Fajtori
Apo jo?
Regjistruar: 11/06/2002
Vendbanimi: Europe
Mesazhe: 10706
|
Me keqardhje ju them se kohet kane ndryshuar ne Shqiperi. Ka ikur koha e alabakeve dhe gangove te rruges. Ka ikur koha e bandave dhe maskave. E atehere do pyesni ju pse e thua me keqardhje?
E them sepse krimet vazhdojne por jane te nje niveli tjeter. Ka disa kohe, pra, qe kam kuptuar se kush jane kriminelet. Kriminelet nuk jane hajdutet e makinave qe vazhdojne te ekzistojne, as trafikantet e droges qe punojne me Italine dhe Greqine. Kriminelet e vertete jane gjykates, avokate, ministra, kryetare bashkish. Kriminelet e vertete i gjen rreth e rrotull teje, eshte e kote te kerkosh larg. Jane prindet e mi e tuajet qe tolerojne krimin dhe e ndihmojne ate duke legjitimuar ore e cast korrupsionin. Kriminelet e vertete ekzistojne brenda ndergjegjes se atij brezi tashme te tejkaluar qe rron ne Shqiperi. Jane ata gjykates dhe avokate qe bashkepunojne me kriminelet per ti nxjerre jashte duke krijuar atmosferen e mos-ndeshkimit. Jane ata shefa policie qe keqtrajtojne gazetaret e PD-se dhe qe perzjejne detyren fisnike me terrorin policor. Jane police rrugesh qe pranojne 5 mije lekeshet pa pike turpi (me shume turp kam une kur duhet ti jap leke). Jane keta te pafytyre, te pashkolluar e maskiliste qe ne vend qe te thone "Na jep ndonje lek per familjen" te thone "Jepi ndonje birre shefit".
Kriminelet pra mos i kerkoni ne forma abstrakte fajtesimi. Ato i keni rreth e rrotull dhe shpesh brenda vetes. Krimet me te medha nuk i bejne armet dhe as ata qe perdorin armet. Krimet me te medha po i bejne ndergjegjet e kalbura te elites intelektuale, justifikimet se gjitha bota ka korrupsion, se gjithandej drejtesia eshte relative si ne Shqiperi. Krimet i beni akoma teksa mbroni ose shani dy partite e tejkaluara te tranzicionit. Krimet i beni teksa kriminelet mbeten te pandeshkuar moralisht sepse kusheririn e korruptuar nuk e denojme moralisht por mundohemi ta nxjerrim nga burgu duke levizur gjithe njohjet qe kemi ne dispozicion. E keshtu kriminele jane ato nena qe nuk i kuptojne krimet e djemve te tyre dhe mundohen ti justifikojne.
Ne fund te fundit secili prej nesh i perket nje klani dhe preferon me mire te ushqehet prej tij sesa ta luftoje ate. Ne te vertete krimet tashme jane gjithmone e me te pavarura prej partive, sepse jane bere strukture jete ne Shqperine e perditshme. Zgjedhjet e ardhshme nuk perfaqsojne asnje ndryshim. Ne fund te fundit si mund te kete ndryshim kur duhet te kenaqemi me ate qe servilet dhe bandat partiake na servirin prej 15 vjetesh (te njejtet kryetare se paku). Pra problemi nuk eshte aspak politik, por tashme problemi eshte social. Kriminelet nuk jane vetem anetare partish si dikur, por jane tashme njerez normale qe nga nje ane perbejne biznesmenet qe korruptojne dhe nga ana tjeter nepunesit e korruptuar. Pra, miqte e mi, sic thone ata te Mjaftit ne nje poster: "Korrupsionin nuk ua solla une, ate e gjeta midis jush". Per sa kohe secili prej nesh te mbroje kusherinjte, vellezerit, nenat dhe baballaret qe kryejne krime nuk ben gje tjeter vecse te legjitimoje krimin. Megjithese krimet me te renda i bejne te ahtuquajturit intelektuale qe mbajne poste gjyqtaresh, avokatesh, shefash policie, ministrash e kryebashkiakesh ata mbeshteten tek nje kulture kriminale dhe per sa kohe legjitimohen intelektualet ne krimet e tyre nuk ka si te zhvillohet nje popull qe eshte mesuar te jetoje me klane dhe banda.
__________________
Ne vendin tim, ne vendin tend, e shpojne lakren, i hedhin mend...
Denonco kėtė mesazh tek moderatorėt | IP: e regjistruar
|