sarandaebukur
Veteran ne forum
Regjistruar: 21/06/2003
Vendbanimi: New-York
Mesazhe: 817
|
Olldashi u pagua 2 milione dollare
Autori i Lajmit:
Mo.Ro.
Nga 1 milionë dollarë për secilin. Kjo është shuma që brenda PD flitet se është marrë nga Olldashi për të siguruar rikandidimin e kryekomunarëve të Farkës e Kasharit
Tiranë- Zbardhet një pjesë e burimeve të financimit të fushatës për kandidatin demokrat për bashkinë e kryeqytet, Sokol Olldashi. Paratë janë siguruar brenda për brenda Partisë Demokratike, por aspak për arsye solidariteti me kandidatin e Tiranës dhe as për zemërgjerësi. Flitet se motivet kanë qenë krejtësisht të tjera.
C'thuhet në PD dhe stafet e sekserëve
Brenda Partisë Demokratike janë të fortë zërat që konfirmojnë një pazar të vogël të kryetarëve të komunave të Kasharit dhe Farkës. Moszgjedhja e tyre sërish nga strukturat dhe forumet e partisë për të rikandiduar, ka bërë që kryekomunarët të provojnë tundimin dhe joshjen me 1 milionë dollarë secili. Thuhet se personi që i kanë bërë ofertën ka qenë pikërisht kandidati demokrat për bashkinë e Tiranës, Sokol Olldashi, mbase duke përfituar nga dëshira e këtij të fundit për të siguruar sa më tepër para për fushatë. Flitet se shuma e ofruar ka qenë bindëse për kandidatin dhe ky më pas ka ndërhyrë më lart, për të siguruar mbështetjen e krerëve si dhe të kryesisë për rikandidimin e kryetarëve të komunave të Kasharit dhe të Farkës.
Nuk u rikandiduan nga strukturat
Kryetari i komunës së Kasharit, Faik Fejzo dhe kryetari i komunës së Farkës, Fatbardh Plaku nuk janë zgjedhur nga strukturat e Partisë Demokratike për të rikandiduar për një mandat tjetër. Brenda partisë thuhet se më shumë se vullnet i strukturave, ky ka qenë një vendim që është marrë nga sipër për të ndikuar edhe tek nëndegët e PD në Farkë dhe Kashar. Madje flitet se vendimi ka qenë i prerë nga ana e vetë kryetarit të partisë, në kohën kur nisi përzgjedhja e kandidaturave për zgjedhjet e pushtetit vendor.
Korrupsioni qe shkaku
Abuzimi me tokat, por edhe lejet e ndërtimit dhe një sërë shkeljesh të tjera kanë patur për autorë pikërisht dy kryekomunarët e Farkës dhe Kasharit. Madje në këto vite rastet kanë qenë kaq të shumta dhe të denoncuara, por asnjëherë nuk janë marrë masa kundër veprimtarisë së jashtëligjshme të tyre. Rastet e shpeshta të abuzimeve ia kanë kaluar madje edhe problemit që pak kohë më parë u denoncua edhe në komunën e Golemit, ku një tjetër përfaqësues demokrat i pushtetit vendor përfundoi i arrestuar në flagrancë për abuzim dhe shpërdorim të detyrës. Pikërisht këto raste të korrupsionit, të denoncuara edhe në komunat e Farkës dhe Kasharit, kanë cuar kryesinë e Partisë Demokratike në marrjen e vendimit për të mosrikandiduar më emrat e kryetarëve aktualë.
Asnjë kontroll për dy komunat
Edhe pse janë përfolur për raste korrupsioni, shkeljesh dhe abuzimi me ligjin, as komuna e Farkës dhe as ajo e Kasharit që kanë disa mandate që qeverisen nga përfaqësues demokratë nuk i janë nënshtruar për asnjë herë të vetme një kontrolli. As që nga nisja e qeverisjes kundër korrupsionit, sic thuhet se është ajo e Berishës. Madje ky i fundit mori vendim për të ndalur masakrën urbane që po bëhej në komunën e Dajtit, e cila gjithashtu qeveriset nga PD, por nuk mori përsipër të bënte dot asgjë për komunën e Farkës dhe Kasharit. I bindur se në këto dy komuna ka shumë pak për t'u bërë për të vënë në zbatim ligjin, pas gjithë atij korrupsioni ku janë zhytur dy kryetarët aktualë.
U gjet Olldashi
Nëse nuk do të kishte qenë kandidati për bashkinë e Tiranës, Sokol Olldashi dhe nevoja e tij për të bërë sa më shumë para për fushatë, mbase kryetarët e komunave të Farkës dhe Kasharit nuk do të ishin në listën e kandidatëve për drejtues të pushtetit vendor për një mandat tjetër. Të paktën kjo flitet nëpër stafet e sekserëve që pohojnë të sigurt se shuma prej 1 milionë dollarësh që i ka dorëzuar secili prej tyre Olldashit, kanë bërë që ky i fundit të thotë një fjalë të mirë tek kryetari i partisë, që ky të përfshijë në listën e kandidatëve këta emra. Dhe skema ka funksionuar në mënyrën më të mirë.
Kryesia e PD vendosi e fundit
Edhe pse kryesia e Partisë Demokratike duhet të ishte e para ajo që do të vendoste për emrat e personave që do të kandidonte apo rikandidonte nëpër bashkitë dhe komunat e vendit, në rastin e komunës së Farkës dhe Kasharit është bërë një përjashtim i vogël. Zëra brenda kësaj partie dhe pranë edhe shtabit elektoral të Olldashit thonë kryesia e PD ka vendosur e fundit për emrat e këtyre dy kryekomunarëve, për t'u dhënë një mundësi tjetër për të rikandiduar. Jo duke shpresuar në një përmirësim të mënyrës së tyre të qeverisjes, por sepse dy kryetarët kanë kaluar më parë në sportelin e fushatës së Olldashit ku kanë paguar shumat e majme. Flitet se këto do t'i bëjnë shumë punë kandidatit për bashkinë e Tiranës, i cili ka bërë jo pak shpenzime deri më tani dhe fushata ka akoma ditë deri në përfundimin e saj.
Fushata e Olldashit,milione USD shpenzime
Tiranë- Fushata e kandidatit demokrat për bashkinë e kryeqytetit, Sokol Olldashi ka kushtuar shumë deri më tani dhe fatura duket se nuk është mbyllur akoma. Të paktën jo deri në ditën e zhvillimit të zgjedhjeve, zyrtarisht. Vetëm posterat dhe spotet nëpër mediat vizive mendohet se i kanë kushtuar rreth 2 milionë dollarë Olldashit. Një shumë kjo që flitet se është kompensuar shpejt e shpejt tek paratë e shpenzuara të kandidatit dhe këto thuhet se kanë mbërritur pikërisht nga dy kryetarët e komunave të Kasharit dhe të Farkës, që kanë zgjedhur të bëjnë një "xhest solidariteti" për Olldashin, por që kishte për qëllim më shumë se kaq. Financimi i fushatës së tij, u ka siguruar të dyve rikandidimin, për të cilin ishin humbur shpresat për shkak të modelit të keq të qeverisjes së tyre, pasqyrë e Partisë Demokratike. Ndërsa Olldashit i ka siguruar kthimin e disa milionave të shpenzuara.
Pse nuk ka ujë të pijshëm në Tiranë?!
Tiranë- Përgjigjet me siguri që nuk mund t'i presim nga kandidati demokrat për bashkinë e Tiranës, edhe pse ky për ditë të tëra ka folur për ujin e pijshëm dhe strategjinë e famshme që na e prezantoi vetëm dje. Në të vërtetë, pse nuk ka ujë të pijshëm në Tiranë këtë e shpjegon vetëm aktkontrolli i bërë nga Departamenti i Berishës tek Ujësjellësi.
Vjedhje dhe abuzime i udhëheq Xhelal Mziu
Tiranë- Zbulohet i plotë akt-kontrolli i mbajtur në datë 18.10.2006 nga inspektorët e Departamentit të Kontrollit të Brendshëm Administrativ dhe Antikorrupsion në Këshillin e Ministrave. Ne do ta sjellim në vazhdim raportin që denoncon drejtorin e Ujësjellës sh.a, Xhelal Mziu si përgjegjësin për vjedhje dhe abuzime me faturë miliona lekë dëm qytetarëve dhe buxhetit.
--------------------------------
Denonco kėtė mesazh tek moderatorėt | IP: e regjistruar
|