Enya
Shpirt # 1
Regjistruar: 12/02/2006
Vendbanimi: Orange, CT
Mesazhe: 4096
|
Ja deri ku arrin cmenduria njerezore...
Njerku e perdhunonte, Mamaja Fotografonte
Nis gjyqi në Durrës, ndërsa 17-vjeçarja mbahet në një qendër rehabilitimi në kryeqytet
Dëshmia tronditëse e adoleshentes: Më përdornin si prostitutë
Mamaja më fotografonte, ndërsa njeriu me të cilin bashkëjetonte kryente marrëdhënie seksuale me mua. Dëshmia rrëqethëse e vajzës 17-vjeçare është vënë përballë mohimit kategorik të abuzuesit dhe nënës së saj. Ish-kryetari i të përndjekurve politikë demokratë në Durrës, Besnik Veterniku dhe gruaja me të cilën ka bashkëjetuar prej disa vitesh, nën masën e sigurisë së arrestit, kanë dëgjuar ditën e djeshme dëshminë e vajzës, që i akuzon për përdhunim dhe shfrytëzim prostitucioni. Në ballafaqimin me të arrestuarit, Elina H., ka ditur të mbrojë veten dhe të reagojë në momentet e duhura, duke hedhur poshtë qëndrimin mohues të dy njerëzve që i shkatërruan fëmijërinë.
Vajza, e marrë nën mbrojtjen e shtetit dhe e strehuar në qendrën e Linzës, ka treguar detaje të jetës së saj të re të nisur me një përdhunim që në moshën 11-vjeçare, akt ky që, sipas saj, kishte marrë dhe bekimin e së ëmës. Dy ditë më pas, e ëma i kishte blerë të brendshme të kuqe, duke e ftuar të bijën tia tregojë xhaxhi Besnikut. Ditën e djeshme, në Durrës është bërë sigurimi i provës, dëshmisë së dhënë nga vajza, e cila është mohuar nga të dy të arrestuarit. Me gjithë dhembjen dhe vuajtjen e së bijës, edhe nëna e saj ka qëndruar në pozita mohuese, duke tentuar të mbrojë Besnik Veternikun, njeriun me të cilin ka bashkëjetuar që nga viti 2001 e në vazhdim. Në dëshminë e vajzës është theksuar bashkëpunimi i së ëmës, ndërsa 64-vjeçari e dhunonte seksualisht dhe e shfrytëzonte si prostitutë nëpër motelet e Kavajës dhe zonës së plazhit. Në dëshmi janë përfshirë emra klientësh, disa prej tyre dhe ish-të përndjekur politikë. Vajza ka kujtuar se klienti i saj i parë ka qenë një ish-i përndjekur, shok i Besnikut, me emrin Zija. Për shërbimin e kryer, ai pagoi 3 mijë lekë të reja. Më pas, numri i klientëve do të rritej dhe Besniku do të kthehej në një tutor të rreptë, që priste gjithnjë e më shumë të ardhura nga e mitura. Pas më shumë se një muaji arrest, nëna, Meliha H., ka mundur të shohë të bijën, po mes tyre nuk ka ndodhur asgjë. Mamaja më fërkonte kokën, ndërsa ai kryente marrëdhënie me mua, ka dëshmuar Elina H., ende në moshë të mitur, duke treguar qëndrimet dhe lojërat treshe në shtratin dopjo. Historia e saj pritet të marrë të tjera përmasa, në rast të vërtetimit të akuzave të bëra, duke hedhur dritë mbi një abuzim kafshëror mbi trupin e saj, dikur të brishtë prej fëmije, as 11-vjeçare. Historia e gjatë e jetës së një të miture, që ka kaluar nga shtrati i shtëpisë së Veternikut në Shkozet të Durrësit e deri në shtretër hotelesh të ndryshme në zonën e plazhit, do të rikthehet me detaje gjatë procesit hetimor të saponisur në Durrës, ndërsa dosja ka mbërritur nga Korça, ku u kapën dy të arrestuarit. Në Korçë, vajza e ka denoncuar Besnik Veternikun për përdhunim kur ishte veç 11 vjeç dhe më pas për një shfrytëzim të saj me mbështetjen e së ëmës, si prostitutë në hotelet e Kavajës dhe plazhit. Nën sitën e policisë pritet të vendosen edhe hotelet ku është prostituuar e mitura.
Gazeta Shqip
__________________
Time is money. ( by Benjamin Franklin)
Denonco kėtė mesazh tek moderatorėt | IP: e regjistruar
|