volter
shpirt artisti
Regjistruar: 19/11/2003
Vendbanimi: Moscow
Mesazhe: 4646
|
Sulejman Vokshi
Sulejman Vokshi
Sulejman Vokshi
Veprimtar dhe figurë e shquar e Lidhjes Shqiptare të Prizrenit (1878 ). Hero i Popullit.
Lindi në Gjakovë nga një familje me tradita kombëtare. Veprimtarinë patriotike e filloi që në moshë djaloshare. Lidhja Shqiptare e Prizrenit e gjeti të përgaditur në të gjitha drejtimet si luftëtar e udhëheqës i shquar popullor dhe me koncepte të qarta politike. Ishte një nga nismëtarët e themelimit të saj dhe gjatë veprimtarisë së Lidhjes një ndër udhëheqësit kryesorë politikë e ushtarakë, anëtar i Komitetit Qendror dhe përfaqësues konsekuent i krahut revolucionar të saj.
Qeveria e përkohshme e Lidhjes e ngarkoi me detyrën e udhëheqësit ushtarak të forcave të armatosura të ushtrisë kombëtare të saj. Ishte edhe kryetar i komisionit të të ardhurave dhe të financave. Ishte drejtues i Degës së Lidhjes për Gjakovën dhe një nga organizatorët e ngjarjeve të Gjakovës që shpunë në vrasjen e marshalit osman Mehmet Ali Pashë Maxharit.
Si anëtar i Shtabit ushtarak të Lidhjes, Sulejman Vokshi ishte një nga udhëheqësit e luftëtarëve shqiptarë në betejat pë mbrojtjen e Plavës e Gucisë, që shpunë në shpartallimin e forcave të Malit të Zi. Forcat e Lidhjes nën komandën e tij brenda një kohe të shkurtër e shtrinë pushtetin popullor-aministrativ e ushtarak të Lidhjes në: Shkup, Prishtinë, Lumë, Mitrovicë, Guci, Vushtërri, Preshevë etj. Nën drejtimin e tij si kryetar i shtabit të forcave shqiptare dhe me pjesëmarrjen e tij direkte u zhvillua edhe lufta heroike për mbrojtjen e Lidhjes në Shtimje e Slivovë, kundër forcave osmane të Dervish Pashës.
Edhe pas thyerjes së Lidhjes Shqiptare të Prizrenit, Sulejman Vokshi e vazhdoi qëndresën kundër pushtuesit osman. U kap me pabesi. Pushteti osman e konsideroi si një nga udhëheqësit më të rrezikshëm të Lidhjes, prandaj e denoi me vdekje. Por, para presionit të Lëvizjes Kombëtare Shqiptare u detyrua ta lirojë pas burgimit.
Sulejman Vokshi radhitet ndër udhëheqësit e luftëtarët konsekuentë të popullit shqiptar në luftën për realizimin e sigurimin e unitetit kombëtar e shtetëror.
Vdiq në vitin 1890 në Gjakovë.
__________________
Poets were the first teachers of mankind. Horace
Denonco kėtė mesazh tek moderatorėt | IP: e regjistruar
|