Keni
Vezhgues
Regjistruar: 01/02/2003
Vendbanimi: Philadelphia usa
Mesazhe: 3202
|
Vlerat e klimes dhe shfrytezimi i tyre nga njeriu
Klima e vendit tone bene ben pjese ne grupin e klimave me te pershtatshme per veprimtarine jetesore te njeriut. Ajo ka vlera te shumta. Nder to vecojme: larmine e theksuar, pasurite termike dhe reshjet e bollshme.
Larmia e theksuar krijon mundesi per zhvillimin e nje bujqesie shumedegeshe. Ne rajonet e ulta dhe bregdetare me klime mesdhetare kultivohen shume mire pambuku, agrumet, ullinjte, vreshtat etj. Dallohet sidomos Rivjera pergjat detit Jon, Ultesira Perendimore e Shqiperise dhe Rivjera e Ulqinit. Ne rajonet me klime kontinentale dhe malore kultivohet shume mire thekra, mollet, kumbullat, geshtenjat, panxhari i sheqerit etj. Dallohet sidomos fusha e Kosoves, Pollogu, fushegropa e Manastirit, e Korces etj.
Ne te njejten kohe, kjo larmi e theksuar klimatike ndihmone ne krijimin e kushteve te pershtatshme per zhvillimin me sukses te te gjitha llojeve te turizmit. Vera e gjate mesdhetare dhe shkelqimi i madhe i djellit jane shume te pershtatshme per zhvillimin e turizmit blu bregdetar dhe bregliqenor. Per te shfrytezuar keto kushte te pershtatshme klimatike jane ndertuar mjedise turistike sidomos ne Rivjeren e Camerise dhe te Ulqinit, ne brigjet lindore dhe veriore te liqenit te Ohrit etj.
Numri i madhe i diteve me shtrese debore dhe trashesia e madhe e saj krijon kushte shume te pershtatshme per turizmin e bardhe ne vendet malore.
Pasurite termike jane me te medha ne rajonet perendimore dhe jugperendimore te trevave shqiptare, tek te cilat temperatura mesatare arijne vlera te larta, madje dhe ne muajin janar rreth +10grade C. Tek keto zona ngricat dhe debora jane dukuri te ralla, vetem gjate nje periudhe kohe shume te shkurter te dimrit. Kjo bene te mundur qe e njejta toke e punueshme te shfrytezohet dy tri here ne vit dhe ne te mbillen dhe riten bime bujqesore qe duan nxehtesi.
Reshjet e bollshme sidomos ne trevat malore (rreth 2000mm ne vit) dhe debora e shumte qe bie ne keto rajone krijojne rezerva te medha ujore, te cilat perdoren per furnizimin e qendrave te banuara, per ujitje artificiale, per industri etj.
Dukuri negative te klimes
Krahas shume vlerave klima e vendit tone ka edhe dukuri negative, qe krijojne veshtiresi per disa veprimtari prodhuese, duke u shoqeruar me deme te medha ekonomike.
Regjimi shume i crregullt i reshjeve. Kjo verehet sidomos ne vendet me klime mesdhetare, tek te cilat, si pasoje e rreshjeve shume te pakta qe bien gjate stines se veres, shfaqet thatesira e theksuar, qe zgjat 3-4 muaj ne vit. Gjte kesaj periudhe bimet e kultivuara nuk mund te zhvillohen pa ujitje artificiale. Nevoja e ujitjes artificiale ndihet edhe ne gropat dhe fushegropat lilndore. Kjo eshte arsya qe ne keto vende jane bere perpjekje te medha per te siguruar ujin , duke ndertuar ujmbajtes qe grumbullojne ujin e rreshjeve te shumta te stines se dimrit per ta perdorur ne vere.
Regjimi shume i cregullt i rreshjeve ka edhe nje pasoje tjeter te demshme, qe eshte me e dukshme ne rajonet me klime mesdhetare. Gjate stines se lagesht te vitit ne keto rajone krijohet nje teprice e madhe lageshtire, madje edhe dalje e lumenjve nga shtrati. Keto dukuri kane pasoja negative per bujqesine dhe per qendrat e banuara. Per te shmangur keto pasoja jane bere kanalizime te shumta, qe kullojne ujin e tepert.
Karakteri i paqendrushem i klimes
Kjo verehet me teper ne trevat perendimore. Jane jo te rralla rastet kure temperature ulet shume, madje edhe ne stinet e ngrohta te vitit, duke demtuar keshtu kulturat bujqesore. Vecanerisht deme te medha sjellin ngricat e gjata, kur ato shfaqen heret ne vjeshte dhe vone ne pranvere.
Jane te shpeshta dhe rastet kur bie sasi shume e madhe rreshjesh dhe me intesitet te madh. Kjo shoqerohet me fryrjen e lumenjve dhe vershimin e tyre, duke demtuar gjithshka: kulturat e mjella, rruget dhe qendrat e banuara. Kjo dukuri eshte e shprehur sidomos ne Ultesiren Perendimore te Shqiperise. Per te shmangur keto dukuri te rezikshme klimaterike, jane bere sistemime te shtreterve te lumenjve, qe kane rritur kapacitetin transportues te ujit te tyre.
Shpesh gjate dimrit ne zonat malore, bie nje sasi shume e madhe debore, qe bllokon rruget dhe krijon mundesine e renjes se ortekeve, te cilet sjellin deme ekonomike, madje edhe viktima ne njerez.
__________________
Thuaj ate qe mendon dhe mendo ate qe duhet.
Denonco kėtė mesazh tek moderatorėt | IP: e regjistruar
|