Regjistruar: 27/11/2007
Vendbanimi: EU
Mesazhe: 8928

Genc Leka

…Çdo vjeshtë vinte një varg me ciganë..

dhe këndonte plot mall e trishtim:

” Se si janë, ca gra, se si janë…

… Ah, të vrasin me fjalë, moj dade

dhe të ngjallin veç me një vështrim!. . .”
Dhe shkuan ciganët në rrugët plot fletë,

me këngë, me kuajt revanë…

dhe pas i përcillte plot duf një gërnetë,

siç ndizet veç shpirti cigan…

Ah, prap er’ e vjeshtës m’i zgjoi kujtimet

me këngën e vjetër cigane për gratë…

Në vitet e brishtë më çojnë mendimet

(si vesë mëngjesi m’u tretën gëzimet…)

dhe thinjat m`u shtuan çdo natë!…

Se si janë ca gra se si janë!

gjithnjë më mundon ky mendim….

Po pse, o ciganë, a gjetshi belanë.

me këngë me kuaj çuditni dynjanë

dhe vjeshtës këndoni me mall e trishtim

Se si janë ca gra se si janë?!…

Denonco kėtė mesazh tek moderatorėt | IP: e regjistruar

Regjistruar: 27/11/2007
Vendbanimi: EU
Mesazhe: 8928

KUJTIMI YT

Kujtimi yt më hodhi këtë natë
Në thellësinë e brengave pa fund…
(Ah, ëndërr e kaltër u këput në mes)
Dhe nis mendimi rrugën më të gjatë,
Po shtegun e blertë nuk e gjen gjëkund.
Ndaj vezullon çdo mbrëmje, çdo
mëngjes…

Denonco kėtė mesazh tek moderatorėt | IP: e regjistruar

Regjistruar: 27/11/2007
Vendbanimi: EU
Mesazhe: 8928

Kjo zemër hidhet si një zog i vrarë
si det me dallgë shpirti me ballada
Më djeg kjo flak` e dashuris’ së parë
Dhe dritë hedh tani mbi tri dekada.

Pranverë 1972

Denonco kėtė mesazh tek moderatorėt | IP: e regjistruar

Regjistruar: 27/11/2007
Vendbanimi: EU
Mesazhe: 8928

O ëmbëlsi e viteve rinore…
o pika lot, o drithma mallëngjimi
Pse ma tronditni botën shpirtërore
me brenga, mall e zbrazëti dyshimi?...

Në cilën zemër hytë si pranverë
dhe nuk i sollët zemrës lumturi?
Por kur derdh vjeshta fletët nëpër erë
pranverë na do zemra përsëri!…

Dhe sa më shumë do shkojnë vjetët
Zëmrat s’do ndjejnë qetësi gjëkund`…
Lirika plot do lënë pas poetët…
Për mallin, helmin, gazin e pafund!

O ëmbëlsi e viteve rinore,
në cilën zemër hyre në fillim?
Si erdhe ti prej viseve qiellore
Si brengë, gaz apo si ngushëllim?. . .

Pranverë 1972

Denonco kėtė mesazh tek moderatorėt | IP: e regjistruar

Regjistruar: 01/09/2006
Vendbanimi: .
Mesazhe: 12531

Hera e pare qe e lexoj kete poet, dhe shkrueka mire.
A mundesh me shkrue ndonje informacion plotesues te lutem?
A ka lidhje me Arianin?

__________________
.

Denonco kėtė mesazh tek moderatorėt | IP: e regjistruar

Regjistruar: 27/11/2007
Vendbanimi: EU
Mesazhe: 8928

Po bej copy-paste nje pjese qe me duket me e koncentruar
Fatkeqesisht keta poete nuk jane me. Dikush i spiunoi dhe ky dikush doli edhe deshmitar. Ishte edhe poet dhe poet i mire, me i mire se keta te dy.
Fatkeqesisht ai zgjodhi rrugen e denoncimit te shokeve.


Vilson Blloshmi dhe Genc Leka, lindën në muajin Mars. Vilsoni, lindi më 18 mars të vitit 1948, ndërsa, Genci më 23 mars të vitit 1941. Që të dy ishin nga i njëjti fshat, nga Bërzeshta e Librazhdit, që të dy ishin poetë. Ashtu siç kishin lindur në të njëjtin muaj, ata patën të njëjtën vdekje dhe në të njëjtën natë. Vilson Blloshmi dhe Genc Leka u pushkatuan mesnatën e 17 korrikut të vitit 1977, për të vetmin “faj”, se kishin lindur poetë. Jeta e tyre u fik nga plumbat e xhelatëve, ndërsa trupat e njomë u flakën në të njëjtën gropë. Të dy poetët e kallur nën dhe` u lanë në harresë deri në shembjen e diktaturës, ndërsa poezitë e tyre u shpallën heretike. Diktatura i groposi, por të dy poetët kishin skalitur pavdekësinë me krijimtarinë e tyre, poezinë. Ata ishin poetë të lindur dhe i këndonin bukurisë, njeriut të thjeshtë.

Denonco kėtė mesazh tek moderatorėt | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Ne trego noi poezi heretike, te kuptojme pse pushkatohej robi ne 1977.

__________________
Ne vendin tim, ne vendin tend, e shpojne lakren, i hedhin mend...

Denonco kėtė mesazh tek moderatorėt | IP: e regjistruar

Regjistruar: 27/11/2007
Vendbanimi: EU
Mesazhe: 8928

Citim:

---

Po citoj ato që tha Fajtori
Ne trego noi poezi heretike, te kuptojme pse pushkatohej robi ne 1977.

---

Denonco kėtė mesazh tek moderatorėt | IP: e regjistruar