Straniero
Anėtar Aktiv
Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442
|
Citim: Po citoj ato që tha robert
perpiqu te na sjellesh vertet pjese nga Kurani ku flitet per zbulimet e sotme shkencore, sepse une do te jem i pari qe do ta perhap me tej ate parashikim/ zbulim te asaj kohe muhamediane.
Ne mirpritje te se vertetes, une, kerkuesi i saj.
SHEROHU DUKE VIZITUAR FAREFISIN
Nuk duhet të habitemi pse mu në ajetin e parë të Kuranit, Allahu i Madhëruar e ka cilësuar vetën me dy cilësi të mëshirës, me fjalët: bismilahi rahmani rahim - në emër të Allahut, të Gjithëmëshirshmit, Mëshirëplotit (Fatiha:1). Sdo mend që me këtë synoi ta vërë në pah rëndësinë e mëshirës për besimtarin. Kush nuk mëshiron, nuk mëshirohet. Nëse dëshiron të të mëshirojë Allahu, mëshiroji ata përreth teje. Ata që e meritojnë më shumë mëshirën janë më të afërmit e tu, për këtë i Dërguari na urdhëroi ti mbajmë fort lidhjet me të afërmit.
Në këtë shkrim do të bëjmë ca vështrime rreth disa studimeve të reja shkencore, që flasin për rëndësinë e lidhjeve shoqërore, si dhe për faktin se mbyllja dhe izolimi çojnë në sëmundje të rrezikshme, si shpirtërore ashtu edhe fizike. Studiuesit e këtij lëmi pohojnë, se jeta shoqërore është shumë e dobishme për zemrën. Një studim amerikan flet se personi që nuk gëzon raporte të mira me shokët dhe anëtarët e familjes është më tepër i rrezikuar nga sëmundjet e zemrës. I madhëruar qoftë Allahu! A nuk është mu ky një detyrim me të cilin na ngarkoi Allahu para katërmbëdhjetë shekujve? Ajetet kuranore për këtë janë të shumta. I Dërguari në më shumë se një thënie theksoi, se kur një grumbull njerëzish ulen në një prej shtëpive të Allahut për të përmendur Allahun, ata rrethohen prej melaikeve, kaplohen nga mëshira dhe emrat e tyre i përmend Allahu. Këto fjalë aludojnë në braktisjen e izolimit dhe mbylljes në vetvete. Allahu i Madhëruar thotë: Përkufizoje veten tënde me ata që lusin Zotin e tyre mëngjes e mbrëmje, e që kanë për qëllim kënaqësinë e Tij, dhe mos i hiq sytë e tu prej tyre e të kërkosh bukurinë e kësaj bote dhe mos iu bind atij që ia kemi shmangur zemrën e tij prej përkujtimit ndaj Nesh dhe i është dhënë epshit të vet, pse puna e tij ka mbaruar. (Kehf: 28) Le të ndalemi së bashku dhe të meditojmë mbi formulimin e ajetit Përkufizoje veten tënde me ata që lusin Zotin e tyre këtu flitet në shumës ata që lusin Zotin, që udhëzon drejt domosdoshmërisë së afrimit me besimtarët, pastaj thotë: mos iu bind atij që ia kemi shmangur zemrën e tij prej përkujtimit ndaj Nesh këtu urdhri është në njëjës, sepse ujku ha delen që ndahet.
Vazhdojmë duke përmendur rezultatet e këtij studimi, që vërtetuan se personi i izoluar në vetvete, në gjakun e tij paraqiten simptoma të infeksionit, duke u ngritur mesatarja e katër lëndëve prej tyre interleukin 6. Këto lëndë konsiderohen sinjalizues të infeksionit, që luajnë një rol të rëndësishëm për problemet arteriosklerozale. Po i njëjti studim vjen në përfundim, se ky izolim nuk e përfshin femrën dhe se nuk ka dallim mes një femre të izoluar dhe një tjetre, që është aktive në raportet shoqërore në kontekstin e reflektimit të këtyre raporteve shoqërore ndaj sëmundjeve kardiovaskulare.
Në studim përmendet se janë përfshirë 3267 burra dhe gra nga vise të ndryshme të SHBA-së dhe mosha e tyre mesatare ishte 62 vjeç.
Së këndejmi, ndoshta mund të kuptojmë urtësinë pse Allahu i urdhëroi burrat të kryejnë namazin me xhemat, kurse gratë nuk i ngarkoi me këtë detyrim. Gruaja me natyrën e saj e do shtëpinë e vet, fëmijët e vet dhe me këtë arrin lumturinë e vërtetë në dallim me burrin, të cilin Allahu e krijoi për të rendur nëpër tokë. Mu për këtë Allahu iu drejtua grave me fjalët: Dhe rrini në shtëpitë tuaja e mos shfaqni bukurinë tuaj, si shfaqej në injorancën e hershme, falni namazin, jepni zeqatin dhe respektojeni Allahun dhe të Dërguarin e Tij. Allahu ka si qëllim që nga ju, o familje e shtëpisë (së Pejgamberit) të largojë ndyrësinë e mëkateve dhe t'ju pastrojë deri në skaj. (Ahzab: 33).
Kjo, sigurisht nuk nënkupton që gruaja duhet ti braktisë të gjitha punët e dobishme, si mësimdhënien, thirrjen në rrugë të Allahut, ngase si burri ashtu edhe gruaja janë të barabartë përballë zhvillimit të çështjeve të përgjithshme të kësaj jete, mirëpo me një dallim që natyra e femrës duron më shumë izolimin apo qëndrimin në shtëpi, se natyra e mashkullit, ngase Allahu e veçoi me detyrën e edukimit të fëmijëve, mirëmbajtjen e shtëpisë, si dhe për të gjetur burri i saj qetësinë tek ajo.
Studiues britanikë, rreth kësaj çështjeje theksojnë, se njerëzit e izoluar janë ata që anojnë më shumë nga pirja e duhanit, kanë aktivitet të mekët, shkaqe këto që shtojnë edhe më tepër rrezikun e sëmundjeve të zemrës. Erik Loks, mësimdhënës në Degën e Medicinës pranë Universitetit të Harvardit, në Boston, si dhe një pjesëmarrës i këtij studimi thotë: Analizat tona tregojnë se është më mirë për zemrën e një personi, nëse është tip shoqëror, në përgjithësi është më mirë për shëndetin e njeriut, nëse ka raporte të forta me familjen e ngushtë dhe të gjerë. Ai po ashtu duhet të ketë lidhje me shoqata shoqërore dhe fetare dhe të ketë partner në jetë.
I madhëruar qoftë Allahu! A nuk janë mu këto mësimet e Profetit të madh, lavdi dhe paqja e Allahut qoftë mbi te? A nuk na urdhëroi i Dërguari ti mbajmë lidhjet me farefisin? A nuk është ai që na urdhëroi të jemi bamirës ndaj prindërve? A nuk na urdhëroi të martohemi duke thënë Kush shmang traditën time nuk është prej nesh?! Kur ai na urdhëroi me të gjitha këto, ai deshi për ne jetën e lumtur. A nuk erdhën studiuesit në këto përfundime pas kërkimesh të shumta?
Keti Roz nga Shoqata Britanike e Zemrës thotë: Rezultatet e këtij studimi përforcojnë disa studime të mëhershme, që tregojnë se personat e izoluar janë ata që anojnë më shumë nga pirja e duhanit dhe që janë më pak aktivë, dy faktor këto që shkaktojnë sëmundjet e zemrës. Programet e kësaj shoqate për rehabilitimin e atyre, që vuajnë nga sëmundjet e zemrës ofrojnë zgjidhje, duke rritur besimin te të sëmurët dhe duke luftuar ndjenjën e vetmisë tek ata.
Shikoni pra si përpiqen ti rehabilitojnë të sëmurët, duke u munduar ti kthejnë raportet shoqërore, sepse i kanë të humbura. Shikoni sa shumë të holla harxhojnë për të arritur këtë, duke paguar mjekë e sociologë, kurse këto mësime ne i gjejmë në fenë tonë të pastër ai që ndërpret lidhjet me farefisin, nuk hyn në xhenet! Allahu për ata që ndërpresin lidhjet me farefisin, thotë: Pritet prej jush (hipokritëve), që nëse merrni sundimin (ose zmbrapseni prej fesë islame) të bëni trazira në tokë dhe të ndërpritni lidhjet e akraballëkut? Të tillët janë ata që Allahu i mallkoi, i bëri të shurdhët dhe ua verboi të parit e tyre. (Muhamed: 22, 23), po ashtu ka thënë: Dhe ata që e mbajnë lidhjen për të cilën Allahu ka urdhëruar të mbahet, që frikësohen nga Zoti i tyre dhe nga llogaria e rëndë e përgjegjësisë. (Rad: 21).
Studimi amerikan tërheq vërejtjen se depresioni e shton rrezikun e sëmundjeve të zemrës. Në universitetin Emory në Atlanta është bërë një studim, ku vërtetohet se depresioni shkakton rrahje të pasistemuara të zemrës, gjë që shkakton rrezikun e vdekjes së befasishme.
Për këtë, pra, besimtari nuk dëshpërohet asnjëherë, porse e gjen atë vazhdimisht të gëzuar me mëshirën e Allahut, Ai thotë: E mos u dobësoni (fizikisht) dhe mos u dëshpëroni (shpirtërisht), derisa ju jeni më të lartit, po qe se jeni besimtarë të sinqertë. (Ali Imran: 139), po ashtu thotë: Thuaj: "Vetëm mirësisë së Allahut dhe mëshirës së Tij le ti gëzohen, se është shumë më e dobishme, se ajo që grumbullojnë ata. (Junus: 58).
Dobitë e këtij shkrimi:
1. Besimtari mundohet ti mbajë vazhdimisht lidhjet me farefisin, të afrohet me besimtarët e devotshëm dhe njëherazi kjo është rruga e profetëve; Ibrahimi, alejhi selam, ka thënë: Zoti im, më dhuro mua urtësi dhe më bashko me të mirët! (Shuara: 83).
2. Shkenca vërteton dobitë e jetës shoqërore dhe lidhjes me të tjerët. Nga ana tjetër vërtetoi dëmet e izolimit dhe të vetmisë. Mu për këtë arsye i gjejmë mësimet islame, që e vejnë theksin mbi detyrimin e mbajtjes së lidhjeve me farefisin, përhapjes së përshëndetjes me selam dhe dashurinë për të mirën, gjersa i Dërguari thotë: Nuk ka besuar asnjëri prej jush përderisa të dojë për vëllanë atë që do për veten.
3. Izolimi shpien në depresion, madje mund ta shpjerë njeriun deri në vetëvrasje, apo vdekje të befasishme. Për këtë arsye i Dërguari na urdhëroi të martohemi duke thënë: Rini, kush ka mundësi prej jush të martohet, le të martohet! Na urdhëroi tu afrohemi të mjerëve, ti duam të varfrit, madje edhe pas vdekjes së një besimtari na urdhëroi ta përcjellim atë deri te varret!
4. Për sa i përket grave, nuk kanë ndonjë rrezik, nëse qëndrojnë në shtëpitë e tyre dhe kujdesen për fëmijët e tyre. Kjo, njëherazi vërteton edhe dallimin mes femrës dhe mashkullit. Allahu thotë: e mashkulli nuk është si femra (Ali Imran: 36). Mu për këtë arsye Allahu i urdhëroi femrat të mos përzihen me meshkujt, përpos në raste të domosdoshme brenda kufijve të sheriatit. E urdhëroi atë të mbulohet, të qëndrojë në shtëpinë e saj dhe të respektojë bashkëshortin, përpos në raste kur preferohet për femrën të dalë nga shtëpia, nëse punon si mjeke, mësuese apo ndonjë punë tjetër të dobishme për shoqërinë, me kusht që të mos dëmtohet ajo, apo të mos dëmtojë dikë tjetër.
5. Të lidhesh me të tjerët, ti ndihmosh ata, të afrohesh me nevojtarët për tu ndihmuar, është e dobishme dhe të mbron nga sëmundjet e zemrës. Për këtë arsye i Dërguari na urdhëroi ti ndihmojmë atij që ka një vështirësi, të jemi si një fortesë e lidhur mirë apo si një trup, e Allahu thotë: dhe bëni mirë, se me të vërtetë Allahu i do bamirësit (Bekare: 195).
Lusim Allahun të na bëjë prej atyre për të cilët ka thënë: Besimtarët dhe besimtaret janë të dashur për njëri-tjetrin, urdhërojnë për të mirë, e ndalojnë nga e keqja, e falin namazin dhe japin zeqatin, respektojnë Allahun dhe të Dërguarin e Tij. Të tillët do ti mëshirojë Allahu. Allahu është ngadhënjyes, i urtë. (Teube: 71).
__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli
Denonco kėtė mesazh tek moderatorėt | IP: e regjistruar
|