Fajtori
Apo jo?
Regjistruar: 11/06/2002
Vendbanimi: Europe
Mesazhe: 10706
|
Nga Erl Murati
-----------------------------------------------------------
E vërteta është tkurrur aq shumë saqë sot, atë duket se e thotë vetëm një njeri -imagjinoni - Mero Baze. Çtragjikomedi.
Kështu e mbyllja një koment për dosjen e Gërdecit, të botuar në gazetë më 1 shtator të këtij viti.
Tragjikomedi tragjike sepse njerëzit që thonë të vërtetat janë gjithnjë e më të paktë dhe komike sepse Mero Baze është një gazetar që të vërtetat i ka po aq subjektive sa çka edhe interesat e bindjet politike ndër vite. Fati i keq e desh që Mero Baze të bëhej këto ditë protagonist i një ngjarjeje të shëmtuar ku ai ishte viktima. Pa i hyrë debatit për shkaqet e këtij incidenti, vlen për tu theksuar se Mero Baze atë natë tek Capriccio përfaqësoi median shqiptare duke duruar pasojat e tentativës së rradhës për ti mbyllur asaj gojën. Ky rast, duhet të na bëjë të reflektojmë edhe një herë mbi situatën e komunikimit në Shqipëri.
Shumëkush tenton të hedhë baltë mbi punën e gazetarëve, politika e sulmon sistematikisht, biznesi mundohet ta joshë dhe opinioni publik, për të qenë të sinqertë, qëllon që ia përbuz faktet që sia pëlqen. Por, duhet thënë në krye të herës që media në mos më i besueshmi, është ndër institucionet me të besueshme të shoqërisë. Media ka për qëllim të informojë të vërtetën dhe të vërtetat nuk janë asnjëherë të thjeshta. Ndaj, ka gazeta dhe televizione të pavarura dhe të pavarura, të majta e të djathta, të gjitha këto informojnë. Në një botë që nuk ka vetëm dy ngjyra, informacioni smund të jetë bardhezi. I takon publikut ta shohë realitetin me sytë e Gazetës Shqiptare, Shekulli-t apo Standard-it, News 24-s, Top-it apo Klan-it. Secili mund të zgjedhë atë që dëshiron, bota e informacionit funksionon mrekullisht. Fatkeqësisht dhe fatmirësisht, misioni i medias mbaron tek informimi. Eshtë shoqëria dhe institucionet e tjera të saj që duhet të bëjnë punën e tyre.
Pak ditë më parë, një koleg i tha gazetarit Tedi Blushi, i cili zbuloi skandalin e dhurimit të Jonit nëpërmjet marrëveshjes për kufijtë detarë me Greqinë: Hë, spo shkruani më për detin apo e kuptuat që e kishit gabim?! Më duhet të kujtoj se Gazeta Shqiptare publikoi për gati 1 muaj, çdo ditë, informacione ekskluzive që hodhën dritë mbi këtë marrëveshje dhe bënë transparente arsyet e nxitimit të qeverisë për ta ratifikuar atë në Kuvend. Misioni ynë mbaroi aty: i takon Gjykatës Kushtetuese, Parlamentit dhe Presidentit të Republikës të bëjnë detyrën që ia ngarkon Kushtetuta. New York Times botoi vetëm një shkrim, tek-pullë, për trafikun ndërkombëtar të armëve dhe ngriti në këmbë Kongresin amerikan, Pentagonin, Departamentin e Shtetit dhe Departamentin e Drejtësisë. Ata bënë detyrën e tyre, ndaj sot Efraim Diveroli rrezikon 5 vite burg. Por New York Times-i nuk botohet sigurisht në një vend ku gazetat konsiderohen letra higjenike dhe gazetarët prostituta të fjalës së lirë.
Çduhet të bëjë media më tepër: a nuk ishte e përditshmja Albania ajo që hodhi dritë e para mbi skandalin e rrugës Rrëshen-Kalimash, 63 kilometrat e së cilës po na kushtojnë mbi 1 miliardë euro? Mediat e tjera i dhanë zë aferës: prokuroria nisi hetimet, zbuloi një vjedhje 320 milionë euro, por drejtësia e mbylli dosjen. Ministri përgjegjës u gradua në një post më të rëndësishëm. Si për ironi, Lulzim Basha është personi që sot duhet të japë urdhrin për ndalimin e agresorëve ndaj Mero Bazes.
Liria për të folur është ngjizja, thelbi, fillesa e demokracisë. Liri për tia futur kot, edhe me deklarata të tipit: po qe grua dhe po e pate mbiemrin Qirjako, ke lidhje me drejtorin e Hipotekave Mero Baze apo dhe inate personale të tipit: mirë ia bënë, se Mero është kampioni i shpifjes Aleksandër Frangaj. Rrota e demokracisë ecën për sa kohë lubrifikohet nga liria e të shprehurit; më tej, përgjegjësia është personale, syri i Zotit dhe i ligjit na vëzhgon e na gjykon të gjithëve.
Ndaj u ndjeva mirë që kolegu Aleksandër Çipa ndërmori dje nismën e një proteste për tu solidarizuar kundër rrahjës së kolegut Baze; ndaj u ndjeva mirë që kolegë që nuk thanë asnjë fjalë në mediat e tyre për incidentin (normale, media është biznes, as kishë as xhami) ishin të pranishëm në këtë protestë. Ndaj u ndjeva keq, kur pashë njerëz të aparatit të PSSH-së dhe të G99 që tentuan të na e vjedhin këtë protestë duke hedhur këpucë të vjetra në oborrin e kryeministrisë.
Askush nuk ka moralin të flasë në emër të mediave apo ti përfaqësojë ato, sepse mediat flasin vetë. Në këto 10 vite të punës sime si gazetar, presionet nga e majta kanë qenë po aq intensive sa ato nga e djathta. Ndoshta është normale të jetë kështu, për sa kohë politika jeton përmes medias.
Unë e di që ka gazetarë që e kanë filluar karrierën e tyre me Mountain Bike dhe po e vazhdojnë me Tuareg-ë. Siç do të thoshte Montanelli: ata skanë lidhje me gazetarinë pasi ky zanat nuk të bën të pasur. Nëse takoni një gazetar të pasur, mos i zini besë, shton ai.
Por, di edhe që në festat e fundivitit të kaluar, Canale 5 e çeli edicionin e lajmeve me një intervistë bajate të Berluskonit, ku Kavalieri foli mbi 10 minuta për dashurinë e tij për popullin italian dhe planet për rindërtimin e Italisë europiane.
Dua të them, media nuk është perfekte. Askund.
Por, a është vallë faji i medias që prokuroria druhet të thërrasë dëshmitarë Fatmir Mediun e Shkëlzen Berishën në gjyqin e Gërdecit? Apo është faji i saj që Gjykata Kushtetuese tallet dhe në vend që të shqyrtojë ligjshmërinë e marrëveshjes me Greqinë, ka shpallur në kërkim statutin e Partisë Socialiste?
Aq më pak është përgjegjëse ajo, për faktin se 10 shqiptarë nuk bëhen dot bashkë për të protestuar për rritjen katastrofike të çmimeve, për energjinë që po rifillon të mungojë, për tarifat abuzive të telefonisë, karburanteve etj.
Eshtë momenti që në bangën e të akuzuarve të ndërgjegjes së opinionit publik, të vihen ata që po bëjnë simfoni me shurdhërinë ndaj skandaleve që po zbardhen në media. Ka ardhur momenti që ky opinion tu jetë mirënjohës gazetave dhe televizioneve. Sepse ndoshta ai ka qeverinë që meriton, por duhet të bëjë më tepër për të merituar median që e informon.
--------------------------------------
Nje koment:
Nje nga shkrimet me te llogjikshme qe kam lexuar. Eshte rasti me i mire per ti vene zjarrin oligarkise dhe per te distancuar median nga pushtetet e tjera. Vecse nuk kuptoj pse Erl Murati me rezulton shok me Shkelzen Berishen ne Facebook.
http://www.facebook.com/people/Erl-Murati/708620132
Pak ore me pare TV italian tregoi jeten e Peppino Impastato-s, djalit qe tallej me mafiozet siçiliane. Dhe te mendosh qe ai nuk i jepte as doren mafiozeve kur i erdhen ne varrimin e te atit. Ndersa ketu dora i jepet edhe ne largesi, duke i bere shoke ata qe neser ndoshta duhen denoncuar neper artikuj.
Denonco kėtė mesazh tek moderatorėt | IP: e regjistruar
|