sarandaebukur
Veteran ne forum
Regjistruar: 21/06/2003
Vendbanimi: New-York
Mesazhe: 817
|
Berisha ne Corriere della Sera
Kryeministri ynë, Sali Berisha ka dhënë një intervistë në gazetën Italiane Corriere della Serra. Në këtë intervistë ai është shprehur se është i gatshëm të ndërtojë centrale bërthamore me qëllim furnizimin e Italisë me energji. Ndersa per plehrat eshte shprehur se nuk e lejon ligji per momentin...
Marre nga Corriere della Sera
Nukleare? Po, Faleminderit! Nuk është e nevojshme të premtosh ulje te taksave per italianet ne kembim te centralit berthamore; përtej Adriatikut, kryeministri përgjigjet po, faleminderit, është Sali Berisha qe premton dhe nuk mohon aleancat e vjetra (Prodi mbetet një mik i madh, e ndërkohë kërkon edhe aleanca të reja (Silvio është luani i Gadishullit! Ka bërë shumë për Italinë dhe për miqtë e tij! Do të kemi marrdhënie të ngushta! Do ta ftoj sa më shpejt të jetë e mundur!, ndoshta në një marrdhënie të afërt, - thotë Berisha i rivotuar për të tretën herë si kreu i qeverisë, 64 vjecari, kardiologu që vjen nga veriu i Shqipërisë, ka në mendje një ofertë speciale pa u shqetësuar shumë për këtë: Ky vend ofron të gjitha garancitë për të ndërtuar energji nukleare të sigurtë. Do të kemi sistemet më të mira të gjeneratës së katërt. Asnjë nuk do ketë frikë, në Mesdhe.
Corriere della Sera - Zoti Berisha, a është e gatshme Shqipëria të ndërtojë centralet bërthamore që do Berluskoni?Vendimi im është që shqiptarëve të mos ju hiqet mundësia nga ky potencial i madh energjetik siç është energjia nukleare. Më ekonomike, më e pastër. Mungon vetëm kuadri normativ, dhe ne jemi duke punuar për këtë me Agjencinë Atomike në Vienë. Projekti është përpara. Sapo të jetë gati, qëllimi ynë do të jetë rënia dakord me vendet afër, dhe Italia është e para. Së bashku me qeverinë e Romës do të financojmë një impiant i cili do të ndërtohet në Shqipëri. Dhe nëse kjo nuk do të jetë e mundur, do të kërkojmë ndihmën e sektorit privat për të studiuar tregun ballkanik dhe italian.
Disa javë më parë, Tremonti ka thënë se Shqipëria është një zgjidhje e mundshme. A është e vërtet se është përcaktuar një vend në Durrës?
Vendi ynë është i hapur për energjinë atomike. I hapur për këdo. Nuk kam folur me qeverinë italiane deri tani, pasi qeveria e mëparshme ishte anti energjisë nukleare. Përkundrazi me Berluskonin ndryshon cdo gjë. Një grup italian ka ardhur për të diskutuar mundësinë e një centrali në Shqipëri. Por nuk e kemi vendosur akoma vendin. Dimë vetëm që do të bëhet.
Po për kohën? Qeveria italiane ka folur për një periudhë 5 vjeçare
Varet. Nëse do të biem dakord, 5 vjet është një afat i pranueshëm.
Me Italinë, në të kaluarën ka pasur edhe projekte të përbashkëta për plehrat. A mund të bëni diçka për Napolin?
Pyetje shumë delikate. Gjërat kanë ndryshuar. Sot, importimi i plehrave nga jashtë është i ndaluar me ligjin shqiptar. Unë besoj se ky vendim është marrë nga interesa të veçanta, pasi në këtë botë biznesin e plehrave e bëjnë edhe vende të tjera. Por pengesat ligjore janë të pakalueshme.
Fratin, nga komisioni evropian, ka premtuar kohë të shkurtër për qarkullimin e lirë në Europë. Por tani është në qevri dhe ka në dorë Ligjin. A besoni se ai do ta mbajë këtë premtim?
Fratini, miku i madh! Në sjelljen e tij kundrejt shqiptarëve nuk mund të ndryshojë. Një herë që kam takuar Silvion, më tha mua dhe medias: nuk kemi probleme me shqiptarët. Në fakt, situata në Itali është përmirësuar. Janë të paktën 400 mijë shqiptarë me dokumente të rregullta, mijëra punonjës, dhe mbi 10 mijë studentë.
Ju jeni optimist: Në Itali nuk ka probleme...
Krimi i organizuar është një problem shumë i madh. Ne kemi shpallur tolerancë zero. Nëse shohim treguesit e kriminalitetit, ato janë ndër më të ulëtit në Europë, më pak se dhe te juve. Nëse Italia tregohet e fortë kundra kriminelëve, edhe Shqipëria do ta ndjekë. Por e vetmja zgjidhje ndaj problemit të emigrantëve legalë është tu japësh atyre statusin e minoritetit.
Shqiptarët të trajtohen si minoritetet e tjera (sudtirolesi)?
Varet. Nëse minoranca kalon 10% të popullsisë, pse mos tju jepet kjo e drejtë? Por Europa nuk është ende e përgatitur.
A do të mund të hyni në BE brenda vitit 2014...
Nuk jap data. Nuk jam profet. Por mendoj se do të jetë shumë më e shpejtë nga ajo që imagjinohet.
Sapo keni hyrë ne NATO: do të prisni edhe baza të tjera ushtarake?
Kemi nje rezultat te shkëlqyer! Ne jemi gati të bëjmë gjithshka që kërkon NATO.
Megjithatë imazhi juaj në perëndim nuk është i mirë. New York Times ju akuzon për trafik armësh. Dhe pas tragjedisë së Gërdecit, në lojë është edhe familja juaj....
Në këtë tragjedi nuk ka lidhje familja ime. Është kjo gazetë e madhe që përdor përgjimet e mafiozëve!... Times i referohet një furnizimi me municion për Pentagonin. Shqiptarët nuk kanë lidhje me këtë. Kemi qenë të parët që kemi bllokuar këtë kontratë. Kur kam parë që dyfishohej çmimi i shitjes së armëve për ushtrinë Afgane, kam thirrur presidentin Karzai dhe i kam thënë: mund ta keni gjithçka gratis. Të gjitha municionet që ju duhen. Këtë e kam bërë gjatë luftës në Ballkan, me vendet mike!...
Kujt ja jepnit, më falni?
Është histori e vjetër, lere më mirë. Por e kam bërë. Ne kemi male plot me municione.
E më pas vjen Carla del Ponte: akuzon se në Shqipëri është bërë trafik organesh për të financuar luftën në Kosovë...
Unë di që janë më shumë se 1500 shqiptarë të zhdukur në Kosovë. Që prej tre vjetësh, kam ndihmuar në gjyqin e Aja. Ajo grua nuk ka prova. Mundësisht, duhet të jetë e pasionuar me shkrimtaren Agatha Christie. Por është një imitim që lë për të dëshiruar. Një gabim që Onu ka zgjedhur këtë grua dhe i ka dhënë një pozicion të lartë të cilin ajo e ka nëpërkëmbur duke thënë gjëra të pavërteta. Do të kërkojmë të procedohet kundra saj.
Berisha që prej 18 vjetësh vazhdoni të jeni në skenën politike: do të rikandidoni?
Janë vetëm dy gjëra që mund të nxjerrin në pension Berishën. Zoti i Madh dhe populli shqiptar. Më pëlqen të shoh në të ardhmen, jo në të kaluarën.
Gazeta Shekulli
Orjeta Zhupa
..............................................
Italjanet nuk jane budallenj te ndretojne ne vendin e tyre
Denonco kėtė mesazh tek moderatorėt | IP: e regjistruar
|
30 Maj 2008 05:01
... ndersa ne premtojme qiqrra ne hell se i kemi specialitetet e pjates se nxehur-ftohur e bere bajate te quajtur Sali.
Forumi Horizont > Media dhe Politika > Politika Shqiptare > Berisha ne Corriere della Sera
