Klodel
.
Regjistruar: 10/01/2003
Vendbanimi: .
Mesazhe: 5233
|
Pushtimi I Irakut Ndihmë Apo Pengesë Në Luftën Globale Kundër Terrorizmit???
JEREMY BRAINSTAIN RFER/RL
Një vit më parë,presidenti amerikan Xhorxh Bush, foli para asamblesë së përgjithshme të Kombeve të Bashkuara në Nju Jork, duke paraqitur rrezikun që përfaqësonte Sadam Huseini për sigurinë ndërkombëtare. Pavarësisht nga vendimet e Këshillit të Sigurimit, Bushi atëhere tha se Amerika kishte vendosru të vepronte.
" Ne nuk mund të qëndrojmë anash dhe të mos bëjmë asgjë për rrezikun që po shtohet. Ne duhet të marrim përgjegjësitë për sigurinë tonë, dhe për shpresat dhe të drejtat e përhershme të njerëzimit. Për shkak të traditës dhe të zgjedhjes së saj Shtetet e Bashkuara do të veprojnë", tha Bush.
Argumenti themelor i presidentit Bush ishte se Sadami zotëronte armë të shkatërrimit në masë dhe po zhvillonte të tjera. Njëherësh ai e lidhi regjimin e Irakut me grupin terrorist të Al-Kaidës. Gjatë kohës së luftës në Irak, ekspertët nuk mundën të shihnin ndonjë grup terrorist ndërkombëtar, me prani të madhe në Irak. Por shumë ekspertë tani i druhen faktit se lufta në Irak, dhe kaosi i krijuar që nga rënia e Sadamit, mund të shkaktojnë sjelljen e grupeve terroriste në vend. Historiani Jusuf Shueri, ekspert mbi shtetet moderne arabe në Angli, thotë se vendosja e trupave amerikane në Irak, po shërben si magnet për të tërhequr një numër strukturash antiamerikane drejt këtij vendi.
" Ajo që bënë amerikanët ishte thjesht që i hapën kufijtë e Irakut për terroristët ndërkombëtarë, në kuptimin se u shpërbë ushtria irakene, forcat e sigurisë dhe tani çdokush mund të hyjë në Irak nga Irani, Turqia, Siria Arabia Saudite dhe Kuvajti dhe askush nuk mund t'i ndalojë ata", thotë Jusuf Shueri.
Ndërkaq Richard Evans, analist në një qendër britanike studimesh, shprehet se mes regjimit laik të Sadamit dhe radikalëve islamikë të Al-Kaidës kishte pak gjëra të përbashkëta.
" Bin Ladeni dhe ata që e ndjekin atë, në fakt nuk kishin ndonjë rëndësi për regjimin bathist siç ishte ai që përfaqësonte Sadam Huseini. Se si është gjendja sot në terren, kjo është një pikëpyetje e madhe. Nuk dihet se në çfarë shkalle pjesa e mbetur e regjimit bathist po bashkëpunojnë me luftëtarët e Xhihadit, pavarësisht nësa ta i takojnë organizatës Ansar Al Islam apo Al Kaidës", thotë Evans.
Ndërkaq lidhur me gjendjen aktuale Shueri shton.
" Në fakt ata nuk kanë nevojë që të bien dakort ideologjikisht apo nga pikëpamja filozofike, madje ata as nuk kanë nevojë të takohen. Të dyja palët kanë të njëjtin qëllim. Duan të përzënë forcat e koalicionit, por punojnë me metoda të ndryshme dhe operojnë sipas programeve të ndryshme. Unë nuk mendoj se aktualisht ka ndonjë bashkërendim konkret mes Sadam Huseinit nga njëra anë dhe Bin Ladenit nga ana tjetër", thotë Shueri.
Ndërkaq nga ana tjetër eksperi Evans thotë se Bin Ladeni dhe Al Kaida janë vetëm një anë e pamjes që ofron sot terrorizmi global. Megjithëse ata mund të shërbejnë si frymëzues për grupe të tjera që të kryejnë aksione terroriste, lidhja mes tyre shpesh është iluzore.
" Me pak fjalë ajo me të cilën ne po përballemi tani është një lëvizje terroriste globale e islamit radikal, ku Al Kaida është vetëm një pjesë e saj", thotë Evans.
Megjithatë presidenti Bush përsëriti sërisht këto ditë se Iraku është fronti kryesor në luftën kundër terrorizmit dhe se është shënuar përparim në këtë luftë.
" Ne po luftojmë luftën kundër terrorit në shumë fronte dhe fronti kryesor për momentin është ai në Irak. Ne jemi duke bërë përparim të dukshëm drejt arritjes së objektivave tona dhe do të vazhdojmë të përparojmë", tha Bush. Por në Londër një raport parlamentar, i lëshuar ditëve të fundit, thotë se Shefi i Shërbimit Britanik të Inteligjencës, i ka tërhequr vëmendjen kryeministrit Blair, se aksionet ushtarake kundër Sadamit, do t'a bënin Irakun një vend më të lehtë për grupet terroriste që të kenë qasje në armët kimike dhe biologjike.
__________________
It takes just as much courage to express your love when it's right, as it does to walk away when it's wrong.
Denonco këtë mesazh tek moderatorët | IP: e regjistruar
|
13 Shtator 2003 00:08
Forumi Horizont > Media dhe Politika > Aktualitete Ndërkombëtare > Konfliktet botërore > Pushtimi I Irakut Ndihmë Apo Pengesë Në Luftën Globale Kundër Terrorizmit???
