qershor13
Vagabonding
Regjistruar: 05/02/2003
Vendbanimi: Rio
Mesazhe: 2547
|
Shah
Iart Shytaj, vetëm 17 vjeç, shpallet kampion i Shqipërisë në shah për vitin 2003
Shytaj, kampioni më i ri shqiptar
Skeda personale
Iart Shytaj
Datëlindja: 3 shkurt 1986
Vendlindja: Tiranë
Sporti: Shahu
Klubi: Studenti
ELO: 2336
Tituj kombëtarë:
Viti 2001: Kampion kombëtar për të rinj
Viti 2003: Kampion kombëtar për të rritur
Iart Shytaj ,17-vjeçari që jeton dhe studion në Itali, do të hyjë në historinë e shahut shqiptar si sportisti më i ri që shpallet kampion kombëtar për të rritur. Iart Shytaj me barazimin e djeshëm ka shkuar në kuotën e 8.5 pikëve, duke merituar edhe titullin kampion i vendit në shah. Ai është kontingjent i ekipit Studenti dhe ka nisur të lozë më gurët e shahut që kur ishte fare i vogël. Për herë të parë evidentohet kur ishte 15 vjeç, kur fare lehtësisht fiton titullin kampion i vendit për të rinj. Ai ka qenë pjesëmarrës në disa aktivitete ndërkombëtare, ku ka përfaqësuar denjësisht Shqipërinë. Sivjet për herë të parë ai merr pjesë edhe në finalet e Kampionatit Kombëtar për të rritur me pretendimin e vetëm për të fituar titullin kampion. Shytaj ka një ELO 2336 dhe së shpejti do të përfaqësohet në një turne ndërkombëtar, ku pretendon të kapë ballin e parë për titullin "Mjeshtër ndërkombëtar". Në familjen Shytaj sporti i shahut tashmë është kthyer në një traditë. Ashtu si dhe Iart, shahist me para të rinjtë është dhe i vëllai, i cili dhe ai jeton dhe studion në Itali. Për dy vëllezërit Shytaj të luash shah është një argëtim dhe kënaqësi. Kështu kanë qenë edhe takimet e zhvilluara gjatë 10 ditëve të Kampionatit Kombëtar të Shahut. Ky kampionat ka startuar me datën 2 shtator dhe ka përfunduar dje në mbrëmje. Në mbyllje të tij u zhvillua edhe një ceremoni, ku më të rriturit përgëzuan të riun Shytaj për fitoren e radhës. Një vit më parë, ky titull mbahej nga shahisti Lorenc Rama, i cili nuk u përfaqësua në garën e sivjetshme për të mbrojtur titullin kampion i vendit, të cilin ai e mban dy vjet me radhë.
Kampionati Kombëtar i Shahut
Ndeshjet e fundit
I.Shytaj - L.Mikeli 0.5-0.5
I.Karkanaqe - L.Banushi 1-0
A.Paci - F.Omari 1-0
A.Sinoimeri - Y.Pustina 0.5-0.5
D.Meta - A.Pustina 0-1
D.Mehmeti - Z. Sula
Renditja: I.Shytaj 8.5 pikë, I. Karkanaqe 8, A.Pustina 7.5, L.Mikeli 7, A. Paci dhe A.Sinoimeri 5.5, L.Banushi 4, Y.Pustina 3, Omari 1. D. Mehmeti dhe Z.Sula ???
__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.
Denonco kėtė mesazh tek moderatorėt | IP: e regjistruar
|