AngelDevil
Shejtone
Regjistruar: 02/05/2009
Vendbanimi:
Mesazhe: 14611
|
Deputet ngelin pa leke
Dy deputetë socialistë, Erion Braçe dhe Alfred Dalipi do të ankohen në Gjykatë për kryetaren e Kuvendit, Jozefina Topalli. Gazeta Shqiptare publikon sot se prej më shumë se një jave ata i kanë nisur një letër sekretarit të përgjithshëm të Kuvendit, ku i kërkojnë sqarime për dy çështje. Interpretoni Kushtetutën e Republikës së Shqipërisë mbi statusin e ish-deputetit dhe ligjin përkatës, si dhe sqaroni statusin aktual; jemi ish-deputetë apo deputetë.
Këto janë kërkesat që i janë bërë administratës së Kuvendit, pas disa problemeve që dy deputetët kanë hasur. Dalipi sqaroi se ai ka kërkuar një vërtetim page për tu drejtuar në bankë për kredi, por nuk i është dhënë një vërtetim i tillë nga administrata e Kuvendit. Unë, - tha ai, - nuk ju drejtova si deputet, por të paktën si ish-deputet më takon që të marr një vërtetim, - sqaroi Dalipi. Atje nuk na trajtojnë as si ish-deputetë, dhe as nuk mundemi të tërheqim një dokumentacion, dhe për këtë nuk na japin asnjë shpjegim, - sqaron ai, duke ju referuar edhe kërkesës për sqarim që ka bërë pranë Departamentit të Trajtimit të Deputetëve.
Ajo e politizon administratën. Unë kërkoj një dokument dhe administrata nuk më shërben fare. Edhe në bazë të ligjit ata nuk na përgjigjen, - tha Dalipi.
Nga ana e tij, edhe Braçe sqaron se i ka kërkuar sekretarit të përgjithshëm të Kuvendit që ti sqarojë pikërisht këto gjëra, por ende nuk kanë marrë një përgjigje.
Edhe nxjerrja në shtyp e letrës së dy deputetëve, sipas tyre, është bërë qëllimisht për përfitim politik nga kryetarja e Kuvendit. Ndaj, sipas Dalipit, ata do ti drejtohen Gjykatës. Ne nuk duam që ajo ta trajtojë institucionin si pronë private, - tha Dalipi.
Ligji për pensionet suplementare të deputetëve
Të zgjedhurit socialistë në Kuvend ndodhen në një pikë që nuk dihet se çfarë titulli tu vesh. As deputetë nuk mund të quhen, sepse ende nuk kanë bërë betimin, edhe pse janë konfirmuar si të zgjedhur nga Komisioni Qendror i Zgjedhjeve. Por, as me statusin e ish-deputetit ende nuk mund ti trajtosh, për shkak se janë të zgjedhur në elektoralet e 28 qershorit 2009. Ligji për pensionet suplementare të personave që kryejnë funksione kushtetuese, ku futen edhe deputetët, parashikon në nenin 7 të tij që: Deputetëve e Kuvendit, pas largimit nga funksioni, u jepet shpërblim në masën e tre pagave mujore të muajit të fundit në atë funksion dhe mbas këtij shpërblimi marrin 50 % të pagës referuese për aq kohë sa kanë punuar në funksione të tilla, por jo më shumë se 3 vjet nga momenti i largimit nga ky funksion. Por, ende as ky ligj duket se nuk mund të zbatohet, të paktën për shpërblimin në para. Duket se çështja e dy socialistëve ka të bëjë edhe me problemet që ata kanë hasur në marrjen e dokumenteve që duhet ti paraqesin në ambasadë, në banka apo në institucione të ndryshme të shtetit, për të zgjidhur çështje të tjera të jetës së tyre të përditshme. Kjo ka irrituar, në fakt dy deputetët socialistë. Për shkak të bojkotit të Kuvendit, tashmë ata kanë humbur edhe trajtimin si njerëz të privilegjuar edhe në institucionet e tjera.
(d.b/GSH/BalkanWeb)
ja ca "hallesh" kane deputetet
__________________
.
Denonco kėtė mesazh tek moderatorėt | IP: e regjistruar
|