amoxil
I perjashtuar nga forumi
Regjistruar: 13/06/2004
Vendbanimi:
Mesazhe: 3949
|
Perdoruesit e droges ne RSH
Kërkon të qëndrojë në burg që të mbetet gjallë
ALMA ÇUKA
8 Mars Shqipëria, 40 mijë përdorues droge
Për përdoruesit e drogës nuk ka ndonjë pavion të posaçëm ku të trajtohen, por një pjesë e pavionit të intoksikimit në Spitalin Ushtarak përdoret dhe për ata që shkojnë për tu intoksikuar, ose që mbërrijnë në urgjencë me gjendje overdoze. Një pjesë e përdoruesve trajtohen nga Qendra Emanues, ndërkohë ka dhe disa qendra të tjera që japin këshilla dhe shiringa, në mënyrë që të mos përdorin të njëjtën shiringë. Së fundi, prej disa muajsh ka nisur dhe trajtimi me metadon për 100 përdoruesit e parë, që kanë shprehur vullnetin për tu çliruar nga droga. Nga një studim i bërë nga INSTAT, rezulton se vendi ka 40.000 përdorues droge, prej të cilëve 30.000 janë përdorues të rregullt. Në Tiranë mbi 15.000 përdorues, prej të cilëve rreth 7.000, janë intravenozë. Ndërkohë që te ne tani sapo ka nisur trajtimi me metadon, në Evropë trajtohen rreth 300.000 persona.
I ka kërkuar nënës ta ndihmojë për të shpëtuar. Nuk ka duruar më të injektonte pa pushim me shiringë drogën e përditshme. Trupi i është bërë plagë dhe gjilpëra sgjente vend... Veten e ka parë disa herë në buzë të varrit. Është përpjekur të largohet nga vdekja e bardhë, por nuk ka mundur të rezistojë gjatë. Ka qëndruar edhe pesë muaj pa e provuar, i mbyllur në burg. Por është rikthyer. Kur ka dalë nga qelia, shoqëria e ka tërhequr në rrugën e zakonshme. Është dënuar tre herë më parë për shpërndarje droge. Quhet Bledjan Idrizi dhe është vetëm 20 vjeç. Drogën e ka filluar qysh në moshën 15-vjeçare. Ishte në shkollë kur e ka provuar për herë të parë. E ka nisur si lojë, si kuriozitet, mbase dhe si dëshirë për të provuar diçka të panjohur. Por kur është futur në botën e saj, është bërë tjetër njeri. Viktima tregon në gjykatë se ka shumë dëshirë të largohet nga sëmundja e tmerrshme që po e vret dita-ditës, por, tashmë ai nuk e kontrollon dot veten. Komandën e ka droga, ajo çfarë ai fut në trup. I ndodhur përballë fatkeqësisë që i kanosej, pranon të jetë më mirë në burg. Tri ditë më parë, ai ka rënë në duart e policisë. Në momentin e arrestimit policia i ka gjetur 3 gramë drogë e tipit kokainë. Kaq mjafton për ta akuzuar Bledjanin si shpërndarës.
Ligji
Në bazë të ligjit, një përdorues nuk duhet të ketë me vete më shumë se 0.5 gramë drogë. Gjykata e ka lënë në burg, jo sepse i pandehuri nuk kishte kundërshtim, por në bazë të ligjit. Më e tronditur nga kjo histori është nëna e Bledjanit. Ajo e ka çuar vetë drejt policisë. Për ta mbrojtur në gjykatë nuk ka kërkuar as avokat. Thotë se nuk ka nevojë për avokat, pasi e ka çuar vetë në polici dhe nuk ka para për ta paguar.
Rrëfimi i nënës
"Më mirë ta kem në burg e ta shoh gjallë se sa ndonjë ditë ta gjej të vdekur në rrugët e Tiranës". Nëna e përdoruesit Bledjan Idrizi, ka ardhur në gjykatë për të parë djalin, të cilin tri ditë më parë e ka çuar me duart e saj në prangat e policisë. E pranon se është fatkeqe dhe se sheh çdo ditë të birin të përballet me vdekjen. Tregon se është e pafuqishme ta largojë nga rruga e keqe, edhe pse disa herë është munduar ta bëjë një gjë të tillë. "E kam djalë të vetëm. Një dritë syri, siç thonë. Mua më dhemb shpirti kur e shoh me pranga në duar. Por kur mendoj se trupi i tij nuk mund të mbajë më shiringa, them më mirë të qëndrojë aty". Këto fjalë dalin nga goja e nënës së Bledjanit, e cila dje, në gjykatën e Tiranës, kishte ardhur vetëm për ta parë se si ndihej djali, pas gjithë torturave që i ka shkaktuar trupit të tij.
Frika
Ajo thotë se djalin e ka qarë për së gjalli. "Ai që e ka në shtëpi mund të më besojë. Unë e kam qarë për së gjalli djalin tim. E kam gjetur në banjë të shtrirë dhe kur e kam marrë në krahë, kofshët e tij kullonin gjak. Edhe pse e di që djali mund të më dënohet shumë, nuk jam pishman, po qe se ai do të largohet nga rruga e drogës". Nëna e Bledjanit shprehej me dhimbje se, këtë rrugë po ta filloje duhej të vazhdoje. Ajo ka përjetuar edhe shumë skena rrënqethëse. "Ai kishte raste që kërkonte edhe 60 mijë lekë të vjetra në ditë. Por, ne nuk kishim ku t'i gjenim. Ai arrinte deri atje sa më kërkonte para hapur, duke më thënë se ishte shumë keq. Së fundmi kisha frikë se më kalonte përsëri në mbidozë. Pata frikë se mos e humbisja".
Shoqëria
E pikëlluar për fatin e djalit të vetëm, nëna e Bledjanit u shpreh se nuk i vinte turp nëse do t'i thoshin se djalin e kishte në burg. Pranon se në këtë rrugë të birin ia ka futur shoqëria. "Unë e kam ndjekur vetë djalin. Ai e linte disa muaj dhe kur dukej që ishte mirë e thërriste shoqëria, duke i thënë se kishin gjetur mall të mirë". Nëna e Bledjanit u shpreh dje se, nuk është bërë pishman për atë që bëri. Tregon se ndihet më e qetë kur djali është në burg dhe nuk ka mundësi të marrë drogën. Është e vetëdijshme se mund t'i dënohet, por, gjithsesi pranon se nuk do të bëjë as përpjekjen më të vogël për ta liruar nga burgu. Megjithatë, ajo kërkon ta shohë dhe ta përshëndesë, ta shohë se është gjallë dhe burgu për fat të keq mbetet një shpresë e madhe në këtë gjendje ku ai është katandisur. Nëna tregon se trupi i tij ishte bërë plagë nga të shpuarat. Po kështu me dhimbje thotë se e ka parë në buzë të varrit Bledjanin, teksa kofshët i kullonin gjak. Pranon gjithashtu se nga përdorimi i shpeshtë, i biri ka kaluar disa herë në overdozë dhe i ka shpëtuar vdekjes për mrekulli.
__________________
Nė faktin se jemi askushi dhe nuk kemi me tė vėrtetė kurrgja. Sa mė pak kemi, aq ma tepėr mundemi me dhan. Duket diēka e pabesushme, por kjo ashtė llogjika e dashunis.
Denonco kėtė mesazh tek moderatorėt | IP: e regjistruar
|
22 Gusht 2005 22:24
dhe KY eshte faj i alkoolit, apo jo
Forumi Horizont > Tema Shoqėrore > Diskutime Shoqėrore > Probleme Sociale > Lufta kunder alkoolit, duhanit, droges eshte lufte per ruajtjen e jetes seksuale.
