sarandaebukur
Veteran ne forum
Regjistruar: 21/06/2003
Vendbanimi: New-York
Mesazhe: 817
|
Rama:"Kjo eshte Tirana qe bera une !"
Oli Xhilaga
Kandidati i së majtës për bashkinë e kryeqytetit, prezanton programin për 4 vitet e ardhshme
Shifrat dhe faktet konkrete të punës që është bërë në 6 vjet
"Projekti për hapësirat e gjelbërta, ku parku i liqenit do të jetë një zonë e mbrojtur dhe pa trafik makinash si dhe do të synohet që për çdo person të ketë të paktën 7 metra katror", theksoi Rama, lidhur me këtë çështje. Ndërkohë që studimet ndryshme, sikurse dhe është deklaruar, e kanë nxjerrë Tiranën si qytetin më të ndotur.
"Në projektet e ardhshme do të mundësojmë që në vitin 2009 të kemi vetëm 30 nxënës për çdo klasë, premtojmë përmirësimin e kushteve në shkolla, ndërtimin e 10 shkollave të reja dhe rikonstrukturimin e 30 të tjerave, ndërkohë që do të ndërhyhet në të gjitha kopshtet dhe çerdhet".
Kandidati i opozitës së bashkuar për Bashkinë e Tiranës, Edi Rama
shpalosi dje projektin për mandatin e tretë, në rast fitoreje në zgjedhjet e 18 shkurtit, për qeverisjen e kësaj bashkie. Gjatë këtij prezantimi, Rama bëri një paraqitje të kujdesshme të projektit të tij, të shoqëruar me pamje vizive.
"Edhe pse në pamje të parë mund të thuash se shumë nga pikat e këtij programi duhet të ishin realizuar tashmë, përsëri mbetet të jemi optimistë pasi këto çështje përfishen në planin katër vjeçar. Gjë që do të thotë se në vietet e ardhshme mund të kemi një realzim të atyre nevojave tepër adekuate të shoqërisë, e në këtë rast të banorëve të kryeqytetit" tha ai.
Gjatë një takimi me shoqërinë civile dhe me stafin e bashkisë që ai drejton prej dy mandatesh, Rama ka paraqitur gjerësisht projektin e tij për bashkinë e kryeqytetit përgjatë viteteve 2007-2011. Ndërkaq, kandidati i opozitës, njëkohësisht dhe kreu i Partisë Socialiste, Rama bëri dhe një rezyme të përmbledhur të të gjithë arritjeve të bëra nga bashkia gjatë kohës që ai drejtoi këtë institucion.
Arritjet e deritanishme të Bashkisë së Tiranës, si dhe prioritet në vazhdim ishin çështjet mbi të cilat u ndal dje kandidati i opozitës për kreun e kësaj bashkie, Edi Rama. Kështu, Rama paraqiti dje, në mjediset e Hotel Sheraton, projektin "Tirana e shekullit të ri, 2007‑2011".
Duke u ndalur në punën e bërë përgjatë këtyre gjashtë viteve nga ky institucion, Rama vlerësoi faktin se reforma e nisur në vitin 2000 e ktheu bashkinë e kryeqytetit në një institucion që harton dhe zbaton strategji zhvillimi. Gjithashtu, gjatë prezantimit të projektit të tij, Rama u ndal në paraqitjen e strategjive për çdo sektor.
Por gjatë fjalës së tij, Rama nuk ka lënë pa lëshuar akuza dhe ndaj qeverisjes aktuale. Madje ishte pikërisht shkalla e rëndë e ndotjes së ambjentit, çështja për të cilën, kreu aktual i bashkisë së Tiranës akuzoi qeverisjen e djathtë. Ndërkaq, gjatë këtij prezantimi, Rama ka bërë me dije lidhur me prioritet e bashkisë në katër vitet e ardhshme, duke u nisur nga strategjitë për çdo sektor. Por sipas tij, në katër vitet e ardhshme do të kemi një Tiranë shumëngjyrëshe.
Projekti
Kryetari aktual i bashkisë së Tiranës, Edi Rama, gjatë fjalës së tij bëri një përmbledhje të programit, i cili është ndërtuar në bazë të strategjive për çdo sektor për 4 vitet e ardhshme. Gjithashtu, gjatë këtij takimi u paraqitën dhe pamje të gjendjes aktuale të qytetit në lidhje me infrastrukturën rrugure, ujore si dhe blloqeve të banimit.
Kështu, duke paraqitur shifra dhe tregues nga të ardhurat e bashkisë, si dhe investime, kredi dhe sponsorizime të pavarura, Rama bëri me dije se "aktualisht ka 1 milion metra katrorë rrugë të reja dhe të rikonstruktuara, rreth 11 mijë ndriçues në Tiranë".
Po kështu, kandidati i opozitës, njëkohësisht dhe kreu i Partisë Socialiste, paraqiti skemën e administrimit financiar, kryesisht të taksave e tatimeve të biznesit të vogël, tarifave vendore, taksës së banesës, taksës së gjelbërt dhe të pastrimit, të cilat do të administrohen nga vetë minibashkitë si agjentë fiskal.
Prioritetet
Në projektin e tij për mandatin e tretë në krye të qeverisjes vendore për Tiranën, Rama i ka kushtuar një rëndësi të veçantë hapësirave të gjelbërta. "Projekti për hapësirat e gjelbërta, ku parku i liqenit do të jetë një zonë e mbrojtur dhe pa trafik makinash si dhe do të synohet që për çdo person të ketë të paktën 7 metra katror", theksoi Rama, lidhur me këtë çështje. Ndërkohë që studimet ndryshme, sikurse dhe është deklaruar, e kanë nxjerrë Tiranën si qytetin më të ndotur. Gjithashtu, Rama bëri me dije se "në projektet tona do të marrim masa për lehtësimin e transportit publik si dhe për kategorizimin e transportit rrugor.
Kështu aktualisht janë futur krahas 40 autobusave të vjetër edhe 182 autobusa të rinj për linjat e transportit publik, si dhe janë shtuar disa linja të reja". Ndërsa në lidhje me strehimin, Rama premtoi, se "në 5‑vitet e ardhshme do të zgjidhet problemi i strehimit për rreth 3 mijë vetë, që do të arrihet nëpërmjet ndërtimit të banesave sociale me kosto të ulët, banesa me qera të ulët, me qera normale si dhe nëpërmjet subvencionit të qerasë për shtresat në nevojë".
Njëkohësisht, në projektin që prezantoi Rama, përfshihej një skemë të re për menaxhimin e ujësjellës‑kanalizimit në momentin që kjo ndërmarrje do të kalojë në varësi të plotë të bashkisë. Ndërsa duke shpjeguar skemën elektronike, me anë të të cilës kryhen proçedurat për ankesat dhe kërkesat e popullit pranë bashkisë, Rama bëri me dije se "në lidhje me dhënien e lejeve të ndërtimit pritet që së shpejti të futen në sistem elektronik proçedurat për aplikimin e lejeve të ndërtimit, duke synuar kështu uljen e abuzimeve në këtë drejtim".
Arsimi
Kandidati socialist, Edi Rama pranoi faktin se përgjatë këtyre viteve nuk është bërë sa duhet në drejtim të shërbimeve sociale, por nga ana tjetër, ai hodhi poshtë akuzat e kundërshtarëve të tij politikë, sipas të cilëvë nuk janë ndërtuar shkolla dhe kopshte të reja. Kështu, ndalur në projektet për arsimin, Rama u shpreh se "në këto 6 vjet janë ndërtuar dhe rikonstruktuar shumica e shkollave, ndërkohë që është futur për herë të parë nga bashkia e Tiranës sistemi i ngrohjes qëndrore".
Gjithashtu, sipas tij, nga bashkia e Tiranës trajtohen me bursë rreth 3016 nxënës. "Në projektet e ardhshme do të mundësojmë që në vitin 2009 të kemi vetëm 30 nxënës për çdo klasë, premtojmë përmirësimin e kushteve në shkolla, ndërtimin e 10 shkollave të reja dhe rikonstrukturimin e 30 të tjerave, ndërkohë që do të ndërhyhet në të gjitha kopshtet dhe çerdhet", u shpreh kreu aktual i bashkisë së kryeqytetit.
Po kështu, në sistemin arsimor parauniversitar si dhe në çerdhe e kopshte, sipas tij, janë përfshirë punonjës socialë dhe psikologë. Ndërkohë që premtoi ngritjen e qendrave komunitare të përkujdesjes për të moshuarit, për fëmijët dhe familjet në nevojë.
E Enjte 1 shkurt 2007
--------------------
Pershendetje
Denonco kėtė mesazh tek moderatorėt | IP: e regjistruar
|