volter
shpirt artisti
Regjistruar: 19/11/2003
Vendbanimi: Moscow
Mesazhe: 4646
|
2 mars 2007 - mesnate e vonshme
Me stilin dhe mendjen e nje "gjeniu" shkrova kete leter filozofike:
Mbi artet
Te ky kapitull dua të vërtetoj që, jo vetëm filozofia mund të zbërthejë joshjet e mundshme të ekzistencës, por dhe artet shqyrtojnë me elegancë joshëse për zgjidhjen e çështjes së ekzistencës. Nëse filozofia flet me gjuhën e mendimit kah hulumtimi, atëherë, artet flasin me gjuhën e intuitës, ose të asaj që poetët shpeshherë mund ta quajnë nga regjia hyjnore! Çdo vepër arti e vërtetë është një shprehje e shenjtë, që buron nga regjia e hyjnores apo hyjnores art, dhe mbas gjithë këtij shenjtërimi, - ekzistenca e natyrës së njeriut apo e Perëndisë, i përgjigjet vetëm nëpërmjet traktateve të intuitës. Poetët dhe çdo artist mishërojnë veprat e tyre origjinale me intuitë, dhe në çdo art të tyre flet dija e ekzistencës së natyrës apo e sendeve. Vepra e artit të vërtetë, unë mendoj me gjithë virtytin e mundshëm të të menduarit, flet me mishërim për problemet e ekzistencës, për shpirtin, ndjenjat tek një qenie njerëzore dhe udhëtimin drejt njeriut absolut! Një vepër e artit, përpiqet sa më denjësisht, fjalës ti japë liri, dhe ti ikë sa më shumë që të jetë e mundur kufizimeve përgjatë të të menduarit, dhe në pjesën thelbësore tregon jetën dhe ekzistencën ashtu siç mund të paraqitet në vizione të ndryshme intuitive, dhe siç mund të duket në realitet! Shembuj të modifikuar kemi në letërsi te rasti me Alber Kamy, me protagonistin e romanit I huaji - Merso; pastaj te Franc Kafka, me protagonistin e romanit Procesi - Jozef K. apo të Gregor, te romani Metamorfoza. Tek I huaji, Alber Kamy, na paraqet shkoqur mendimin e ekzistencës absurde te njeriu. Tek Procesi, Franc Kafka, na paraqet llojin tjetër te ekzistencës, ku njeriu edhe pasi të përcaktohet nga formalitetet, mund të jetojë i shthurur, pa e ndier problemin si një qëllim kryesor në jetë, që kërkon apo duhet të zgjidhet. Tek Metamorfoza, Franc Kafka, po sjell personifikimin e vetvetes, me personazhin Gregor, ku një ditë ky i fundit zgjohet nga gjumi, për të kuptuar se është shndërruar në një insekt gjigant. Të gjitha në njëfarë mënyre tregojnë ekzistencën e njeriut dhe të botës! Relativiteti natyror i njerëzimit, i shprehur në çdo vepër arti apo filozofie, përfundimisht shenjon hapin mbi vullnetin e Zotit! Ekzistenca e një njeriu nuk do të thotë të varet kurdoherë nga vetë vullneti i tij, apo dhe nga shoqëria që e përbën, por shpeshherë ndodh që vullnetin mund ta gjejmë te Zoti. Artet e vërteta, përpara vetes kanë një gjeni dhe një profet, dhe që nga forcat e ndryshme të bekimit, udhëzohen nga muza duke ndërtuar me art një kullë në qiellin hyjnor; - pikërisht këtu qëndron gjithë thelbi i arteve!
P.
__________________
Poets were the first teachers of mankind. Horace
Denonco kėtė mesazh tek moderatorėt | IP: e regjistruar
|
15 Janar 2007 12:33
Forumi Horizont > Tema Shoqėrore > Filozofia > Gjeniu!
