vdiqa_per_raki
Anetar i pa konfirmuar
Regjistruar: 21/07/2005
Vendbanimi: Ku te me zeri nata...
Mesazhe: 35
|
Mendimi juaj per denimin me vdekje
Jam i sigurte se kjo teme eshte diskutuar shume here. Megjithate nje shkrim tek Gazeta Shqiptare e dates 2 Prill 2006 ma rikujtoi kete teme.
Ja ku eshte shkrimi me poshte:
SHKODER
Deri tre javë më parë konsiderohej i paprekshëm. Lëvizte nëpër qytet i armatosur dhe me makina të blinduara. Vetëm dje Mehdi Ivzikut i është komunikuar në qeli akuza e vrasjes së biznesmenit, Sandër Gjeka. Lajmi konfirmohet nga burime të sigurta të Ministrisë së Brendshme. Vrasja ka ndodhur 10 majin e vitit 2002, në mes të Shkodrës, në një nga pikat më të populluara të saj, te Parruca, dhe policia pohon se shkak ka qenë një femër. Ndonëse ngjarja pati dëshmitarë të shumtë për vetë faktin se ndodhi në pikun e lëvizjes së kalimtarëve, policisë do i duheshin katër vjet të vinte në pranga të dyshuarin. Një punë e gjatë operative e oficerëve të antikrimit të policisë së qytetit veriperëndimor do të finalizohej më së fundi me një arrest të konsideruar si tepër të rëndësishëm. Ivziku, cilësohej mjaft i rrezikshëm dhe me lidhje të fuqishme në zonë. Oficerët i trembeshin faktit se ai mund të mësonte se ishte kthyer në objekt hetimi dhe do të largohej. Në 7 shkurt, skuadra e antikrimit të Policisë së Shkodrës, improvizoi arrestimin e tij për armëbajtje pa leje. Por nuk ishte e lehtë të vije në pranga Izvikun. Ai është ndaluar brenda lokalit të mikut të vet, Shkëlqim Cafi. 35-vjeçari është arrestuar me pistoletën e mbushur, kurse policia bllokoi edhe një automatik të pronarit të lokalit. Për herë të parë në ambientet e komisariatit përfunduan makinat e blinduara të dy të fortëve të lagjes Kiras.
Vrasja
Në afërsi të barit Lira, në trotuar, Sandër Gjeka u qëllua nga katër plumba pistolete. Autori i dinte mirë lëvizjet e biznesmenit, madje ka pritur pranë lokalit ku ai pinte kafe çdo pasdite. Kafeja e fundit është pirë pikërisht në verandën e bar Lirës. Në momentin që ai ka dalë, një automjet tip Benz iu afrua trotuarit. Autori ka dalë nga automjeti, në mënyrë që Gjeka ta shihte mirë njeriun që i qëllonte. Plumbat janë qëlluar nga afër, dhe ndërsa biznesmeni rrëzohej në tokë, autori ka hipur sërish në makinë dhe është larguar. Katër plumbat që kishte marrë në trup e bënë të kotë çdo përpjekje të mjekëve për të shpëtuar jetën e biznesmenit.
Akuzat
Izviku, ndodhet aktualisht i siguruar në ambientet e paraburgimit të burgut të Lezhës. Krahas akuzës së armëmbajtjes pa leje, që e mban atë pas hekura, organi i akuzës do i bashkangjisë edhe atë të vrasjes me paramendim. Në rast se kjo akuzë do ti provohet, Izviku rrezikon nga 15 deri në 25 vjet burg.
--------------------------Fundi i shkrimit te Gazetes------------------------------------
...15 deri ne 25 vjet burg!!?? Nuk e di per ju, por ky denim maksimal qe parashikon ligji per dy akuza me duket shume minimal. Nese personi i dyshuar dhe avokati i tij bashkepunojne me drejtesine atehere dhe arrijne te perfitojne gjykim te shkurtuar, qe do te thote uljen e 1/3 te denimit. Pra, nga 25 vjet burg "katandiset" ne 18, hiq edhe ndonje ulje te mundshme denimi per shkak te ndonje amnistie, sjellje te mire e te tjera si keto dhe del qe autori i nje vrasjeje te paramenduar ben vetem dicka me teper se 10 vjet burg, ndoshta 15.
Une nuk po them qe ky person meriton Karriken Elektrike apo injektimin; ne rradhe te pare ende nuk dihet me saktesi a eshte vertet fajtor per ato qe akuzohet apo jo, pasi gjykata duhet ta shpalli fajtor, por edhe nese ai eshte athere ai nuk rrezikon aspak nje denim te merituar; me e pakta qe mund ti jepet nje personi te tille (nese eshte fajtor) eshte denimi me burgim te perjetshem, pa pasur asnje mundesi ulje te denimit.
Pra, si mendoni a ju duken ligjet shqiptare shume te buta dhe qe lene shume shtigje per kriminelet qe t'iu shpetojne drejtesise...a ju duket se pezullimi i ligjit te denimeve me vdekje po i sjellin me shume dem sesa dobi Shqiperise dhe shoqerise shqiptare, apo anasjelltas...!!!??
Mua me duket si nje faktor teper i rendesishem per jeten e shoqerise shqiptare, qe ka te beje me qetesine dhe rendin dhe qe shtrihet me tutje se kaq, ne aspektin ekonomik dhe ne ate te zhvillimit te shoqerise...
...si mendoni...?????
__________________
Si i behet per ca raki rrushi!!!
Denonco kėtė mesazh tek moderatorėt | IP: e regjistruar
|