktuar me RAIMONDI (me Mesazh Privat) Kėrko mesazhe tė tjera nga: RAIMONDI Shto RAIMONDI nė listėn e injorimit Printo vetėm kėtė mesazh Shto RAIMONDI nė listėn e monitorimit Ndrysho/Fshij Mesazhin Pėrgjigju Duke e Cituar
AngelDevil
Shejtone

Regjistruar: 02/05/2009
Vendbanimi:
Mesazhe: 14611

pse nuk e beri rama takimin me meten dhe berishen kur diskutohej statusi i shqiperise per tu anetaresu ne be dhe u kujtua tani pikerisht qe po behen pazaret e karrigeve te pushtetit kete vit dhe vitin tjeter?!

E degjoj njeri mbreme ke opinioni?

__________________
.

Denonco kėtė mesazh tek moderatorėt | IP: e regjistruar

Mesazh i vjetėr 11 Maj 2012 06:33
AngelDevil  nuk po viziton aktualisht forumin Kliko kėtu pėr Profilin Personal tė AngelDevil Kliko kėtu pėr tė kontaktuar me AngelDevil  (me Mesazh Privat) Kėrko mesazhe tė tjera nga: AngelDevil Shto AngelDevil  nė listėn e injorimit Printo vetėm kėtė mesazh Shto AngelDevil  nė listėn e monitorimit Ndrysho/Fshij Mesazhin Pėrgjigju Duke e Cituar
Vizioner
...ne Timon

Regjistruar: 23/11/2007
Vendbanimi: Frankfurt
Mesazhe: 6857

Lexo kete pjese te Intervistes se Mero Bazes, por lexoje me vemendje, pastaj ishalla mendon ndryshe.


Dhe mos harro: Keto jane zhvillime ne Shqiperi dhe, jo ne vendet Perendimore, te stabilizuara Politikisht.

Shqiperia eshte Fenomen ne vetvete dhe s'mund te krahasohet me standartet e standartizuara Politikbere te Gjermanise, Frances etj, etj.



Citim:
RAIMONDI
Editoriali i Meros eshte nje shprehje e te berit politke ne mesjete


Mendimi im eshte ky
Ky takim i sotem i shefit te opozites , Edi Rama me kreytarin e LSI-se , Ilir Meten, eshte nje nje hop cilesor ne drejtimin e duhur te te berit nje politke moderne ne nje kohe moderne ,
.

.

.

.

.

.
Ky takim ishte si nje nyje gordiane , dhe bere shume mire qe e zgjidhe ne ate menyre…




Intervistë e drejtorit të gazetës Tema, Mero Baze, në emisionin e gazetarit Alfred Peza, në Vizion Plus





Peza: Ju keni bërë një editorial në gazetën tuaj Tema, e keni titulluar “Samiti i Sheratonit dhe samiti i Lalëzit”. Ka pasur shumë komente në blogje në lidhje me këtë shkrim, mbi normale mesatare të komenteve që bëhen nga shkrimet tuaja pothuajse të përditshme në internet. Me pak fjalë, për ata që nuk kanë pasur rastin ta lexojnë nga pikëpamja figurative çfarë duhet të kuptojnë?

Baze: Natyrisht që është një figuracion për ta ekzagjeruar fuqinë e një takimi të zakonshëm, për shkak se nuk është i zakonshëm, është një zhvillim i ri dhe është më 8 maj. 1 vit më parë Ilir Meta u bë faktor që Edi Rama të ikte nga Bashkia e Tiranës dhe një vit më pas po bëhet faktor për të prodhuar një shumicë të re presidenciale. Në fakt, ekzagjerimi duke i quajtur samite të dyja takimet është për të theksuar rëndësinë që ka takimi midis dy palëve.



Peza: Pse është i rëndësishëm?

Baze: Faktori LSI ka determinuar këtë zhvillim politik që kemi, prodhimin e një shumice të re në zgjedhjet e qershorit të vitit 2009 dhe fakti që një vit përpara zgjedhjeve këto dy faktorë politikë fillojnë komunikimin midis tyre është shumë i rëndësishëm. Unë e quaj pozitiv faktin se ata janë takuar publikisht në mënyrë zyrtare dhe kanë institucionalizuar dialogun. Qëndrimi im kritik, sidomos për opozitën, ka të bëjë më faktin se drejt këtij zhvillimi pozitiv, drejt bisedave, është shkuar në rrugë të nëndheshme, jo transparente dhe ndoshta me tolerime për kauzën politike të opozitës, të cilat mund t’i kushtojnë opozitës në të ardhmen në luftën e saj politike.



Peza: Përmes asaj që ju quani Samiti i Lalëzit?

Baze: Po. E konsideroj zhvillim shumë negativ, pavarësisht se duket si teori konspiracioni, pavarësisht se duket si…



Peza: Kush është pjesa e nëndheshme që e konsideroni ju negativ. Ne të dy ndoshta e kuptojmë se për çfarë po flitet, por për ta kuptuar më qartë ata që po na ndjekin.

Baze: Unë mendoj që LSI pavarësisht se është parti institucionale politike ka qenë legjitime në vendimin e saj për të bërë aleancë me Sali Berishën, në vitin 2009, pavarësisht profilit të ndryshëm politik, për shkak se është një parti që ka bërë koalicion me koalicion e parë. I është dhënë mandati Sali Berishës për të krijuar qeveri dhe ata janë afruar. Nuk mund të thuhet se kanë humbur nga marrëveshja se kanë marrë më shumë pushtet se sa kanë miratuar, kanë marrë 20% të administratës. Zhvillimet që kanë pasur më pas kanë qenë negative. Kanë qenë negative për shkak se LSI e ktheu pjesëmarrjen në pushtet në një qëllim në vetvete për të qenë një parti plaçkitëse. Ne këtë nuk duhet ta harrojmë. Nuk duhet të harrojmë faktin që PD është një parti e madhe, është një parti që ka një lloj serioziteti në qeverisjen e vendit dhe nuk mund të krahasojmë profilin e drejtuesve të ardhur nga PD në pushtet me qokat dhe bacataçkinjtë në shumicën e rasteve që LSI i filtron në pushtet për të plaçkitur. Ne kemi një statistikë e cila është e pamohueshme që shumica e arrestimeve e peshqve të vegjël, – se të mëdhenjtë nuk i prek njeri – , në administratën publike qoftë korrupsion të vogël, të mesëm apo të lartë, janë në 90% të rasteve pjesëtarë të LSI.



Peza: Kjo mund të jetë edhe për shkak se është favorizuar më shumë PD dhe për të mbushur statistikat iu janë turrur administratës që vijnë nga LSI-ja…

Baze: Po të ishte me statistikë më shumë do të arrestoheshin nga PD, se ka më shumë njerëz në administratë nga PD. Por, fakti që edhe pse këta 20% zënë 19% të arrestimeve nuk kemi të bëjmë me ndonjë persekutim politik, por kemi të bëjmë me një tendencë të theksuar të pjesëtarëve në pushtet të kësaj partie për të plaçkitur. Domethënë është një fenomen i cili u institucionalizua dhe mori një pamje edhe shumë më të ashpër dhe të egër tek vetë kapja publike e liderit të LSI me zë dhe figurë me një kasetë që ka tronditur Shqipërinë dhe botën perëndimore, dhe ende nuk është gëlltitur fakti që ky njeri doli i pafajshëm nga ajo që ndodhi.



Peza: Kjo është njëra anë.

Baze: Shumë personazhe të nëntokës politike dhe të LSI që kanë qenë të akuzuar gjatë këtij mandati për afera qeverisëse siç është rasti i plaçkitjes të uzinave të Fierit duke i zhveshur nga ato komplet, lënien e hekurit për skrap edhe pse TEC-i ka qenë në gjendje pune, dhe për këtë është hapur një proces penal, janë njerëz të cilët janë shumë të afërt me kreun e LSI-së. Njëri prej tyre, Leonard Koka, një person problematik, i njohur në Shqipëri, njeri për të cilën në zgjedhjet e vitit 2005 Durrësi ka votuar 8 me 0 kundër Partisë Socialiste, ai ka qenë një faktor që ka votuar qartë në Durrës, kanë votuar kundër Fatos Nanos në vitin 2005. Tani shfaqet gjithmonë e më afër pranë LSI-së dhe çfarë është më e turpshme, shfaqet edhe në tryezën e takimeve të fshehtave midis Ramës dhe Metës.



Peza: Kjo s’është faji i tij, është meritë e tij.

Baze: Nuk është meritë, është turpi i atij që e përdor atë. Natyrisht nuk është ndonjë përgjegjësi shumë e madhe e zotit Rama që e ka gjetur atë në tavolinën e bisedimeve. Por, fakti që faktorë të tillë rigjallërohen nga zhvillimet politike është një gjë jo shumë produktive në aspektin etik, për shkak se vetë PS në zgjedhjet e vitit 2011, e ka defaktorizuar faktorin Koka në Durrës, edhe pse ata u rreshtuan me të gjitha masat represive apo shpeshherë jo legjitime që ata përdorin për zgjedhje në Durrës. Kryetari i Bashkisë së Durrësit, Vangjush Daku, e ka mundur me 2500 vota diferencë. Pra, për herë të parë është provuar që kush është me Nar Kokën në Durrës humbet. Ishte Nano në vitin 2005 humbi thellë, ishte Berisha në 2011 humbi thellë. Pra, është një faktor jo politik në Durrës. Pra është një faktor që të bën dëm. Pra, kush e ka armik është i nderuar në një farë mënyrë.



Peza: Në aspektin elektoral…

Baze: Në faktin elektoral. Fakti që njerëz të tillë përsëri gjenden në tryeza bisedimesh politike tregojnë inkriminim e lartë që ka politika me faktorë të tillë negativ dhe ringjallja e këtyre elementëve është një zhvillim negativ. Thashë, që kjo nuk është ndonjë përgjegjësi direkte dhe e madhe zotit Rama. Por në një farë mënyrë është një dëm që zoti Rama i bën kryetarit të Bashkisë së Durrësit dhe anëtarit të Kryesisë të PS-së, i cili e ka defaktorizuar me vota këtë faktor. Pra, është tjetër gjë të bisedosh me Ilir Metën dhe LSI-në, dhe tjetër gjë është që drejt këtyre negociatave të shkosh me një botë të nëndheshme. Kjo është një rezervë e madhe që unë kam për faktorët që e gjallërojnë këtë. Rezerva e dytë që kam në këtë është objektivi parimor. Objektivi parimor këtu mungon për shkak se negociatat midis Ilir Metës dhe Edi Ramës janë në kundërshtim me platformën publike që Edi Rama ka bërë për Presidentin e Republikës. PS dhe zoti Rama kanë shpallur para një jave një platformë për zgjedhjen e Presidentit konsensual. President konsensual me shantazhe ndaj shumicës nuk ka, pasi duhen, minimumi 84 vota. Presidenti konsensual arrihet me një tryezë të përbashkët bisedimesh me Berishën. Kështu që, në një farë mënyrë zoti Rama e ka asgjësuar objektivin për president konsensual, se Berisha nuk besoj më të ulet në bisedime serioze, ai mund të ulet në bisedime formale, por jo serioze për president konsensual. E vetmja gjë që ngelet është që zoti Rama të përdori testin për president konsensual për të shkërmoqur shumicën.

__________________
I am the author of my life;
unfortunalty, I'm writing in pen & can't erase my mistakes.

Denonco kėtė mesazh tek moderatorėt | IP: e regjistruar

Mesazh i vjetėr 11 Maj 2012 07:50
Vizioner nuk po viziton aktualisht forumin Kliko kėtu pėr Profilin Personal tė Vizioner Kliko kėtu pėr tė kontaktuar me Vizioner (me Mesazh Privat) Vizito faqen personale tė Vizioner't! Kėrko mesazhe tė tjera nga: Vizioner Shto Vizioner nė listėn e injorimit Printo vetėm kėtė mesazh Shto Vizioner nė listėn e monitorimit Ndrysho/Fshij Mesazhin Pėrgjigju Duke e Cituar
Ora tani: 19:29 Hap njė temė tė re    Pėrgjigju brenda kėsaj teme
Gjithsej 15 faqe: « 1 2 3 4 [5] 6 7 8 9 10 11 12 13 14 » ... E fundit »   Tema e mėparshme   Tema Tjetėr

Forumi Horizont Forumi Horizont > Media dhe Politika > Politika Shqiptare > Edi Rama, nje Politikan frikacak

Pėrgatit Kėtė Faqe Pėr Printim | Dėrgoje Me Email | Abonohu Nė Kėtė Temė

Vlerėso kėtė temė:

Mundėsitė e Nėn-Forumit:
Nuk mund tė hapni tema
Nuk mund ti pėrgjigjeni temave
Nuk mund tė bashkangjisni file
Nuk mund tė modifikoni mesazhin tuaj
Kodet HTML lejohen
Kodet speciale lejohen
Ikonat lejohen
Kodet [IMG] lejohen
 

 

Kliko pėr tu larguar nese je identifikuar
Powered by: vBulletin © Jelsoft Enterprises Limited.
Materialet qė gjenden tek Forumi Horizont janė kontribut i vizitorėve. Jeni tė lutur tė mos i kopjoni por ti bėni link adresėn ku ndodhen.