Forumi Horizont Forumi Horizont > Shkenca > Mjekėsia > Sherbimi mjeksor ne Shqiperi
Gjithsej 8 faqe: « 1 2 3 [4] 5 6 7 8 »   Tema e mėparshme   Tema Tjetėr
Autori
Titulli Hap njė temė tė re    Pėrgjigju brenda kėsaj teme
shelgu
-

Regjistruar: 27/11/2007
Vendbanimi: EU
Mesazhe: 8928

Citim:
Po citoj ato që tha raid
Ti flet si ne komunizem o shoku. Ku ka gje te sigurte ne kapitalizem, qofte biznes legjitim e salcice biznes jo-legjitim.
Ai qe ka aq sa te mbaje nje makine me insurance mund te beje insurance dhe per veten e tij.
Me vone, njeri bie tjetri ngrihet. Gjithmone ka nje shtrese te mesme.
Makinen e mora si shembull per te gjetur sadopak disa tregues statistikore, meqe statistika zyrtare ndoshta s'ka.

Pastaj c'lidhje ka profesioni vllau? Ja mund te kem une nje profesion shume te mire, por s'punoj se jam pertac, cfare do me thene kjo?



Ne Shqiperi nuk eshte kapitalizem o lum miku, madje ne kapitalizem ka siguri sigurisht nese luan sipas rregullave.

Problemi i profesionit eshte shume i rendesishem sepse eshte indeks statistikor. Psh> ...ne Indi, apo ne Kine e ku di une ku gjetke... po rritet shtresa e mesme, ku perfshihen keto e keto profesione.
Kur flitet per fenomene qe i perfshin nje fushe e caktuar, presupozohet qe te perdoret nje terminologji e caktuar.

Denonco kėtė mesazh tek moderatorėt | IP: e regjistruar

Mesazh i vjetėr 20 Mars 2012 15:15
shelgu nuk po viziton aktualisht forumin Kliko kėtu pėr Profilin Personal tė shelgu Kliko kėtu pėr tė kontaktuar me shelgu (me Mesazh Privat) Kėrko mesazhe tė tjera nga: shelgu Shto shelgu nė listėn e injorimit Printo vetėm kėtė mesazh Shto shelgu nė listėn e monitorimit Ndrysho/Fshij Mesazhin Pėrgjigju Duke e Cituar
raid
Veteran ne forum

Regjistruar: 01/02/2012
Vendbanimi:
Mesazhe: 1139

Natyrisht qe profesioni eshte nje indeks statistikor, ashtu sic eshte edhe sa vete dijne te luajne tavell, apo sa vete dijne anglisht, por nuk tregojne gje per shtresen e mesme.
Sigurisht qe po te lodhesh shume, mund te nxjerresh korelacione midis shtreses se mesme dhe profesionit, apo shtreses se mesme dhe numrit te popullsise urbane etj, por nuk jane statistika te drejperdrejta.

Shtresa e mesme matet me nje tregues te thjeshte "sasia e te ardhurave" dhe pike. Pse qenka kaq e veshtire per t'u kuptuar? Ne qe po diskutojme nga do e kuptojme se kush eshte shtrese e mesme dhe kush jo? Indicacionet duhet te jene te prekshme dhe jo teorike. Une permenda ata qe kane makine. Mund te thuash, ata qe kane blere shtepi. Mund te thuash ata qe punojne neper banka/insitucione etj etj.

Per specifikat qe ka Shqiperia dikush mund te jete ne shtrese te mesme sepse ka dy djem emigrante, dikush tjeter ka shitur nje toke dhe per 10 vjet ka vendosur t'i harxhoje te gjitha parate, dikush tjeter vjedh zhavorr dhe parashikon qe nuk e levizin nga vendi se e ka mire edhe me Salen edhe me Edin, se i paguan nje kuote, dikush tjeter ka nje pune ne banke, dikush ka nje klub.

Mos u beni kaq nihiliste o njerez, s'ka asgje, cdo gje eshte tmerr etj etj. Shtrese te mesme ka dhe po formohet dhe do te forcohet paralelisht me demokracine. Mireqenia e njerezve eshte rritur dhe do rritet. Stabiliteti i vendit do beje te veten. Pastaj nqs do besh platforme per shendetin duhet ta besh ate per 20-30 vitet e ardhshme, ku pretendohet qe kjo shtrese do vije vetem duke u rritur.

Kjo eshte llogjike e thjeshte ekonomike, moralizimet (jo vjedhje e me the te thash) jane te panevojshme ne kete diskutim.

__________________
mir..

Denonco kėtė mesazh tek moderatorėt | IP: e regjistruar

Mesazh i vjetėr 20 Mars 2012 16:04
raid nuk po viziton aktualisht forumin Kliko kėtu pėr Profilin Personal tė raid Kėrko mesazhe tė tjera nga: raid Shto raid nė listėn e injorimit Printo vetėm kėtė mesazh Shto raid nė listėn e monitorimit Ndrysho/Fshij Mesazhin Pėrgjigju Duke e Cituar
shelgu
-

Regjistruar: 27/11/2007
Vendbanimi: EU
Mesazhe: 8928

Citim:
Po citoj ato që tha raid
Natyrisht qe profesioni eshte nje indeks statistikor, ashtu sic eshte edhe sa vete dijne te luajne tavell, apo sa vete dijne anglisht, por nuk tregojne gje per shtresen e mesme.
Sigurisht qe po te lodhesh shume, mund te nxjerresh korelacione midis shtreses se mesme dhe profesionit, apo shtreses se mesme dhe numrit te popullsise urbane etj, por nuk jane statistika te drejperdrejta.

Shtresa e mesme matet me nje tregues te thjeshte "sasia e te ardhurave" dhe pike. Pse qenka kaq e veshtire per t'u kuptuar? Ne qe po diskutojme nga do e kuptojme se kush eshte shtrese e mesme dhe kush jo? Indicacionet duhet te jene te prekshme dhe jo teorike. Une permenda ata qe kane makine. Mund te thuash, ata qe kane blere shtepi. Mund te thuash ata qe punojne neper banka/insitucione etj etj.

Per specifikat qe ka Shqiperia dikush mund te jete ne shtrese te mesme sepse ka dy djem emigrante, dikush tjeter ka shitur nje toke dhe per 10 vjet ka vendosur t'i harxhoje te gjitha parate, dikush tjeter vjedh zhavorr dhe parashikon qe nuk e levizin nga vendi se e ka mire edhe me Salen edhe me Edin, se i paguan nje kuote, dikush tjeter ka nje pune ne banke, dikush ka nje klub.

Mos u beni kaq nihiliste o njerez, s'ka asgje, cdo gje eshte tmerr etj etj. Shtrese te mesme ka dhe po formohet dhe do te forcohet paralelisht me demokracine. Mireqenia e njerezve eshte rritur dhe do rritet. Stabiliteti i vendit do beje te veten. Pastaj nqs do besh platforme per shendetin duhet ta besh ate per 20-30 vitet e ardhshme, ku pretendohet qe kjo shtrese do vije vetem duke u rritur.

Kjo eshte llogjike e thjeshte ekonomike, moralizimet (jo vjedhje e me the te thash) jane te panevojshme ne kete diskutim.



O miku problemi me Shqiperine nuk eshte kaq i thjeshte. Sigurisht qe do kete te ardhme, sic mund te bjere edhe nje meteor ne Arizona. Puna eshte pse praktikisht te ardhurat e familjeve jane te pakontrrollueshme.
Ti shikon nje fshatar me makine dhe mendon se ai ka para. Ai do te quhej i pasur nese blinte autokombajne, rpa ato parate e fituara i perdorte per te prodhuar.

Ky eshte nje nga shembujt e shumte qe mund te kapesh per te treghuar pasigurine dhe cudine shqiptare.

Shqiperia ka 30% pensioniste te cilet nuk kane mundesi te paguajne siguracion dhe 30% nen moshen 20 vjet qe po ashtu nuk paguajne dot siguracion.
Papunesia eshte ne shifra nga me te lartat ne bote(ketu nunk duhen futur ata qe punojne per shtetin sepse kjo pjese e popullsise ha para dhe nuk prodhon.

Pra nga do dalin parate per siguracionet? Une jam sigurisht me ate qe po nuk pagove kur je i shendoshe, nuk ka sesi te kesh para kur semuresh, por ne kete gjendje qe eshte Shqiperia....

Denonco kėtė mesazh tek moderatorėt | IP: e regjistruar

Mesazh i vjetėr 20 Mars 2012 19:46
shelgu nuk po viziton aktualisht forumin Kliko kėtu pėr Profilin Personal tė shelgu Kliko kėtu pėr tė kontaktuar me shelgu (me Mesazh Privat) Kėrko mesazhe tė tjera nga: shelgu Shto shelgu nė listėn e injorimit Printo vetėm kėtė mesazh Shto shelgu nė listėn e monitorimit Ndrysho/Fshij Mesazhin Pėrgjigju Duke e Cituar
raid
Veteran ne forum

Regjistruar: 01/02/2012
Vendbanimi:
Mesazhe: 1139

Mire o gote gjysem-bosh mire.

__________________
mir..

Denonco kėtė mesazh tek moderatorėt | IP: e regjistruar

Mesazh i vjetėr 20 Mars 2012 20:49
raid nuk po viziton aktualisht forumin Kliko kėtu pėr Profilin Personal tė raid Kėrko mesazhe tė tjera nga: raid Shto raid nė listėn e injorimit Printo vetėm kėtė mesazh Shto raid nė listėn e monitorimit Ndrysho/Fshij Mesazhin Pėrgjigju Duke e Cituar
~Enigme~
Simplexity

Regjistruar: 08/10/2005
Vendbanimi: My soul
Mesazhe: 4073

Autori - Elton Spahiu

Dje në mëngjes më rastisi të lexoj një artikull që quhej “Rini Kafenesh“. E kish shkruar një vajzë e moshës time (rreth 25 vjec), që ishte e shqetësuar për orët e tepruara që rinia shqiptare shpenzon duke pirë kafe. Nuk e kish keq zonjusha. Ne shqiptarët, por edhe ballkanasit në përgjithësi, shpenzojnë një pjesë të madhe të kohës në kafene. Pa diskutim që ka aktivitete të tjera më interesante ku mund të përqendroheshim, por mesa duket kjo është natyra jonë dhe zor se do ndryshojë nga artikulli i zonjushës. Po dje, për cështje pune, më rastisi të vizitoj edhe një spital të ri që është hapur në Tiranë. Një investim italian serioz. Une nuk impresionohem lehtë, por kjo ishte një strukturë me të vërtetë moderne. Gjithcka ishte projektuar që në gjenezë në funksion të një kompleksi spitalor eficent. Ndihej në arkitekturë, paisje, shërbim, etj. Guidë e imja përgjate 4 kateve të këtij spitali u bë një djalosh i ri, i thjeshtë dhe komunikues. Pasi pati durimin dhe mesa vura re dhe kënaqësinë të më shpjegonte funksionin e cdo paisje, filloi të më fliste për mjekët që punonin aty. Ishin ekskluzivisht mjekë italian që mesa kuptova janë figura të njohura në fushat e tyre në Itali.
Diku në katin e tretë të spitalit më lindi një pyetje: Nqs në të gjitha spitalet private punojnë vetëm mjekë të huaj, cndodh me studentët shqiptarë që diplomohen në mjekësi? Sidomos së fundmi kur numri i tyre është i dyfishuar për shkak se përvec universitetit publik të mjekësisë ekziston dhe një tjetër privat. Si arrijnë ata të krijojnë eksperiencën e duhur nqs nuk gjejnë hapësira në strukturat spitalore vëndase? Këtë shqetësim e ndava me guidën time që më rrëfeu se ishte student i vitit të fundit në mjekësi. Kjo shpjegonte dijet e tija të thelluara për paisjet dhe entuziazmin e të folurit për to. Duhet të isha në mësim tani më rrëfeu ai, por kam zgjedhur që të qendroj në spital. Si ndihmës, si guidë, si pastrues, si asistent, si recepsionist. Do bëja gjithcka për të qendruar në spital pasi është e vetmja mënyre “për të vjedhur zanatin”. Dhe kjo nuk është një e vërtetë që i përket vetëm Shqipërisë. Në cdo vend të botës “do prapanicë” të bëhesh mjek. Do aftësi, por mbi të gjitha do dëshirë dhe vullnet. Duhet të shpenzosh netë e netë të tëra në spital, madje vite, i pa paguar, në mënyre që të bëhesh mjek. Ndërsa, nëse do të bëhesh një mjek i mirë, atëherë duhet të “jetosh” në spital. Brezi im këtë s'e ka kuptuar. Mendon se shkolla është mjaftueshëm dhe janë aq komod në bankat e tyre sa luten që kjo të zgjasë përgjithmonë. Jo vetëm që nuk përtojnë të studiojnë ata libra voluminozë, por bëjnë të pamundurën që pas shkollës të bëjnë cfarëdolloj specializimi tjetër me po aq libra voluminozë, vetëm që ti qendrojnë larg spitalit sepse spitalin ato nuk e duan. E vetmja gjë që duan është të mbajnë duart larg të sëmurëve.
Papritmas mu kujtua shkolla ime e Regjisë së Filmit. Studentët aty dashurojnë librat dhe kanë për borxh të paguajnë me mijëra euro kurse jashtëshkollore në Angli, Itali, etj, vetëm për të larguar sa më shumë ditën kur do kenë përgjegjësinë e krijimit të një vepre filmike. Nuk kanë as më të voglën dëshirë për të xhiruar dicka jashtë detyrave shkollore. Madje, kanë alergji nga kamera. Mu kujtua gjithashtu shprehja e një profesorit tim që sa herë kjo temë hapej, thonte: Bicikleta nuk mësohet po si hype sipër dhe as noti po su fute në uje. Pra, nqs do të mesosh një zanat, duhet ta praktikosh atë dhe nëse je i dashuruar me drejtimin që ke zgjedhur në jetë, llogjika ta do qe mezi pret për ta ushtruar.
Të përkëdhelur nga prindër që kanë vuajtur mungesa të thella në rininë e tyre, brezi im po rritet me lluksin për të mos bërë asgjë. Jo vetëm që nuk i shtyn askush drejt “bërjes së duarve pis” në zanatet e tyre, por madje stimulohen që të studiojnë gjithë jetën. Jo më kot sot shikon një boom studentësh jashtë shtetit që 3 vite shkolle i bëjnë për 10 (e ndërkohë prindërit mburren) dhe një boom masterash që nuk dihet se për cfarë shërbejnë. Eshtë gjithcka produkt i një shoqërie që ka harruar të jetë e dashuruar me atë që bën sepse edhe zgjedhjen e profesionit të jetës nuk e bën mbi cfarë ka talent apo dëshirë, por mbi cfarë sjell më shumë para. Ja pse kemi një pafundësi juristësh e ekonomistësh të rinj, por nuk gjejmë dot hidraulikë e mekanikë.
Duke ju rikthyer artikullit të zonjushës për rininë e kafeneve, unë nuk do të isha dhe aq i shqetësuar. Le të pijnë kafe se mbase zgjohen. Madje, le të rrinë në kafene gjithë ditën. Mjafton të kuptojnë që të qenurit studentë nuk është një vizë për të qënë turist i përjetshëm në jetë. Të qenurit studentë është vetëm fara e frutit që ti do të bëhesh. Ujitjen ama duhet ta bësh vetë!

__________________
Fillimi i nje ngjarje, ku shpaloset ne kohe por lind jashte asaj, eshte njekohesisht perfundimi.

Denonco kėtė mesazh tek moderatorėt | IP: e regjistruar

Mesazh i vjetėr 27 Korrik 2012 03:31
~Enigme~ nuk po viziton aktualisht forumin Kliko kėtu pėr Profilin Personal tė ~Enigme~ Kliko kėtu pėr tė kontaktuar me ~Enigme~ (me Mesazh Privat) Vizito faqen personale tė ~Enigme~'t! Kėrko mesazhe tė tjera nga: ~Enigme~ Shto ~Enigme~ nė listėn e injorimit Printo vetėm kėtė mesazh Shto ~Enigme~ nė listėn e monitorimit Ndrysho/Fshij Mesazhin Pėrgjigju Duke e Cituar
shelgu
-

Regjistruar: 27/11/2007
Vendbanimi: EU
Mesazhe: 8928

Vertet nje koment i thelle dhe interesant.

Une mendoj qe sjellja e individit ne shoqeri kushtezohet kryesisht nga vete shoqeria. Vecse duhet thene qe Shqiperia eshte nje vend qe cfaq paradokse vazhdimisht. Duhen shume kohe qe jeta te rrjedhe ne kanale normale. Fatkeqesisht keto kanale nuk kane ekzistuar asnjehere ne forme natyrale. Ne kemi qene te detyruar qe te bonifikojme strukturat irrigatore te jetes, ne vartesi te zhvillimeve perkatese. Praktikisht, ne kohen e Enverit, jeta rridhte ne ato kanale qe te detyronte sistemi dhe per hir te faktit, ishin krejt artificiale, jo te natyrshme, prandaj edhe deshtuan. Por keshtu ka qene me Shqiperine qe shume shekuj me pare, qe ne kohen e Bizantit, otomanise, Italise etj, Ishin te tjeret qe na detyronin te jetonim ne menyre jo te natyrshme, jo konform prirjeve biologjike e sociale.

Mesova se ne shqiperi taksa per ushimet eshte ne shifrat rreth 20%. Nuk e di nese kjo eshte e sakte, por nese eshte e vertete, eshte nje paradoks fiskal.
Persa i takon edukimit shkollor, mendoj qe hapja e universiteteve private eshte drama me e rende ne shkollen shqiptare. Nuk kam asgje kunder universitetit privat, por per kushtet e shqiperise eshte i papranueshem dhe sigurisht artificial. Njesoj sikur te montosh nje motor rakete ne nje fiat. Vertet mund te ece por rendimenti eshte shume i ulet.
Keshtu edhe me produktin e shkollave te tilla profesionale private.
Ndryshon puna me gjimnazet private rrenjesisht, sidomos kur financohen nga OJP.
Drama me mjeksine vazhdon.

Denonco kėtė mesazh tek moderatorėt | IP: e regjistruar

Mesazh i vjetėr 27 Korrik 2012 13:25
shelgu nuk po viziton aktualisht forumin Kliko kėtu pėr Profilin Personal tė shelgu Kliko kėtu pėr tė kontaktuar me shelgu (me Mesazh Privat) Kėrko mesazhe tė tjera nga: shelgu Shto shelgu nė listėn e injorimit Printo vetėm kėtė mesazh Shto shelgu nė listėn e monitorimit Ndrysho/Fshij Mesazhin Pėrgjigju Duke e Cituar
NS-6
Mnemonic

Regjistruar: 16/01/2005
Vendbanimi: Raccon City
Mesazhe: 3634

__________________
Kurre mos debato me nje idiot!Njerezit mund te mos e bejne dallimin! (Ligj i Marfit)
Think Different!Think Again! (National Geographic Channel)

Denonco kėtė mesazh tek moderatorėt | IP: e regjistruar

Mesazh i vjetėr 27 Korrik 2012 13:28
NS-6 nuk po viziton aktualisht forumin Kliko kėtu pėr Profilin Personal tė NS-6 Kliko kėtu pėr tė kontaktuar me NS-6 (me Mesazh Privat) Vizito faqen personale tė NS-6't! Kėrko mesazhe tė tjera nga: NS-6 Shto NS-6 nė listėn e injorimit Printo vetėm kėtė mesazh Shto NS-6 nė listėn e monitorimit Ndrysho/Fshij Mesazhin Pėrgjigju Duke e Cituar
~Enigme~
Simplexity

Regjistruar: 08/10/2005
Vendbanimi: My soul
Mesazhe: 4073

Degjova se do jepen sherbime falas apo me cmime te reduktuara (psh. sherbimin a dializes) sipas nje ligji te ri per sigurimet shendetesore qe do te hyje ne fuqi vitin tjeter per ata qe jane te siguruar.

Duke kerkuar per ndonje te re per menaxhimin dhe financimin per sistemin spilator publik, me doli kjo analize nga Tritan Shehu e shkruar ne 2010. Mu duk e pershtatshme ta shtoj ketu, pasi jep kendveshtrimin qe eshte bere dhe nga te tjere ne forum se kalimi drejt tregut te shendetit eshte i domosdoshem per te sjelle permiresime.

********

Ndryshimet në Shqipëri janë të mëdha në një kohë relativisht të shkurtër. Kalimi nga një sistem krejt i centralizuar, në atë ku dominon ekonomia e tregut, është padyshim arritja jonë më e madhe. Në këtë rrugë, ndryshimet në sistemin ekonomik kanë qenë gjeneratori i lëvizjeve të tjera edhe në sektorët social. Por këtu jo gjithmonë ka ritme të njëjta apo paralelizma absolute.

Megjithatë, gjithmonë duhet të dominojë një korelacion i drejtë midis tyre, si në rritëm dhe në kahe. Kjo ndërlidhje forcohet kur kuptojmë se elementët e ekonomisë së tregut me ato sociale, kthehen në një konglomerat, që shpesh është vështirë për t’u ndarë. Aq është e vërtetë kjo, sa tashmë gjithmonë e më shpesh po flitet për sistemin e ekonomisë sociale të tregut në tërësi. Këtë realitet e kanë përmendur shumë personalitete, nga të cilët dëshiroj të përmend Papa Vojtila, i cili që në vitet e para të fillimit të rënies së komunizmit tërhoqi vëmendjen për elementët socialë, qe duhet të forcohen në një ekonomi tregu.

Sistemi Shëndetësor është në themel social. Ai duhet programuar ne këtë kontekst. Megjithatë, me këtë nuk dëshiroj të them që ky sistem, i konsideruar social, mund të funksionojë jashtë ligjeve të ekonomisë së tregut dhe iniciativës së lirë. Absolutisht jo, se kështu do të bllokohej e do të dështonte, në një vend ku dominon iniciativa e lirë, duke krijuar një kontradiktë shkatërruese për atë vetë. Përkundrazi, përputhja me realitetin, krijimi i tregut të shëndetit janë kushte themeltare për zhvillimin dhe të sistemit të Shëndetësisë tashmë. Kjo realizohet duke integruar e forcuar elementët e tregut me ato social.

Vetë sistemi shëndetësor është një sistem, që ofron një shërbim publik, pavarësisht nga format e pronësisë dhe të menaxhimit mbi atë. Ai është sistemi më i komplikuar, që ekziston dhe në çdo formë të tij është i ndërthurur me elementë e politika sociale. Dimensionet, shtrirja dhe format e tyre varen nga niveli ekonomik i vendit, mënyra e organizimit politiko-administrativ, vizioni politik, ndërtimi struktural i atij sistemi etj. Kjo nuk mund të ndahet edhe nga cilësia e shërbimit shëndetësor të ofruar, për një kosto të caktuar nga vetë ky sistem, pra nga rentabiliteti e efikasiteti i tij.

Reforma Shëndetësore, me gjithë kompleksitetin e saj, ka akoma si objekt kryesor në menaxhim, përshtatjen e sistemit shëndetësor me realitetin e ri të ekonomisë së tregut. Kjo duhet të shpjerë në rritjen cilësisë e larmishmërisë së shërbimeve dhe përmirësimin e efikasitetit të financimeve.

Në vendin tonë, që prej vitit 1992 po punohet në këtë drejtim. Gjatë kësaj rruge ndryshimesh disa sektorë kanë bërë një evolucion të dukshëm cilësor, pikërisht se janë bazuar mbi ndryshime te përputhshme me ecurinë e vendit. Kështu dua të përmend atë stomatologjik, farmaceutik, ISKSH, zhvillimet me mjekun e familjes etj. Ndërsa sektorë të tjerë, që nuk kanë arritur të adaptohen akoma me realitetin tonë të ri, nuk po arrijnë të kenë indekse të tilla.

Në radhë të parë këtu behet fjalë për sistemin spitalor publik, i cili pavarësisht nga disa progrese, vazhdon të jetë i mbërthyer nga konceptet e centralizuara të financimit e menaxhimit, e justifikuar kjo dhe me politika proteksioniste ndaj tij. Në realitet, ky është shkaku kryesor që te ne mungon tregu i shëndetit. Për pasojë nga kjo “sëmundje” vuan tërë sistemi, qoftë ai publik apo ai jo publik, parësor apo spitalor. Pengesat edhe të pjesshme, shpesh krijojnë vështirësi globale zhvillimi. Ndërsa politikat proteksioniste, dëmtojnë afatgjatë konsolidimin edhe të sektorëve, për të cilët ato zbatohen.

Pra objektivi dhe rrugët e ecurisë së reformës, veçanërisht në aspektet menaxheriale e të formave të financimit të sistemit, synojnë të rrisin cilësinë e shërbimit për një kosto te dhënë. Linjat e saj duhet të ndjekin linjat e përgjithshme të zhvillimit të vendit. Kjo nuk mund të realizohet jashtë kontekstit të ekonomisë së tregut e iniciativës së lirë. Vetëm një strategji e tillë do të përmirësonte efikasitetin e shpenzimeve të sotme në Shëndetësi, apo të atyre, që do të shtoheshin nesër.

Në këtë ecuri nuk mund të ketë modele reformash të gatshme për t’u implementuar, sado të suksesshme të kenë qenë ato në vendet e tyre. Modelet janë vetëm orientative, të përafërta, të një realiteti të caktuar. Implementimi i tyre duhet bërë në mënyrë krijuese e zhvilluese nga ne, në realitetin tonë. Një reformë e tillë, përmirësuese e këtyre indekseve bazë, do të krijonte premisa me reale edhe për politika sociale më aktive.

Pjesë të Politikës së Majtë tentojnë jo rrallë, që të mistifikojnë dhe ndajnë aspektin social të shërbimit e reformës, nga domosdoshmëria e zhvillimit të tyre në hapësirat e rregullat e tregut. Në fakt, këto pengojnë reformat e vërteta.

Ato perceptojnë në fund të fundit atë, që në një vend të ndërtohen dy sisteme, një i ekonomisë së lirë dhe një shëndetësor, i bazuar ky tërësisht mbi karakteristika sociale. Kjo nuk mund të ketë sukses afatgjatë. Ky do të ishte vetëm një model gënjeshtër, që i takon ekonomive të centralizuara. Ai arrin kulmin me absurditetin komunist se “shëndetësia është falas”.

Ne e kemi përjetuar këtë mashtrim. Fatkeqësisht të tilla modele virtuale sociale ngelin në përfytyrimin e njerëzve, që vijnë nga shoqëri të tilla dhe për shumë kohë mbasi ato janë përfshirë në ekonominë e tregut, duke frenuar progresin.

Mekanizmi i Financimit të sistemit është ai që vuan me tepër në nivele të tilla menaxhuese, të cilat nuk sigurojnë dot rentabilitet të lartë të shpenzimeve. Pra rritja e drastike e tyre nuk do të ishte e justifikueshme në një situatë të tillë. Nga ana tjetër vetë mekanizmat e financimit mund te bëhen nxitëse apo frenuese, për ecurinë e ndryshimeve.

Kështu rritjet e financimeve duhet të realizohet paralel me ndryshimin e formave të financimit e menaxhimit në tërë piramidën shëndetësore, si elementi bazë i përmirësimit të këtyre indekseve.

Që në vitin 1993 ne kemi zgjedhur sistemin miks të financimit për sistemin tonë shëndetësor: 1-nga kontributet direkt të popullsisë, 2-nga taksimi i përgjithshëm 3- nga pagesat direkte, që sot janë zakonisht plotësuese në sistemin publik dhe të plota në atë jo publik. Në perspektivë ky është një sistem i përafërt me atë Bismark. Aktualisht kontributet direkte janë të ulëta, vetëm 3,4%, të ndara 1,7% nga i punësuari dhe 1,7% nga punëdhënësi.

Pjesa tjetër mbulohet nga taksimi i përgjithshëm e pagesat direkte. E gjithë kjo kap 3% te GDP. Po të llogarisim këtu edhe pagesat për sistemin privat si dhe ato ilegale në atë publik, sipas Bankës Botërore, financimi për Shëndetësinë kalon në rreth 7% të GDP. Pra, ka një financim të pranueshëm të sistemit, por me një komponent të dukshëm dhe një të padukshëm të tij.
Rëndësi ka që pjesa dërmuese të dali mbi sipërfaqe, të mund të kalkulohet dhe të legalizohet, pra kështu do të minimizohet një formë korrupsioni. Për këtë kërkohet ndryshimi i formave të xhestionit dhe të financimit të sistemit, të cilat duhet të stimulojnë autonominë institucionale, zgjerimin e privatizimit në sistem, sektorin privat, krijimin e konkurrencës, interesin e vetë institucionit për t’u zhvilluar, pra në realitet krijimin e tregut të shëndetit.

Për këtë do të kontribuonte dukshëm dhe rritja e peshës specifike të kontributeve direkte, në raport me financimin nga taksimi i përgjithshëm. Kjo ë bën më transparent sistemin, i ndërgjegjëson njerëzit, që kanë paguar, duke i larguar nga gënjeshtra se shëndetësia është falas. Kjo i motivon ata të kërkojnë cilësi më të mirë dhe të mos paguajnë nën dorë për herë të dytë.


E njëjta gjë mund te thuhet edhe për shtrirjen e pagesave direkte legale, por sidoqoftë këto do të zënë gjithmonë një përqindje të vogël të financimit, në krahasim me kontributet direkte. Nga këto kontribute përjashtohen, në nivele të ndryshme, shtresat në nevojë, në baze të politikave sociale, duke u financuar nga pjesa e taksimit të përgjithshëm. Në mënyrë skematike kështu veprohet dhe sot.

Publiku e Privati, që në vitet 1992 janë përcaktuar si pjesë integrale e sistemit tonë shëndetësor. Ato janë pjesë e pasurisë sonë kombëtare, duke e bërë kështu miks sistemin tonë shëndetësor edhe për sa i përket kësaj përbërjeje. Vetë privatizimi i plotë i dy sektorëve të mëdhenj, të stomatologjisë e farmaceutikës e konsoliduan këtë element shumë të rëndësishëm zhvillues. As publiku as privati nuk duhet të konsiderohet si pjesë shtojcë apo ndihmuese. Rolet e tyre janë të ndërlidhura, alternative, përforcuese apo paralele. Kjo varet nga specifikat e veçanta të tyre, apo të vendit në tërësi.

Në fund të fundit ato janë pjesë e tregut të shëndetit dhe si të tilla kryesisht nëpërmjet tij duhet të zhvillohen. Për qytetarin nuk ka asnjë rëndësi nëse mënyra e menaxhimit është publike, private, apo mikse në një institucion shëndetësor, për atë nuk ka asnjë rëndësi si është pronësia mbi të. Për qytetarin ka rëndësi vetëm një element, raporti: kosto/cilësi shërbimi. Mos harrojmë se ky është elementi më i rëndësishëm edhe për atë që blen shërbimin në tërësi, pra për sistemin e sigurimeve, si dhe për financuesin e shumë shërbimeve apo të shumë shtresave sociale, pra për shtetin. Vetëm një këndvështrim i tillë i politikave do të jetë nxitës i rritjes së cilësisë së shërbimit, i rritjes së eficiencës së financimeve, i përmirësimit të kushteve për zhvillim, qoftë dhe të politikave sociale.

Sistemi i Sigurimeve është i domosdoshëm të zhvillohet e forcohet si mekanizëm i veçantë, pikërisht që kjo ide të marrë formën reale. Ky pa dyshim mund të konsiderohet si zemra e sistemit shëndetësor, pa të cilin nuk mund të ketë treg shëndeti, pra as kompeticion, as privat, as zhvillim e efikasitet të lartë financimesh. Për këto arsye, që në vitin 1993 ky mekanizëm, megjithëse rudimental atëherë, u programua në vendin tonë si blerësi i shërbimeve shëndetësore e mjekësore.

Asnjë makinë nuk mund të lëvizë pa motorrin e saj. Te ne, aktualisht, ky motor përbëhet vetëm nga ISKSH. Karburantin ky institut, pra financimet, i merr nga kontributet direkte dhe nga taksimi i përgjithshëm nëpërmjet buxhetit të shtetit. Duhet të ketë një apo disa institute të tilla? Ky është një diskutim i ndryshueshëm në kohë. Për momentin, unë mendoj se te ne duhet një institut bazal publik, ai që është, dhe institucione të tjera private plotësuese. Nesër gjërat mund të ndryshojnë. Por një gjë është e sigurt, për të realizuar këtë rol të blerjes së shërbimeve, për tu krijuar tregu i shëndetit, duhen indekset e kostos.

Indekset e Kostos, duhet të jenë të larmishme e të krijojnë një fleksibilitet objektiv në terren. Kështu ato do t’i largohen globalitetit, për t’ju afruar çdo të sëmuri me specifikat, komplikacionet e dekursin e tij. Pa këtë nuk do të ishim të saktë në blerjen e shërbimit. Këtu kërkohet domosdoshmërisht një sistem i sofistikuar e i sigurt. Në vendin tonë tashmë është qartësuar ky objektiv, duke konsideruar sistemin DRG me racionalin edhe për faktin se është më i përhapuri në hapësirën e BE, me të cilën në duhet të përputhim sistemet tona.

Për të mos tejkaluar shpenzimet, në fazën e parë të implementimit të tij, kontrolli mbi të mund t’i lihet një institucioni publik, siç është p.sh Ministria e Shëndetësisë. Më vonë kalohet drejt një institucioni indipendent, që financohet p.sh. në bazë të numrit të të sëmurëve, të cilët ai llogarit.

E rëndësishme është që ky sistem matje kostoje të jetë i njëjtë për të gjithë sistemin shëndetësor, për publikun e privatin. Vetëm kështu do të mundësohej, që nëpërmjet sistemit të sigurimeve, të financohej tërë sistemi për shërbimin që do të ofronte, publik apo privat i konvencionuar qoftë. Vetëm kështu qytetari do të kishte mundësitë të zgjidhte institucionin mjekësor që preferonte, duke u krijuar në këtë mënyrë elementët e domosdoshëm për tregun e shëndetit. Kjo do të vendoste barazinë nxitëse në vlerësim, do të stimulonte konkurrencën e domosdoshme, uljen e kostos dhe rritjen e cilësisë së shërbimit.

Vetëm kështu do të objektivizohen, përdoren e kontrollohen mirë edhe fondet e destinuara për politikat sociale, në një treg të hapur. Implementimi i këtij sistemi te ne, më i avancuar është spitali i Durrësit, kërkon rreth 4 vite. Pa dyshim në periudhën kalimtare përgatitore duhet të punohet me sisteme të ndërmjetme.

Politikat Sociale rriten paralel me vetë këtë ecuri pozitive të sistemit shëndetësor, duke ofruar nivele më të larta në cilësinë e tij. Këtu dua të përmend, se për peshën specifike që zënë politikat sociale te ne, vendi ynë është nga më socialët. Ndër sektorët me zhvillim më të shpejtë po përmend farmaceutikën e stomatologjinë, që u privatizuan që në vitin 1993.

Në fakt janë këto dy sektorë që, megjithëse janë privat e pjesë e tregut, aplikojnë politika të qarta, megjithëse të ndryshme sociale. Sistemi farmaceutik është sistemi më i elaboruar. Ai përfshin brenda tij ndërthurjen me sistemin publik, qytetarin, privatin, sigurimet, politikat sociale, diversitetin e financimeve etj. Ky ka një sistem të bazuar mbi rimbursimin nga ISKSH të sektorit privat, farmaceutikës, për shërbimin që realizon. Ky sistem u shërben njëlloj, si qytetarëve të siguruar, që paguajnë kontributet, ashtu dhe atyre, që janë të përfshirë në skemat sociale e përballohen nga buxheti i shtetit.

Sistemi stomatologjik e realizon ndryshe skemën sociale. Së pari është pjesa private e shërbimit, e cila u ofron cilësi të lartë qytetarëve. Së dyti është profilaksia, që përfshin shërbimin deri në moshën 14 vjeç. Kjo realizohet nga një sektor publik, që është i subvencionuar nga buxheti. Këtu realisht ofrohet një cilësi shërbimi shumë më inferiore se në pjesën e parë. Sektori social në farmaceutikë, i realizuar nëpërmjet privatit, funksionon shumë më mirë se sistemi social në stomatologji, që është publik.


Kjo duhet konsideruar domethënëse për mënyrën e zgjedhjes së aplikimit të politikave sociale. Është e rëndësishme të kuptohet se sistemi privat jo vetëm nuk pengon, por mund të përdoret si një instrument efikas, për të aplikuar politika sociale të suksesshme. Në po të njëjtin konkluzion arrijmë edhe po të ndjekim ecurinë e përafërt të mjekut të familjes me rimbursimin të tij nga ISKSH.

Kujdesi Parësor, është i bazuar mbi mjekun e familjes. Vitet e fundit, me futjen në skemën e sigurimeve shëndetësore, kjo është përmirësuar dukshëm. Pavarësisht nga pikat e dobëta, kjo strategji ka krijuar një lloj tregu në këtë nivel, me premisa të qarta zhvillimi e ndryshimi të mëtejshëm, n.q.s ky proces do të ecë më tej. Ndërsa në nivelin e specialistit ambulator, kemi akoma një skemë tërësisht publike, të financuar nga buxheti në strukturë, teknologji e personel.

Paralel me këtë është zhvilluar dhe një skemë tjetër paralele private, me specialistë, laboratorë, diagnostikë dhe mjekim. Kjo gjendje nuk mund të mos krijojë një situatë anormale, jashtë kontrollit si dhe me fenomene të qarta korruptive. E parë nën këtë vizion dhe duke u bazuar në një nga elementët thelbësor të tregut të lirë, që është privatizimi, mund të arrihen disa konkluzione për të ardhmen e kujdesit parësor.


Unë do të thosha se sot janë krijuar kushtet, për të mos thënë jemi të vonuar, të flasim qartësisht për një privatizim të gjerë të kujdesit parësor, për shumicën e shërbimeve mjekuese e diagnostikuese. Baza e tij tashmë, duhet të jetë profesionisti i lirë: mjeku i familjes dhe specialisti i shërbimit ambulator, të dy privatë të konvencionuar me sistemin e sigurimeve shëndetësore.

Kjo do të ulte ndjeshëm koston për buxhetin e shtetit, do të bënte të mundur që fondet të koncentroheshin për politika të mirë përcaktuara, kryesisht në depistime e profilaksi, do te stimulonte kompeticionin profesional, do te ulte informalitetin e korupsionin, do të ndërthurte më mirë mjekun e familjes me specialistin. Po kështu do të forconte tregun e shëndetit, duke përmirësuar direkt cilësinë e shërbimit etj.

Skema që u përdor për privatizimin e stomatologjisë e farmaceutikës mund të ripërdoret si model edhe tani. Politikat sociale mund të realizohen në përputhje me principet, me të cilat janë organizuar ato në sistemin farmaceutik. Politikat e veçanta, të realizuara nëpërmjet privatit, do të kenë cilësi shërbimi më të mirë, kosto kompleksive më të ulët, perspektiva me të qarta.

Spitalet, Publike apo Private, nuk mund të dalin sot jashtë principeve të ekonomisë së tregut. Ngurtësimi i spitaleve publike në buxhete fikse, mungesa e konkurrencës, mos përfshirja në treg, proteksionizmi, centralizmi etj, veçse çojnë në mos zhvillim, në parazitizëm, në fenomene korruptive të brendshme, në raporte cilësi/kosto të dobëta. Në situatën e sotme kur spitali publik, pavarësisht nga indekset, e ka të siguruar mbijetesën si pasojë e atij buxheti, ndërsa privati duhet të mbijetojë vetëm me pagesa të plota direkte nga pacientët, nuk mund të ketë treg, pra as zhvillim të sistemit.

Në këtë mënyrë krijohen kushtet që publiku të vegjetojë dhe të keq përdoret, ndërsa privati të mos zhvillohet e të kthehet në spekulativ. Ai që e pëson është qytetari. Kjo përbën pikën më të dobët të sistemit spitalor në një vend në kalim nga centralizmi i plotë në ekonomi tregu. Sa më gjatë të qëndrohet në këtë gjendje bashkëjetese sistemesh, aq më shumë do të ngadalësohet rritja e cilësisë së shërbimit, qoftë dhe për një kosto të dhënë.

Në këto kushte shpejtësia e kalimit drejt tregut të shëndetit është esenciale për përmirësime reale. Rrugë-dalja është vetëm një, përshtatja e këtij sistemi me rregullat e ekonomisë së tregut dhe futja në treg. Kësaj i shërbejnë dhe ndryshimet e fundit, që kanë për qëllim lidhjen direkte të spitaleve tona me ISKSH. Në këtë sens koncepti bazë drejt të cilit ne duhet të ecim, për të gjallëruar edhe sistemin spitalor publik, është vetëm ai i “spitalit ndërmarrje”, me të gjitha mënyrat e gestionit të tij.

Kjo do të stimulojë kompeticionin, forma të ndryshme të financimit edhe të spitaleve publike, autonominë e tyre, interesin e pushtetit vendor. Kjo do të vendoste në një rol aktiv personelin, duke i bërë të kërkojnë mënyra të reja drejtimi, përfshi dhe bashkëjetesën me privatin apo menaxhimin nga ai dhe të një institucioni publik. Ne këtë filozofi nuk mund të përjashtohet as privatizimi i disa prej tyre, që kanë indekse të ulëta e pak perspektiva në hartën publike.

Të gjitha këto do të minimizonin edhe korrupsionin. Këtu principi i cilësisë së shërbimit më të mirë për të njëjtat vlera financiare, pavarësisht formës së pronësisë apo të menaxhimit, bëhet esencial. Blerësi i këtyre shërbimeve mjekësorë është sistemi i sigurimeve shëndetësore. Kostoja e shërbimit, mbi të cilën ai do të bëhet, materializohet nëpërmjet sistemit DRG.

Ky blerës blen në këtë mënyrë shërbimin si nga spitalet publike, ashtu dhe nga ato private të konvencionuara, duke kompletuar në këtë mënyrë tregun edhe me sektorin spitalor. Përmirësimi i cilësisë së shërbimit për të njëjtën kosto, jo vetëm që do të çojë përpara këtë sektor, por do të përmirësojë dhe mundësitë për politika sociale më cilësore, për grupe të veçanta popullsie, që duhet të mbulohen nga buxheti, gjithmonë nëpërmjet sistemit të sigurimeve.

Ky Rregull zhvillimi, ashtu si është konstant dhe uniforme në përmbajtje për këto pjesë të rëndësishme të hapësirës shëndetësore, në fakt është i tillë edhe për të gjithë atë, si sistem i plotë.

__________________
Fillimi i nje ngjarje, ku shpaloset ne kohe por lind jashte asaj, eshte njekohesisht perfundimi.

Denonco kėtė mesazh tek moderatorėt | IP: e regjistruar

Mesazh i vjetėr 19 Tetor 2012 17:10
~Enigme~ nuk po viziton aktualisht forumin Kliko kėtu pėr Profilin Personal tė ~Enigme~ Kliko kėtu pėr tė kontaktuar me ~Enigme~ (me Mesazh Privat) Vizito faqen personale tė ~Enigme~'t! Kėrko mesazhe tė tjera nga: ~Enigme~ Shto ~Enigme~ nė listėn e injorimit Printo vetėm kėtė mesazh Shto ~Enigme~ nė listėn e monitorimit Ndrysho/Fshij Mesazhin Pėrgjigju Duke e Cituar
Petter
kazmolog

Regjistruar: 20/07/2009
Vendbanimi: New York
Mesazhe: 2058

Vend me cop cop se Shqiperia ne fushen e mjeksise nuk ka. Spitalet ngjane si stalle dhish. Te vdes infermjerja me duart e saj per nje dy mij leksh!!

__________________
A question that sometimes drives me hazy: am I or are the others crazy?

Denonco kėtė mesazh tek moderatorėt | IP: e regjistruar

Mesazh i vjetėr 20 Tetor 2012 14:32
Petter nuk po viziton aktualisht forumin Kliko kėtu pėr Profilin Personal tė Petter Kliko kėtu pėr tė kontaktuar me Petter (me Mesazh Privat) Kėrko mesazhe tė tjera nga: Petter Shto Petter nė listėn e injorimit Printo vetėm kėtė mesazh Shto Petter nė listėn e monitorimit Ndrysho/Fshij Mesazhin Pėrgjigju Duke e Cituar
~Enigme~
Simplexity

Regjistruar: 08/10/2005
Vendbanimi: My soul
Mesazhe: 4073

Ka dhe me keq Piti, po ti me jep pershtypjen qe pelqen llukset. Hajde mos perto e na thuaj ndonje gje me shume dhe kur te kthehem te lexoj ndonje gje te re se po iki tani.

Cheers!

__________________
Fillimi i nje ngjarje, ku shpaloset ne kohe por lind jashte asaj, eshte njekohesisht perfundimi.

Denonco kėtė mesazh tek moderatorėt | IP: e regjistruar

Mesazh i vjetėr 20 Tetor 2012 14:36
~Enigme~ nuk po viziton aktualisht forumin Kliko kėtu pėr Profilin Personal tė ~Enigme~ Kliko kėtu pėr tė kontaktuar me ~Enigme~ (me Mesazh Privat) Vizito faqen personale tė ~Enigme~'t! Kėrko mesazhe tė tjera nga: ~Enigme~ Shto ~Enigme~ nė listėn e injorimit Printo vetėm kėtė mesazh Shto ~Enigme~ nė listėn e monitorimit Ndrysho/Fshij Mesazhin Pėrgjigju Duke e Cituar
Ora tani: 15:32 Hap njė temė tė re    Pėrgjigju brenda kėsaj teme
Gjithsej 8 faqe: « 1 2 3 [4] 5 6 7 8 »   Tema e mėparshme   Tema Tjetėr

Forumi Horizont Forumi Horizont > Shkenca > Mjekėsia > Sherbimi mjeksor ne Shqiperi

Pėrgatit Kėtė Faqe Pėr Printim | Dėrgoje Me Email | Abonohu Nė Kėtė Temė

Vlerėso kėtė temė:

Mundėsitė e Nėn-Forumit:
Nuk mund tė hapni tema
Nuk mund ti pėrgjigjeni temave
Nuk mund tė bashkangjisni file
Nuk mund tė modifikoni mesazhin tuaj
Kodet HTML lejohen
Kodet speciale lejohen
Ikonat lejohen
Kodet [IMG] lejohen
 

 

Kliko pėr tu larguar nese je identifikuar
Powered by: vBulletin © Jelsoft Enterprises Limited.
Materialet qė gjenden tek Forumi Horizont janė kontribut i vizitorėve. Jeni tė lutur tė mos i kopjoni por ti bėni link adresėn ku ndodhen.