Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442

Ne kete teme do te gjeni me te rejat shkencore ne mjekesi..........

__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli

Denonco kėtė mesazh tek moderatorėt | IP: e regjistruar

Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442

Cod. J31122007

Burimi i Informacionit : Zeri i Amerikes
Data e Publikimit : 20/11/2007
Autor : (pa autor)

Avandia kundër diabetit shkakton sëmundje ne zemër

Agjencia amerikane e barnave u ka dhënë urdhër firmave farmaceutike që të vendosin një etiketë më të dukëshme në paketat me ilaçin Avandia që përdoret për kontrollin e sheqerit në gjak. Zyrtarët thonë se ky ilaç duhet të shoqërohet me paralajmërimin me shkrim ku të thuhet se Avandia mund të shtojë rrezikun ndaj sëmundjeve të zemrës për ata që e përdorin. Kjo masë u morr pas debateve rreth studimeve kundërthënëse ndaj këtij ilaçi. Në etiketën paralajmëruese mjekëve u kërkohet të tregohen jashtëzakonisht të kujdesshëm kur u japin pacientëve recetë për ilaçin Avandia. Provat afatshkurtër të ilaçit Avandia kanë treguar se tek pacientët që e marrin atë shtohet rreziku për goditje në zemër. Ndërsa prova afaktgjatë kanë treguar kryesisht se Avandia nuk paraqet ndonjë rrezik më të madh sesa ilaçet e tjera që përdoren kundër diabetit. Firma farmaceutike GlaxoSmithKline që prodhon Avandian, ka ndërmarrë një studim më afatgjatë për ta krahasuart këtë ilaç me barnat e tjera kundër diabetit. Por rezultatet e këtij studimi priten të shpallen të paktën pas 6 muajsh. Ndërkohë, ekspertët thonë se rreziku i mundshëm që paralajmërohet për këtë ilaç do të thotë se pacientët me sëmundje në zemër por që vuajnë edhe nga diabeti, nuk duhet ta përdorin Avandian

__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli

Modifikuar nga NS-6 datė 05/01/2008 ora 23:19

Denonco kėtė mesazh tek moderatorėt | IP: e regjistruar

Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442

Cod. I31122007

Burimi i Informacionit : nikollashtejn.org
Data e Publikimit : 22/09/2007
Autor : Admin

Më tepër se 25 mijë njerëz në Shtetet e Bashkuara marrin çdo vit një ose më tepër organe të transplantuara, ndërkohë që numri i njerëzve që presin në listën për organe është aktualisht 90 mijë vetë. Por një firmë e Kalifornisë ka gjetur një metodë, që shihet si një zbulim tepër i rëndësishëm në mjekësi: një metodë për ruajtjen e organeve njerëzore, për t’u përdorur në të ardhmen.

Një veshkë miu, e mbajtur në ngrirje për tre muaj, në një solucion të prodhuar nga firma kërkimore Human Biosystems, ndoshta është çelësi për një jetë më të mirë për njerëzit që presin transplantimin e veshkës. Harry Masuda është presidenti i kompanisë. "Sa më gjatë që e ruajmë organin, aq më mirë mund të realizohet përshtatja me organizmin," thotë zoti Musaba.

Ai thotë se përderisa veshkat përbëhen kryesisht nga uji, ruajtja e qelizave të tyre gjatë ngrirjes, para transplantimit, ishte arsyeja kryesore për prodhimin e solucionit. "Të arrish të ngrish një organ në –80, ta transplantosh atë dhe të arrihet që kjo veshkë të prodhojë urinë, kjo është diçka e jashtëzakonshme."

Ky zbulim mund t’u vijë në ndihmë mijëra njerëzve çdo vit, që janë në listën e pritjes për transplantim të organeve. Shumica e tyre kanë nevojë për veshkë. Doktoresha Vivian Tellis, shefe e kirurgjisë së transplantimit të veshkave në Qendrën Mjekësore Montefiore, në periferi në Nju Jorkut, thotë se çdo 14 minuta listës së pritjes për transplantim i shtohet një njeri. "Për këtë arsye, nuk ka kohë të mjaftueshme për të manovruar me organet që transplantohen, për t’i përshtatur ato sipas organizmave të veçantë... Kjo pjesërisht edhe nga fakti se organet e dhuruara nuk rezistojnë për një kohë të gjatë në kushtet e teknologjisë së sotme, thotë mjekja.

Mesatarisht, çdo ditë në Shtetet e Bashkuara vdesin 17 pacinetë, në pritje për transplantimin e një organi, gjë që i ka detyruar shumë dhurues dhe familjet e tyre të gjejnë mënyra krijuese komunikimi nëpërmjet njoftimeve, shoqatave për krijimin e fondeve dhe kërkesave për organe në Internet. Doktor Robert Truog është Specilist i Etikës në Fakultetin e Mjekësisë së Universitetit të Harvardit. "Faqet kompjuterike janë plot me informacione të pasakta lidhur me rreziqet dhe përfitimet e transplantimit."

Doktor Lewis Teperman i Qendrës Mjekësore në Univesritetin e New Yorkut thotë se përdorimi i medotës një dhurues një pacient nuk u vjen në ndihmë atyre që presin në listën për transplantim organesh. "Sa më i sëmurë të jesh, aq më të pakta janë mundësitë për të jetuar, pra aq më e madhe është mundësia për transplantimin e një organi," thotë Dr. Teperman.

Ndërsa numri i njerëzve që kanë nevojë për organe rritet me shpjetësi më të madhe se numri i organeve të transplantuara, lajmi i mirë është se personat që marrin organe të transplantuara po jetojnë më gjatë se pacientët me organe të transplantuara një dekadë më parë.

__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli

Modifikuar nga NS-6 datė 05/01/2008 ora 23:17

Denonco kėtė mesazh tek moderatorėt | IP: e regjistruar

Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442

Cod. H31122007

Burimi i Informacionit : Zeri i Amerikes
Data e publikimit : 30/10/2007
Autor : Astrit Lulushi

Kanceri i vezoreve, Trajtimi i Parkinsonit, Qelizat embrionale



Kontrolle të rregullta mjekësore për kancer të vezoreve


Disa studime kanë treguar se rreziku për kancer tek një grua bie në nivel normal pak vjetë pas trajtimit. Megjithatë, të dhënat e reja tregojnë se gratë e trajtuara për tumorë para kancerozë duhet të kryejnë çdo vit analiza dhe se kanceri i vezoreve është një prej kancerëve më të kurueshëm.

Në Shtetet e Bashkuara, mjekët rekomandojnë që gratë të kontrollohen për kancer të vezoreve një herë në 1 vit ose në 2 vjet, duke filluar rreth moshës 18 vjeç.

Ekspertët thonë se nëse një grua 30 vjeçare, të cilës analizat për kancer në vezore i kanë dalë mirë tre herë radhazi, ajo mund në kryejë kontrolle më pak të shpeshta, për shembull, 1 herë në çdo tre vjet.

Por rezultatet e një studimi të ri arrijnë në përfundimin se gratë që janë trajtuar për tumore para kancerozë duhet të tregohen shumë të kujdesëshme ndaj çdo shenje të kancerit në vezore. Mjekët në Suedi analizuan rezultatet e 132 mijë grave të trajtuara për tumore para kancerozë dhe vunë re se ato ishin 2 herë më në rrezik për t’u prekur nga kanceri i vezoreve dhe 7 herë më në rrezik për t’u prekur nga kanceri në mitrës, edhe pas 25 vjetësh nga koha e trajtimit të kancerit parakancerozë.

Disa studime të mëparëshme kishin treguar se rreziku për kancer tek një grua bie në nivel normal pak vjetë pas trajtimit. Megjithatë, këto të dhëna të reja tregojnë se gratë e trajtuara për tumorë para kancerozë duhet të kryejnë çdo vit analiza pasi kanceri i vezoreve është një prej kancereve më të kurueshme. Kur ky lloj kanceri diktohet në faza të herëshme, trajtimi i tij është i suksesshëm në 90 përqind të rasteve.

Disa efektet anësore gjatë trajtimit të sëmundjes Parkinson

Shkencëtarët thonë se disa mënyra trajtimi të sëmundjes së parkinsonit mund të kenë edhe efekte anësore. Për shembulll, ata kanë zbuluar se një aparat pejsmejker (pacemaker) në tru tek këta të sëmurë, duket se pengon veprimtarinë e mekanizmave nervorë që janë përgjegjës për procesin e të menduarit.

Stimulimi i thellë në tru është mënyra më e fundit e trajtimit të sëmundjes së parkinsonit. Pacienti i nënshtrohen operacionit gjatë të cilit mjekët vendosin në trurin e tij një aparat që funksionon me bateri i cili kryen rolin e një pejsmejkeri për të mbajtur në funksionim disa zona të trurit. Por një studim i kohëve të fundit tregon se ky aparat mund të ndikojë negativisht mënyrën e të menduarit.

Mjekët në universitetin e Arizonës studiuan gjendjen e pacientëve me sëmundje të parkinsonit duke i vënë ata të luanin një loje komjuterike që i nxiste të mendonin. Mjekët e krahasuan veprimtarinë e trurit të këtyre pacientëve me atë të pacientëve të tjerë të cilëve iu dhanë ilaçe për stimulim të ngjashëm të trurit. Rezultatet treguan se kur aparati pejsmejker ishte në funksionim disa pacientë nxitoheshin në marrjen e vendimeve. Ata bëheshin të papërmbajtur apo impulsivë dhe si rrjedhim merrnin vendime të gabuara. Edhe pacientëve që iu dhanë ilaçe për stimulimin e trurit gjithashtu treguan se kishin probleme në marrjen e vendimeve. Në fakt ata e kishin të vështirë të nxirrnin mësime nga gabimet e tyre.

Shkencëtarët thonë se këto probleme krijohen pasi trajtimet e sëmundjes së parkinsonit prekin mekanizmat e të menduarit normal, duke shkaktuar probleme në marrjen e vendimeve dhe padurim ose sjellje impulsive. Megjithatë, trajtimet me ilaçe ose me aparat pejsmejker janë të efektëshme kundër sëmundjes së parkinsonit, prandaj ekspertët thonë se hapi i ardhshëm është për të saktësuar këtë proces stimulimi në mënyrë që trajtime të tilla të jenë me sa më pak efekte anësore.

I verbëri mund të shikojë pas një transplantim qelizash embrionale

Një nënë nga shteti Misuri shpreson të udhëtojë me mijëra kilometra për t’i dhënë djalit të saj një mundësi për të shikuar. Kimberli Anderson, ashtui si çdo nënë, është gati të bëjë gjithçka për fëmijën e vet, Austin. Kur ishte 10 vjeç, Austin u diagnostikua me autizëm dhe një nerv optik kishte mbetur i pazhvilluar. Pas shumë vizitash e kërkimesh, Kimberli mësoi se në Kinë shkencëtarët kishin zhvilluar një mënyrë për trajtimin e këtij probleme, duke përdorur transplantimin e një qelize ubmilike embrionale për zhvillimin e nervit optik.

Një metodë e tillë kishte dhënë rezultat për Ryela Bartlet nga Missuri. Edhe ajo kishte lindur me të njëtin defekt si Austin. Por pak javë pas disa operacionesh për transplantimin e qelizave emrionale në Kinë, Ryela tani reagon ndaj dritës dhe mund të shikojë. Udhëtimi në Kinë i kushtoi familjes rreth 40 mijë dollarë dhe Ryelas i duhet të shkojë përsëri atje më trajtim të mëtesjhëm.

Por për familjen Anderson, përmirësimi i Ryelas sjell shpresa. Ata kanë filluar të grumbullojnë para për të të dërguar Austin në Kinë. Kimberli thotë se nëqoftëse djalit të saj i kthehet shikimi pas këtij operacioni, çdo shpenzim e mundim ia vlen. Kjo procedurë nuk është miratuar nga Shtetet e Bashkuara.

__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli

Modifikuar nga NS-6 datė 05/01/2008 ora 23:15

Denonco kėtė mesazh tek moderatorėt | IP: e regjistruar

Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442

Cod. K31122007

Burimi i Informacionit : Zeri i Amerikes
Data e Publikimit : 11/11/2003
Autor : Astrit Lulushi

Mikrovalët zbulojnë kancerin.

Shkencëtarët thonë se mikrovalët jo gjithmonë janë të rrezikëshme. Gjatë provave klinike ata kanë vënë re se mikrovalët që përdoren për ngrohjen e ushqimit aktualisht mund të parandalojnë kancerin. Në Takoma të shtetit Washington mjekja Lyn Clark po kryen disa prova klinike për kurimin e kancerit të gjirit. Kjo paciente thotë se shpresat e shërimit janë të mëdha, që nga fillimi i provave me mikrovale tumori i saj ka filluar të zvogëlohet. Mikrovalët janë plot energji elektro magnetike. Është e njëjta teknologji e përdorur nga sistemi i mbrojtjes me satelit. Energjia elektro magnetike ndonjëherë është fajësuar si shktaktare e kancerit. Por teknologjia e re mjekësore i përqëndron këto valë në mënyrë që të godasin vetëm tumorët dhe asgjë tjetër. Mjekja Lynn Clark beson se brenda 5 ose 10 vjetëve të ardhshëm mënyra me mikro valë mund të zëvëndësojë plotësisht metodën kirurgjike të heqjes së tumoreve. Kjo teknologji nuk kufizohet vetëm me kancerin e gjirit. Në shumë klinike në mbarë vendin tani mikrovalët po provohen edhe kundër kancereve në kokë, mëlçi, prostat e në lëkurë.

__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli

Modifikuar nga NS-6 datė 05/01/2008 ora 23:20

Denonco kėtė mesazh tek moderatorėt | IP: e regjistruar

Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442

Cod. G31122007

Burimi i Informacionit : Zeri i Amerikes
Data e Publikimit : 4/12/2007
Autor : (pa autor)

Puna natën mund të shtojë rrezikun e prekjes nga kanceri

Një njoftim shqetësues për ata që punojnë gjatë turnit të natës një studim i ri thekson se ata janë nën një rrezik të shtuar për t’u prekur nga kanceri. Pas shpalljes së rezultateve të studimit që arriti në këtë përfundim, Agjencia ndërkombëtare për kërkime në fushën e kancerit, degë e Organizatës Botërore të Shëndetësisë tha se së shpejti do ta klasifikojë punën natën si një ndër shkaktarët e mundshëm të kancerit. Dhe ka gjasa që një hap të ngjashëm të ndërmarrë edhe shoqata amerikane kundër kancerit, e cila në të kaluarën i ka parë me dyshim pretendime të tilla të ngjashme.

Dihet se qëndrimi në diell, pa masa mbrojtëse, mund të shkaktojë kancer në lëkurë. Tani thuhet se edhe qëndrimi nën dritë artificiale mund të shkaktojë kancer, jo në lëkurë, por në organizëm. Agjencia për kërkime në fushën e kancerit, thotë se së shpejti ka në plan të shpallë zyrtarisht se njerëzit që punojnë në turnet e natës, mund të përballen me një shkallë më të lartë rreziku nga kanceri. Edhe Shoqata amerikane kundër kancerit thotë se ka të ngjarë të ndërmarrë të njëjtin hap. Dhe ky hap për këtë shoqatë mund të quhet i madh, pasi prej kohësh ajo i ka parë me dyshim të dhënat që e lidhin punës e natës me kancerin, duke i quajtur, si të pabaza, kundërthënëse ose të pavërtetuara. Hapi i tanishëm bazohet në rezultatet e kërkimeve shkencore, sipas të cilave mes njerëzve që punojnë në turnet e natës, rastet e kancerit të gjirit tek gratë dhe rastet e kancerit të prostatës tek burrrat janë më të larta sesa tek ata që punojnë ditën. Por vetëm kjo nuk provon se puna natën mund të shkaktojë kancer. Për të vërtetuar një gjë të tillë duhet që njerëzit që punojnë natën të kenë të përbashkët edhe faktorë të tjerë që i bën ata më të pambrojtur ndaj kancerit. Shkencëtarët shpesh kanë thënë se puna e natës është e rrezikëshme, pasi ajo prek orën biologjike të trupit. Ata thonë se organizmi i njeriut prodhon një lloj hormoni, i quajtur Melatonin i cili pengon zhvillimin e kancerit, dhe është vërtetuar se prodhimi i këtij hormoni gjatë natës pakësohet. Gjithashtu, njerëzit që punojnë nën dritë artificiale ka gjasa të kenë nivele të ulta të hormonit melatonin. Megjithatë ka shumë njerëz që dyshojnë nëse puna natën ka lidhje me kancerin. Por në qoftëse provohet se të punuarit natën mund të bëhet shkak për kancer, kjo do të ndikojë tek miliona vetë në mbarë botën. Llogaritet se afro 20 përqind e fuqisë punëtore në vendet e zhvilluara punojnë natën.

__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli

Modifikuar nga NS-6 datė 05/01/2008 ora 23:12

Denonco kėtė mesazh tek moderatorėt | IP: e regjistruar

Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442

Cod. F31122007

Burimi i Informacionit : Zeri i Amerikes
Data e Publikimit : 26/02/2005
Autor : (pa autor)

Shpresa për trajtimin e depresionit dhe epilepsisë

Për mjekësinë ka qenë i njohur fakti se njerëzit që vuajnë nga çrregullime epileptike në tru ndjejnë edhe simtoma të tjera. Ata janë më të ndjeshëm edhe ndaj depresionit sesa të tjerët. Nga ana tjetër gjithmonë e më shumë prova tregojnë se edhe e kundërta është e vërtetë. Njerëzit që kanë një histori depresioni e kanë më të lehtë të zhvillojnë sëmundje epileptike.

Organizata Botërore e Shëndetsisë përllogarit se rreth 50 milionë njerëz në botë vuajnë nga epilepsia, e cila praktikisht është mbingarkesë e një aktiviteti elektrik që zhvillohet periodikisht në tru dhe shkakton humbje ndjenjash dhe lëvizje të pakontrolluara. Studimet tregojnë se numri i atyre që vuajnë nga epilepsia në vendet në zhvillim është dy herë më i madh duke u krahasuar me vendet e industrializuara.

Lidhja e epilepsisë me depresionin është vënë re shekuj më parë. Hipokrati, fizikan i Greqisë së lashtë, 1700 vjet më parë, kishte vënë re se epileptikët shndërohen në melankolikë. Me të vërtetë epileptikët vuajnë nga depresioni jo vetëm më shumë sesa njerëzit e shëndoshë, por edhe sesa njerëzit me sëmundje kronike si për shembull diabeti. Si rezultat shkencëtarët e kanë konsideruar depresionin si një komplikim të epilepsisë.

Neurologu Andres Kaner i qendrës mjekësore të Shën Lukës në Nju Jork thotë se lidhja midis dy sëmundjeve zhvillohet edhe në drejtim të kundërt.

“Të dhëna nga studime të bëra në Suedi dhe në Universitetin Kolumbia në Shtetet e Bashkuara, tregojnë se në fakt njerëzit me depresion, duke u krahasuar me ata normalë, janë 3 deri në 7 herë më shumë në rrezik për të kaluar në epilepsi.”

Në një konventë të Shoqatës Amerikane për Zhvillimin e Shkencës, të zhvilluar në Uashington kohët e fundit, Z. Kaner shpjegoi.

“Kjo lidhje e dyfishtë midis depresionit dhe epilepsisë ndoshta shpjegohet me faktin se tek të dy sëmundjet mund të veprojnë mekanizëma biologjikë të përbashkët.”

Këta mekanizëma përfshijnë çrregullime në strukturat e trurit të quajtura vrigulli ballor dhe tëmblor, të cilat sipas skanografive të bëra në Shtetet e Bashkuara, Kanada dhe në Evropë kanë tendencë të mblidhen nga epilepsia dhe depresioni.”

“Kështu që nuk është depresioni që shkakton epilepsinë apo anasjelltas, por këto dy sëmundje kanë të njëjtat çrregullime, prandaj në praninë e njërës krijohen kushtet për t’u zhvilluar tjetra.”

Ky këndvështrim i ri i lidhjes midis depresionit dhe epilepsisë, nxit përpjekjet për gjetjen e ilaçeve të përbashkëta në përmirësimin e kurës së dy sëmundjeve. Filip Xhob, farmakologjist nga Universiteti i Illinoit thotë

“Ne kemi zbuluar një fenomen i cili ka hapur një fushë krejt të re terapeutike. Me të dhënat e reja ne kemi mundësinë të krijojmë trajtime mjekësore më efektive të cilat mund të përdoren tek moshat e reja duke u dhënë kështu mundësinë njerëzve të mos ndjejnë më kurrë simtomat e depresionit dhe epilepsisë.”

Nga studimet e bëra theksohet se depresioni kërkon një kurë agresive sepse pacientët me këtë lloj sëmundje janë tre herë më shumë në rrezik ndaj paralizës, diabetit, krizave të zemës dhe Parkinsonit.

__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli

Modifikuar nga NS-6 datė 05/01/2008 ora 23:11

Denonco kėtė mesazh tek moderatorėt | IP: e regjistruar

Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442

Cod. E31122007

Burimi i Informacionit : Zeri i Amerikes
Data e Publikimit : 4/12/2007
Autor : (pa autor)

Skanimet e panevojshme mjekësore shkaktojnë sëmundje

Shkencëtarët thonë se aparatet mjekësorë të skanimit mund të sjellin dëm për shëndetin kur përdoren në raste të panevojshme. Kjo për arsye se këto aparate përdorin rrezatim të lartë.

Xhei Sutfin ka kryer një numër skanimesh. Ky fëmijë 5 vjeçar ka 7 tumore në tru. Tani e nëna e tij ka zgjedhur midis dy alternativave; të vazhdojë skanimet apo të besojë rezultatet e një studimi të ri ku thuhet se skanimet janë të dëmshëm për fëmijët si Xhei Sutfind.

Nëpërmjet skanimit, mjekët mund të shohin se çfarë ndodh brenda trupit të njeriut. Ata marrin imazhe 3 dimensionale që ndihmojnë më mirë për zbulimin e kancerit. Por studimi i botuar në revistën mjekësore të Nju Englandid, paralajmëron se skanimet mund të shkaktojnë kancer dhe se në çdo 3 skanime që kryehen, një është i panevojshëm. Doktor David Brener është një nga autorët e studimit.

Ai thotë se kur një njeri vjen në qëndrën e urgjencës me dhimbje në stomak ose dhimbje kronike në kokë, personi dërgohet menjëherë për skanim, para se të vizitohet nga mjeku. Por kjo procedurë tani vihet në pikëpyetje nga ana e studimit.

Në studimin e doktor Brenerit thuhet se rezatimi radioaktiv që rrjedh nga skanimi do të bëhet shkak për afro 2 përqind të të gjithë kancereve në 20 vjetët e ardhshëm.

Autorët i bazojnë këto shifra tek mbijetuesit e bombës atomike në Japoni, tek të cilët u vu re shtimi i rrezikut të kancerit pasi ata morrën të njëtën dozë rezatimi më atë që pacientët marrin kur kryejnë disa skanimeve. Aparatet e skanimit përdorin doza më të larta rezatimi radioaktiv sesa përdoret nga aparatet me reze Rongen apo X. Por gjatë studimit u vu re se në çdo 4 mjekë, tre prej tyre e nënvlerësojnë këtë dozë dhe se nuk janë të vetdijshëm se shtimi i rrezatimit radioaktiv shton rrezikun e kancerit.

Dhe më shumë në rrezik janë fëmijët si Xhei, organizmi i të cilëve është më i ndjeshëm ndaj rrezeve. Doktor Raimond Ze, është shef i radiologjisë në spitalin e fëmijëve në Uashington.

Ai thotë se fëmijët janë ndryshe. Janë më të vegjël dhe disa organe të tyre janë më të ndjeshëm. Prandaj mjekët synojnë uljen e dozave dhe terapi që t’u përshtatet fëmijëve.

Për të marrë këto pamje duhet më pak se një sekondë dhe kjo mënyrë eleminon nevojën për anestezi, pasi fëmija nuk duhet të lëvizë. Kjo është arsyeja përse numri i skanimeve për fëmijët është rritur dukshëm. Në studim thuhet se një milionë skanime pediatrike në vit nuk janë të nevojëshme, dhe për këtë arsye këta fëmijë përballen me rrezikun e kancerit. Por nëna e Xheit, Kathy Sutfin thotë se në rastin e djalit të saj, të mirat nga skanimi janë më të shumta sesa rreziqet.

Ajo thotë se pa skanim, mjekët nuk do të dinin se çfarë ndodh brenda trupit të pacientit, apo në çfarë gjendje është tumori për të përcaktuar sesi të luftohet ai.

Autorët e studimit janë të një mendimi se skanimet janë një mjet i vlefshëm mjekësor, por mjekët dhe pacientët duhet të sigurohen që kalimi në aparatin e skanimit të bëhet vetëm kur një mënyrë e tillë diagnostikimi është e nevojëshme dhe rrezatimi radioaktiv në nivelin e përshtatshëm.

__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli

Modifikuar nga NS-6 datė 05/01/2008 ora 23:09

Denonco kėtė mesazh tek moderatorėt | IP: e regjistruar

Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442

Cod. D31122007

Burimi i Informacionit : Zeri i Amerikes
Data e Publikimit : 11/12/2007
Autor : (pa autor)

Kontrolli i anestezisë gjatë operacionit

Në prag të operimit, pacientët mendojnë se me anestezi ata nuk do të ndjejnë ndonjë dhimbje. Por në raste të rralla, disa pacientë thonë se gjatë operacionit ata janë përmendur, kanë hapur syrë e janë tmerruar duke parë kirrugun e duke ndjerë në trup bisturinë e tij. Një ngjarje e tillë tregohet e dramatizuar edhe në filmin e ri me titull “Zgjimi” dhe kjo ka rindezur debatet rreth fenomenit të zgjimit gjatë operacionit.

Kjo pjesë nga filmi tregon se si një pacient i vënë në gjumë nga narkoza, papritur zgjohet. Ai ndjen dhimbje të tmerrshme. Por është i pafuqishëm për të komunikuar me kirurgun.

Xhanet Magdalen ka të njëjtën përvojë. Ajo thotë se sapo bisturia e kirurgut preku trupin e saj, e ndjeu menjëherë, por nuk ishte në gjendje të thërriste e as të fliste. E dinte se ishte zgjuar, por krejtësisht e pafuqishme fizikisht.

Mjekët thonë se incidentet kur anestezia nuk ka efekt dhe pacienti zgjohet gjatë operacionit, janë shumë të rralla. Ata thonë se çdo vit mes 1 milionë pacientëve të tillë, rastet e zgjimit gjatë operimit ndeshen në më pak se 1 përqind. Por kur kjo ndodh, arsyeja është se anestezisti ka bërë ndonjë gabim, duke i dhënë pacientit dozë më të pakët ose ilaç të gabuar. Një tjetër arsye mund të jetë edhe bllokimi i venës apo shiringës së anestezisë.

Ka kohë që disa spitale kanë filluar të përdorin një procedurë të quajtur elektro-encefalo-grafi, ose EEG për të vëzhguar veprimtarinë e trurit të pacientit gjatë operacionit.

Doktor Xhon Zervas pranë spitalit Herman thotë se nëpërmjet këtij aparati mjekët mbikqyrin veprimtarinë e trurit që pasqyrohet në mënyrë grafike. Kur shkalla e grafikut rritet mbi një nivel të caktuar, kuptohet se pacienti ka gjasa të zgjohet dhe në këtë rast mjekët shtojnë dozën e narkozës.

Bill Hamm, një tjetër pacient, thotë se e ndjehu veten të mbrojtur kur mësoi se gjatë operimit mjekët do të përdornin aparatin EEG për të t’u siguruar që ai të mos zgjohej gjatë operacionit.

Disa mjekë nuk kanë shumë besim tek efektiviteti i një aparati të tillë. Por edhe pacientët kanë të drejtat e tyre. Këtu në Amerikë, një grup mbi të drejtat e pacientëve i këshillon të gjithë pacientët që para se të hyjnë në sallën e operimit, ata kanë të drejtë t’i bëjnë mjekut pyetje nga më të ndryshmet që lidhen me shëndetin e tyre. Dhe pyetja e parë është; A ka spitali një aparat për kontrollin e veprimtarisë së trurit gjatë operacionit?, dhe, A premton mjeku se ky aparat do të përdoret gjatë operimit? Nëse spitali nuk ka një aparat EEG, atëherë pacienti ka të drejtë të bëjë pyetje të tjera para se të hyjë në sallën e operimit.

__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli

Modifikuar nga NS-6 datė 05/01/2008 ora 23:07

Denonco kėtė mesazh tek moderatorėt | IP: e regjistruar

Regjistruar: 07/12/2007
Vendbanimi: ne Toke te Allahut(s.b.w.t)
Mesazhe: 442

Cod. C31122007

Burimi i Informacionit : Zeri i Amerikes
Data e Publikimit : 23/10/2007
Autor : Astrit Lulushi

Studjuesit : Vizitat tek mjeku janë të nevojshme



Vizitat tek mjeku janë të nevojshme, edhe kur ndjehemi mirë

Kryerja e vizitave të rregullta tek mjeku është me shumë rëndësi, edhe kur ndonjë këmbëngul se ndjehet mirë me shëndet.

... Kështu mendonte edhe një grua nga shteti Minesota, e cila shkoi tek mjeku thjesht për t’u këshilluar për peshën e saj trupore. Dhe jo vetëm ajo, por edhe mjekët u befasua kur zbuluan në trupin e saj një tumor prej 10 kilogramësh.

Xhudi Meginis kishte ndjerë se po shëndoshej në pjesën e belit, por mendonte se kjo ishte pasojë e peshës së tepërt. Ajo nuk ndjente dhimbje, nuk kishte asnjë simptome sëmundje. Por një vizitë tek mjeku zbuloi se çështja ishte më serioze se kaq. Ajo që shkaktonte shtimin e peshës trupore të kësaj gruaje, ishte në fakt një rritje e ngadalshme e tumorit në vezore. Kur kirugët e hoqën tumorin dhe e peshuan, ai ishte rreth 10 kilogram.

Mjeku i saj, Methju Bentei thotë se tumori kishte madhësinë e një shalqini. Doktor Bentei thotë se për asrye se tumoret rriten ngadalë, nuk është e pazakontë që shumë njerëz të gabojnë duke e parë rëndimin si rritje të peshës trupore.

Kjo është arsyeja, përse ekspertët thonë se të mos shkosh tek mjeku qoftë të paktën edhe një herë në vit, pavarësisht se ndjehesh mirë e nuk vihet re ndonjë simptomë sëmundjeje, kjo nuk është ide e mirë.

Shkollat amerikane i kushtojnë rëndësi ushqimit të fëmijëve në mensa

Një studim i ri tregon se shkollat amerikane kanë bërë përparim përsa i përket ushqimeve në menzat e nxënësve. Në raport, lëshuar nga Qendra për Kontrollin dhe Parandalimin e Sëmundjeve, bëhen krahasime me rezultatet e një studimi të ngjashëm, të kryer në vitin 2 mijë.

Për shembull, numri i shkollave shtetërore që ndalojnë ofrimin e ushqimeve të pashëndetëshme u rrit nga 8 përqind në 32 përqind. Numri i shkollave fillore që tani kërkojnë pushime të rregullta midis orëve të mësimit u rrit nga 46 në 57 përqind.

Gjithashtu, tani rreth 70 përqind e shkollave ndalojnë përdorimin e duhanit në të gjitha mjediset e tyre të brendëshme e të jashtme. Kjo shifër është 20 përqind më e lartë sesa 7 vjet më parë. Por në raport thuhet se mbetet ende shumë për t’u bërë.

Për shembull, megjithëse mbipesha mes fëmijëve amerikanë është problem, lënda e edukatës fizike nuk është e detyrueshme në 22 përqind të shkollave të vendit, ndërsa 20 përqind e shkollave nuk kanë në personelin e tyre psikologë për të këshilluar fëmijët me nevoja emocionale.

__________________
Nena eshte shkolle, ne qofte se e pergatite ate ke pergatitur nje popull....... .
O All-llah meshiroi prinderit e mi, sic u kujdesen per mua ne vegjeli

Modifikuar nga NS-6 datė 05/01/2008 ora 23:05

Denonco kėtė mesazh tek moderatorėt | IP: e regjistruar