SHKODRA4001
Anëtar Aktiv
Regjistruar: 19/09/2011
Vendbanimi: BELGJIKE DHE SHKODER
Mesazhe: 599
|
Puna e pa paguar e grave sot ne demokraci,dhe te drejtat e saja sot!
Gjatë regjimit komunist, gratë përfituan nga politikat promovuese për to, sidomos lidhur me arsimimin dhe punësimin në shkallë të gjerë të tyre. Gjithashtu, nxitej dhe mbështetej pjesëmarrja e grave në jetën sociale dhe politike. Për shumë njerëz, përfaqësimi politik i grave është konsideruar si simbolik, por megjithatë në atë periudhë të historisë, gratë kanë qenë më shumë aktive në vendimmarrje. Por kjo pjesëmarrje u shoqërua me një ngarkesë të rëndë për gratë, të cilat duhet të ishin të angazhuara edhe në punën e paguar, duhet të ishin aktive në jetën sociale apo politike, si dhe u duhej të ishin të angazhuara edhe me punët shtëpiake dhe kujdesin për familjen. Në kuadrin e ideologjisë së regjimit komunist, shteti kishte përgjegjësinë e sigurimit të të gjitha shërbimeve të nevojshme për njerëzit, si kujdesi për fëmijët e vegjël në çerdhe dhe kopshte, dhënia falas e kujdesit shëndetësor, kujdesi për të moshuarit, etj. Megjithatë, grave u duhej të përballonin një ngarkesë të shumëfishtë për shkak të ndarjes tradicionale të roleve gjinore.
Pas vitit 1990 situata e shoqërisë shqiptare ndryshoi në mënyrë dramatike, duke kaluar nga një ekonomi e centralizuar në ekonominë e tregut të lirë, nga një shtet ombrellë për gjithçka në një shtet kaotik që iu desh të përballej me varfërinë ekstreme, me shkatërrimin e të gjitha industrive ekzistuese, me një shkallë të lartë migracioni, me një infrastrukturë krejt të papërshtatshme etj.Gruaja ne kete fillim pranvere te lire demokratike,humbi gjithcka deri sa ajo dhe sot punon pa pagese dhe barazia gjinore asaj sot i mohohet,dhe pse jo po fillon dhe te analfabetizohet ne mesin e shoqerise se lire moderne...SI E KONSIDERONI JU SITUATEN E GRUAS SHQIPTARE SOT EMERGJENTE APO SKA NEVOJE SE KA KUSH E MBRON DHE DREJTON?
Denonco këtë mesazh tek moderatorët | IP: e regjistruar
|