Regjistruar: 05/02/2003
Vendbanimi: Rio
Mesazhe: 2547

Vetëm 18-vjeç dhe Niko Rozberg rikthehet sërish në botën e Formula 1. Piloti me origjinë finlandeze, ka testuar dje makinën e re të BMV Uilliams FË 26, duke qënë një prej kandidatëve kryesorë për të zënë vendin e Montojas mbas largimit të tij në 2005 për tek Mclaren. Niko është piloti më i ri që ka drejtuar ndonjëherë një makinë të Formula 1 kur në 2002, ai testoi po me skuadrën e Uilliams. Por nëse atëherë gjërat nuk shkuan siç duhet, duket se tani djali i kampionatit të botës në 1982 Keke.

__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.

Denonco kėtė mesazh tek moderatorėt | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Problemi i kontratës së pilotit gjerman duket se nuk është vetëm çështja ekonomike, por ka dhe gjëra të tjera që nuk janë bërë publike.

Duke parë që Huan Pablo Montoja do të largohet në fund të këtij sezoni nga skuderia Williams?BMW për tek skuderia tjetër anglo?gjermane McLaren?Mercedes, problemet e pilotëve për skuderinë nga Grove janë të mëdha. Ky largim i pilotit kolumbian për ta nuk ësdhtë ndonjë gjë e re pasi ka kohë që është bërë e ditur kontrata që ka firmosuar, por problemi tjetër mbetet Ralf Shumakeri. Piloti gjerman nuk ka shtyrë kontratën e tij me skuderinë Williams dhe ajo aktualja që ka skadon në përfundim të këtij sezoni. Në një kohë kur vëllai i vogël i Majkëll Shumakerit ka deklaruar se problemi i kontratës së tij nuk qëndron tek çështja ekonomike, nurmi 1 i skuderisë Williams, Frenk Uilliams, ka thënë përpara 2 ditësh se pikërishtë çështja ekonomike është problemi kryesor. "Do të fillojmë sërish bisedimet pasi të ketë kaluar mesi i këtij sezoni," ? ka thënë Uilliams. Për pilotin tim gjerman është gati Toyota që t'i ofrojë një kontratë. Skuderia Williams?BMW është duke menduar për të ardhmen dhe me sa duket do të vendosin për të ndërruar të 2 pilotët. Kohët e fundit shihet qartë që skuderia Williams ka disa probleme ekonomike dhe si rrjedhojë në fund të këtij sezoni nuk do të largohet vetëm Huan Pablo Montoja, por edhe Ralf Shumaker. Për këtë arsye në një farë mënyre Frenk Uilliams është i detyruar që të shohë përtej sezonit 2004. Përpara disa muajsh numri 1 i skuadrës nga Grove ka pranuar bisedimet me brazilianin e Ferrarit Rubens Barrikelo. Por ky i fundit më pas shtyu kontratën me skuadrën e Maranelos dhe tani Uilliams thotë: "Jemi duke i parë të gjithë pilotët. Lista e pilotëve që ne na pëlqejnë është shumë e gjatë." Pa dyshim, në brendësi të saj përfshihet dhe britaniku Xhenson Baton, i cili e filloi karrierën e tij në Formulën 1 pikërisht me këtë skuadër. Ishte viti 2000 dhe në atë kohë ishte vetëm 20 vjeç. Aktualisht Baton ka një kontratë me skuderinë Baton dhe ajo skadon në fund të sezonit 2005. Frenku për ish?pilotin e tij vazhdon të thotë. "Eshtë një pilot shumë i mirë dhe nga viti në vit po shohim një rritje të nivelit." Edhe piloti australian Mark Veberr, i cili aktualisht garon për skuderinë Jaguar, është në listën e atyre që pretendojnë të zëvendësojnë Montojën ose Ralfin. "Kam mendime shumë të mira për të. Mund të them se ka karakteristika të ngjashme me Najgëll Mansell, pra një pilot që sulmon gjithmonë," ? thotë Frenk Uilliams. Janë të shumta fjalët që qarkullojnë për skuadrën nga Grove, por duket se vetëm nga mesi i sezonit do të mësojmë të vërtetën e së ardhmes së kësaj skuadre.

__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.

Denonco kėtė mesazh tek moderatorėt | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Presidenti i FIA-s ka deklaruar se do të qëndrojë vetëm një firmë gomash në Formulën 1.

Lufta e firmave të gomave në Formulën 1 duket se shumë shpejt do të pushojë. Për presidentin e FIA-s, Maks Mozlein, një zgjidhje më e mirë është që të lejojnë vetëm një firmë gomash në këtë sport. Në të njëjtën kohë do të reduktohen edhe testimet që bëhen gjatë vitit, që ndikojnë në uljen e shpenzimeve. "Ky është një nga sistemet më të mira që mund të përdorim, pasi arrin të adaptohet menjëherë," - ka thënë Mozlei. Duket se numri 1 i qeverisë së këtij sporti ka një ide të re për uljen e shpenzimeve, për ta bërë këtë sport sa më të ekuilibruar. Sipas Mozleit, kjo është një zgjidhje që ndihmon edhe skuadrat e vogla. Duket se vetëm një firmë do ta ketë monopolin e gomave në Formulën 1, ose Bridgeston-i ose Michelin-i. Në pamje të parë, firma franceze ka më shumë mundësi për ta fituar këtë duel përfundimtar, pasi firma japoneze kohët e fundit ka pasur shumë probleme financiare. Zgjidhja që ka menduar Mozlei është shumë e qartë: nuk do të ketë më luftë midis firmave të gomave, pasi ato nuk do të prodhojnë prototipe gomash për skuderi të veçanta. Në këtë mënyrë reduktohen edhe sesionet e provave. Rezultati i këtyre ndryshimeve, sipas Mozleit, do të jetë ulja e shpenzimeve në mënyrë shumë të ndjeshme. "Një nga zgjidhjet më të mira për të ulur shpenzimet në Formulën 1 është që të ulim numrin e testimeve, - ka thënë presidenti i FIA-s. - Mjafton vetëm një firmë gomash që ulen edhe sesionet e testimeve. Kjo është një manovër që do të zgjidhë një pjesë të madhe të problemeve tona." Ka kohë që drejtuesit e skuderive po diskutojnë për uljen e sesioneve të testimeve, por duket se jo të gjitha skuadrat janë dakord me këtë gjë. Sipas pronarit të skuderisë Williams, Frenk Uilliams, Ferrari është një nga ato skuadra që nuk e pranon këtë gjë. "Ferrari ka një pistë personale, ku zhvillon testimet dhe, për këtë arsye, nuk është dakord që të reduktohen sesionet. Kjo është diçka e pranueshme, por duhet të biem dakord për disa gjëra të gjithë bashkë." Në fund të deklaratave të tij, Mozlei ka shtuar: "Do të ishte një zgjidhje shumë e mirë për të reduktuar shpenzimet. Reduktimi në një firmë gomash është një ide shumë e mirë, që do të na ndihmojë për të arritur këtë objektiv që i kemi vënë vetes. Nëse vendoset që të qëndrojë vetëm një firmë gomash, edhe ne do të kemi mundësi t'i detyrojmë skuderitë që të ulin numrin e testimeve private. Kjo do të sillte një kursim shumë të madh për të gjithë."

__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.

Denonco kėtė mesazh tek moderatorėt | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Në 2 vitet e fundit, kolumbiani e ka përfunduar këtë garë në vendin e dytë.

Huan Pablo Montoja ka menduar që ta evitojë vendin e dytë në këtë sezon në garën e Australisë. Në 2 vitet e shkuara, piloti kolumbian i skuderisë Williams-BMW është renditur në vendin e dytë, por në këtë sezon, me makinën e re FW26, shpreson për një fitore. Në sezonin 2003, Montoja qëndronte në krye të garës, por 11 xhiro nga përfundimi i saj ai e humbi këtë kryesim, pasi kishte probleme. Për fatin e tij të mirë, arriti ta mbante vendin e dytë në renditje, gjë që do ta ndihmojë shumë skuadrën. Në ato momente, kolumbiani në radio tha: "E kam akoma nën kontroll makinën dhe do të arrij ta përfundoj garën në vendin e dytë." Ndërsa tani, përpara fillimit të sezonit të ri, ka thënë: "Kam 2 sezone radhazi që e përfundoj garën në "Albert Park" në vendin e dytë. Shpresoj që të arrij një fitore në këtë sezon."
"Albert Park" është testi i parë
Ndoshta do ta arrijë objektivin e tij në këtë sezon, pasi testimet dimërore për Montojën janë shumë pozitive. Të gjitha skuderitë dhe pilotët e tyre e dinë mjaft mirë se cilat janë limitet e tyre për këtë garë, pasi po punojnë shumë me makinat e tyre të reja. Rezultati i garës së parë të sezonit ndikon shumë në psikologjinë e pilotëve. Për këtë garë, Montoja ka thënë: "Albert Park" është një pistë shumë e veçantë," - ka thënë i riu kolumbian, i cili në këtë sezon do të zhvillojë garën e fundit në këtë pistë me makinën Williams. "Mua më pëlqen shumë kjo pistë, ndoshta më pëlqen më shumë nga të gjitha pistat e kalendarit. Eshtë shumë e rëndësishme që në këtë garë të arrijmë ndonjë rezultat të mirë. Le të shohim se çfarë do të jetë në gjendje të bëjë makina e re në Melburn," - ka përfunduar Huan Pablo Montoja.

__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.

Denonco kėtė mesazh tek moderatorėt | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Skuderia Jaguar ka bërë të ditur se suedezi Bjordn Uirdheim do të jetë kolaudatori i saj për sezonin 2004. Ai ka përfunduar me sukses shumë testime të zhvilluara në këtë periudhë dhe drejtuesit e kësaj skuadre kanë vendosur që ta kenë bashkëpunëtor për sezonin e ri të Formulës 1. "Jam shumë i kënaqur që do të kem mundësi të punoj për skuderinë Jaguar. Mezi pres që të jap kontributin tim dhe të punoj për të arritur objektivat që ka skuadra ime," - ka thënë Uirdheimi.

__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.

Denonco kėtė mesazh tek moderatorėt | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Edi Xhordan ka bërë të ditur se do të vazhdojë t'i prodhojë makinat e tij. Pronari i skuderisë irlandeze ka shtuar më pas se mbështetja nga një skuadër e madhe do të ishte një ndihmesë e madhe për përmirësimin e rezultateve. Nëse ndodh kështu, do të humbasë pavarësia e skuadrës. "Megjithatë, do të më pëlqente shumë një bashkëpunim me Ron Denisin apo me ndonjë tjetër," - ka thënë Xhordani. Numri 1 i kësaj skuadre ka bërë të ditur se McLaren-i ndërton makina shumë të mira dhe, për këtë arsye, shpreson në mbështetjen e tyre. Fjalë shumë të mira Xhordani ka thënë edhe për skuderinë Sauber. "E admiroj Peter Sauberin, pasi është një nga personat më simpatikë të Formulës 1. Nëse më lejohet ta mund ndonjëherë, do të them se kam mundur një Ferrari, pasi C23 ngjan vërtet një "klon" i "kokëkuqes".

__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.

Denonco kėtė mesazh tek moderatorėt | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Gjatë testimeve të djeshme, skuderia Williams është paraqitur më mirë nga të tjerat. McLaren-i ka pasur probleme.

Huan Pablo Montoja duket se është në formë të mrekullueshme sportive. Kanë mbetur 3 javë nga fillimi sezonit të ri dhe piloti i skuderisë Williams ka vendosur rekordin e pistës së Valencias. Koha e tij 1'09"103 ka qenë 58 të mijëtat më e shpejtë se rekordi i parë, i cili ishte regjistruar nga kolaudatori i kësaj skuderie, Antonio Piconia. Në vendin e dytë është renditur BAR-i i Xhenson Batonit, vetëm me 3 të dhjetat më i ngadaltë, 1'09"467. Në vendin e tretë është renditur austriaku i ri, Kristian Klien. Skuderia McLaren-Mercedes ka pasur probleme. Piloti i saj skocez, Devid Kulthard, ka zhvilluar një simulim gare, por nga xhirot e fundit ka prishur motorin. I frikësuar ka qenë disi edhe piloti tjetër i kësaj skuderie, Kimi Raikonen. Gjatë një simulimi të "pit-stop"-it, nga marmitat e makinës së tij ka dalë flakë, por ato janë shuar shpejt nga mekanikët e kësaj skuderie.

__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.

Denonco kėtė mesazh tek moderatorėt | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Sipas pilotit gjerman, FW-26 është një makinë që mund të fitojë që nga gara e parë e sezonit.

Ralf Shumakeri është i bindur që në këtë sezon ka një makinë shumë të mirë, ndoshta më të mirën që ka pilotuar ndonjëherë. Makina FW-25, që është përdorur sezonin e shkuar, nuk ishte makinë shumë e mirë dhe nuk arriti të fitonte ndonjë garë deri në Çmimin e Madh të Montekarlos. Megjithatë, piloti i ri nga Kerpeni është i bindur se makina e re FW-26 është e gatshme të fitojë menjëherë. "Mund të them se makina e këtij sezoni është më e mira që kam pilotuar ndonjëherë. Një makinë garash duhet të jetë kompetitive që në fillim, pra sapo del nga fabrika. Vitin që shkoi nuk arritëm të fitonim menjëherë, por në këtë sezon duket se jemi në rrugën e duhur që në fillim," - ka thënë Ralfi. Ai ka shtuar gjithashtu se Ferrari do të jetë makina që duhet mundur edhe në këtë sezon 2004. Në të njëjtën kohë, vëllai i 6 herë kampionit të botës nuk i trembet shumë Renault-it. Për sa i përket skuderisë BAR, Ralfi mendon se kohët rekord që ka regjistruar ajo gjatë këtyre testimeve dimërore kanë qenë vetëm për spektakël. Nëse këto kohë të skuderisë nga Braklei do të jenë kështu edhe gjatë sezonit nëpër gara, skuderia britanike do të jetë pretendente. "Edhe pse kanë testuar gjatë gjithë kësaj periudhe me pak karburant, ata kanë qenë shumë të shpejtë. Nëse makina e tyre e re është vërtet kaq e shpejtë, do të jenë për të gjithë rivalë të rinj," - ka përfunduar gjermani i skuderisë Williams-BMW.

__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.

Denonco kėtė mesazh tek moderatorėt | IP: e regjistruar

Regjistruar: 05/02/2003
Vendbanimi: Rio
Mesazhe: 2547

IMOLA

Në Imola, piloti më i shpejtë i ditës së djeshme të testimeve ka qenë Jarno Truli. Italiani i Renault ka regjistruar kohën 1'21"243, duke kaluar kështu brazilianin Masa të Sauber dhe kolaudatorin Luka Badoer të Ferrarit. Truli ka testuar në këtë ditë provazh motorin e ri, ndërsa shoku i tij i skuadrës, Fernando Alonso, i cili është renditur i katërti, ka testuar gomat dhe konfigurimin e makinës, duke zhvilluar në total 105 xhiro. Për "kokëkuqen" ka zbritur në pistë kolaudatori Luka Badoer me makinën F2003-GA, i cili ka testuar gomat Bridgestone. Ky pilot ka pësuar edhe një incident, duke dalë nga pista në kthesën "Variante". "Badoeri është dërguar në qendrën mjekësore për të bërë një kontroll. Në përfundim, mjekët kanë thënë se nuk ka asnjë problem. Ata e kanë lejuar gjithashtu që të pilotojë sërish." Edhe sot, ai do të jetë i pranishëm në pistë. Një ditë e mirë testimesh ka qenë edhe për të riun tjetër italian, Xhorxho Pantano, i cili ka drejtuar Jordan-in. Piloti nga Padova ka zhvilluar gjithsej 58 xhiro, duke regjistruar kohën më të mirë 1'22"596. Me këtë rezultat, ai është renditur në vendin e 6-të, duke lënë prapa shokun e tij të skuadrës, Nik Heidfeld.

__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.

Denonco kėtė mesazh tek moderatorėt | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Skuderia Jordan ka bërë të ditur se për sezonin 2004 do të marrë si kolaudator pilotin gjerman Timo Glok. Ai është vetëm 21 vjeç dhe ka fituar 3 gara në kampionatin Formula 3. "Timoja është një nga pilotët më premtues për të ardhmen e këtij sporti," - ka thënë Edi Xhordan. "Jam shumë i kënaqur që arrita të bie dakord me të për këtë kontratë. Që në fillim na ka befasuar dhe mendojmë se do të jetë shumë mirë sikur të vazhdojë të punojë për ne, pasi do të përmirësojë edhe nivelin e tij," ? ka përfunduar numri 1 i kësaj skuderie.

__________________
Lo scopo della nostra vita č di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtą le Sue creature.Questo significa amore,che dovrebbe sostituire l'odio che si vede ovunque.

Denonco kėtė mesazh tek moderatorėt | IP: e regjistruar