briseide
Shtrige
Regjistruar: 12/02/2007
Vendbanimi: Rrefime memece
Mesazhe: 4388
|
Per ju "Pango gate" 2,hakmarrja 
Pango: Kërkoj falje publike që e futa vajzën në shtëpi
Tani që ndoqa dy emisionet tuaja në televizion, u ftillova se gjithçka është e montuar.... Me këto fjalë të para ndërhyri me anë të telefonit në emisionin Opinion të gazetarit Blendi Fevziu në TV Klan, ish-ministri i shkarkuar i Kulturës, Ylli Pango.Fevziu: Si ia vini ju emrin gjithë kësaj që keni bërë?
Pango: Unë ia vë emrin një provokacion, shantazh dhe skenar i ndërtuar në mënyrë diabolike në cinizmin më ekstrem i cili mund të shkatërronte jetën e çdo njeriu këto dhe në botë.
Fevziu: Ndiheni fajtor?
Pango: Për këtë moment që ka parë publiku ku janë prerë sekuenca, unë e ndjej që duhet ti rezistoja këtij provokacioni dhe për atë moment i kërkoj falje publikut. Por në atë moment dhe atë periudhë që është shfaqur nuk i kam kërkuar absolutisht asnjë raport, dhe një pjesë e parë e kasetës shpjegon shumë për pjesën e dytë.
Fevziu: I keni kërkuar marrëdhënie seksuale kësaj vajze?
Pango: Absolutisht nuk është kërkuar asnjë marrëdhënie seksuale.
Fevziu: I keni kërkuar të ekspozojë me rroba banje?
Pango: I është kërkuar të ekspozohet sepse në mjaft nga pavionet ekspozohen femra me rroba banje dhe kam menduar që këtë ta bëjmë edhe në panairin tonë.
Fevziu: Pse duhet të ekspozonte në shtëpinë tuaj me rroba banje?
Pango: Përpara se të ndodhte kjo, kjo vajzë e cila është shumë e njohur për mua dhe nuk është njohur aty për herë të parë, por ka vite që njihet, ka ardhur dhe më vjen çudi si nuk e ka paraqitur kamera, me treçerekun e gjoksit jashtë. Kjo ngjarje është në shtëpi.
Fevziu: Një vajzë ju ka kërkuar përmes një rekomandimi të punësohet...
Pango: Kjo vajzë e cila ka kërkuar punë, ka ardhur me ndërhyrjen e Filip Çakulit, i cili njihet me mua prej 40 vjetësh. Me këtë zotëri që ka paturpësinë të shkatërrojë jetën time, mu kërkua si nder, e mora parasysh. Kur pashë që notat ishin të mira i ofrova punë, madje edhe punë plotësuese, që u transmetua sot. Nuk ka pasur asnjë ndërhyrje siç thotë gazetarja e Top Channel që ka qarë.
Fevziu: Kësaj vajze i keni kërkuar takim në shtëpi?
Pango: Absolutisht. Kjo vajzë nuk i është ofruar punë vetëm në ministri, por edhe në Institutin Shqiptar të Studimeve Sociale dhe Psikologjike dhe i është kërkuar që të shkojë atje përpara se të shkoja unë, pasi kishte edhe njerëz të tjerë në institut që prisnin. Kjo vajzë nuk ka dashur të interpretojë këtë gjë, e ka mohuar dhe e ka interpretuar sikur unë e kam ftuar në shtëpinë time. Kamera e Top Channel ka kapur poshtë Ylli Pango, ndërkohë që po të shkonte lart do shikonte Institutin Shqiptar të Studimeve Sociale dhe Psikologjike.
Fevziu: Kjo vajzë është parë me mikrofon, duke iu përgjigjur telefonatës suaj. Pse e morët në telefon këtë vajzë?
Pango: Më kishte marrë më përpara dhe më ka kërkuar punë me insistim dhe më ka ndërhyrë edhe Filip Çakuli. Por nuk jepen këtu telefonata e vajzës, por ato që kam bërë. Ia bëra të gjitha këto (makina me shofer) për ti kryer komoditet. Shoferi është zyrtar. Është ndërhyrja e mikut tim. Edhe ministrat bëjnë ndere. Kësaj vajze i është garantuar që në institut do të gjejë njerëz, kurse kamera ka fiksuar vetëm emrin tim. Është kërkuar të vijë edhe në mëngjes edhe pasdite. Kjo vajzë është dashur aty, sepse ka pasur mungesë njerëzish dhe përderisa kishte nota të mira dhe kisha ndërhyrje mund të bënte këtë punë.
Fevziu: Ju kërkoi punë, i ofruar punë në ministri apo në institut?
Pango: Në të dyja dhe pastaj nguli këmbë për në ministri. Ajo vajzë nuk erdhi fare në institut, me pretendimin se aty mund ti ndodhte ndonjë gjë. Biseda e transmetuar sot i thashë se aty ka njerëz. Duke parë që nuk donte i thashë dakord për në ministri.
Fevziu: U punësua në ministri kjo vajzë?
Pango: Kjo u largua dhe nuk u kthye më fare.
Fevziu: Përse një vajzë me rekomandim duhet të përgjohet? Pasi ka bërë përgjimin vajza është tërhequr se nuk ka dashur të përzihet. Kjo vajzë është e njohur apo e panjohur për ju?
Pango: Kjo vajzë është larguar sepse me të nuk u realizua dot pjesa e skenarit të përgatitur nga Filip Çakuli dhe padroni i tij Edi Rama. Kjo vajzë ka bërë vetëm biseda telefonike. Ajo ka pretenduar se unë do i them ndonjë fjalë nga ato që donte Filip Çakuli. Provokacionin e parë Ylli Pango e ka përballur. Kjo vajzë ka ardhur me veshje mjaft të papërshtatshme. Vajza ka bërë vetëm biseda normale. Unë do ti kërkoj prokurorisë të zbardhë të gjitha bisedat. Vajza siç erdhi dhe iku, pasi nuk u realizua dot skenari.
Fevziu: Pastaj erdhi një vajzë tjetër. E njihnit këtë vajzë?
Pango: Vite përpara. Në një emision publik si opinioni juaj, por jo i tillë. Për arsye etike se them sot, por jam gati ta them kur të doni dhe ku të doni. Është e njohura ime dhe prandaj kam thënë që është një problem personal.
Fevziu: Çdomethënë e njohura?
Pango: Është njohur në rrethana publike. Kjo vajzë më ka kërkuar edhe shkollë kur kam qenë dekan dhe jam përpjekur ta ndihmoj brenda rregullave. E kam takuar edhe vite më parë, por jam habitur nga transformimi i saj kur më doli përpara në ministri.
Fevziu: Keni pasur marrëdhënie më parë?
Pango: Jo. I thashë ku ju kam parë unë ju. Momenti i parë ishte i habitshëm. Ajo më pas ma sqaroi. I thashë të kërkoj falje dhe pashë që kish rënë shumë kile në peshë. Pas kësaj unë kam ritakuar të njohurën time të vjetër, e cila është futur në rolin e gazetares investigative. Ajo që ka dalë në Top Channel është ajo, është një tjetër. Është e dëshmuar që unë e njoh prej vitesh.
Fevziu: Jeni njohur personalisht?
Pango: Vite më përpara në studio dhe pastaj personalisht. Padyshim që e njoh. Atë ditë i thashë hajde nesër në orën 10.
Fevziu: Erdhi në ministri çndodhi?
Pango: Nuk erdhi në ministri. I ka rënë telefonit, këto janë ato telefonata që nuk i zbardh Top Channel dhe më ka kërkuar kurdo sido që të ishte puna. I thashë do takohemi pasdite në ministri. Nuk erdhi pasdite. Pasdite në ministri ka njerëz deri vonë. Nuk ka ardhur në ministri dhe unë kam shkuar në shtëpi. Kur kam shkuar në shtëpi jam marrë në telefon nga zonjusha dhe më tha a të vij unë. I thashë jam shumë i lodhur dhe nuk jam më në ministri, jam në shtëpi. Ajo u tregua e gatshme të vij në shtëpi.
Fevziu: Pse duhet ta prisnit ju ministër në shtëpi?
Pango: Kam njohje të vjetër me të. Më ka kërkuar punë. Këtë njeri e kam ndihmuar. Mora përsipër ta ndihmoj. Hap derën dhe shoh një vajzë krejtësisht të transformuar, me një dekolte të ekzagjeruar. Ishte e njëjta vajzë. U ngjitëm lart dhe fillojmë bisedën për peshën.
Fevziu: U fol për një oxhak në shtëpinë tuaj...
Pango: Nuk kemi qenë pranë oxhakut, edhe kjo mund të dëshmohet. Filloi biseda për peshën. E gjithë kjo pjesë që duhet të zbardhet është prerë. I kam thënë që është e habitshme se si mund të bjerë njeriu kaq shumë dhe përgjigja ka qenë që marr disa ilaçe, që mund të më bëjnë dëm edhe në stomak, por me ato kam arritur të dobësohem kaq shumë. Në raste të tilla i thashë ndodh diçka që lëkura transformohet dhe rrudhet dhe aty është kapur ajo sekuencë që i kam thënë dale të shoh pak lëkurën. Duke pasur parasysh konfidencën e pasur që përpara me të, këtë gjë edhe mund tja thosha. Pastaj ka ardhur momenti, që u dha pjesa e amplifikuar për publikun, unë për këtu bëj apologji të thellë. Provokacione të tilla jam me të vërtetë nga më të rrezikshmet dhe janë skenarë të cilët janë të palejueshëm sepse janë me qëllim të përcaktuar. Nëse një vajzë vjen me veshje normale ka shumë më pak të ndodhin gjëra të tilla. Kur ka thënë të dalë nudo, i kam thënë jo, me rroba banje.
Fevziu: U ka thënë ajo të dalë nudo?
Pango: Po.
Fevziu: Sështë kjo pjesë?
Pango: Po është. I kam thënë jo nudo, me rroba banje. Këtu nuk ka kërkesë për seks. Pas kësaj është kërkuar pjesa e sipërme dhe kjo pjesë është shkëputur, është dhënë shumë herë, me këtë pjesë është bërë xhiro botërore, me këtë pjesë unë dhe familja ime jemi të traumatizuar, ndërkohë që kjo gjë i ka ndodhur shumë njerëzve.
Fevziu: Më thonë që gazetarja është filmuar 3 herë në ministri. Ju thatë një herë...
Pango: Ajo kur ka ardhur në ministri ka shumë mundësi që të ketë takuar njerëz të tjerë, por jo mua. Megjithatë takimet që mbaj unë mend, janë një takim të dera, ku po dilja me nxit dhe pastaj takimi në shtëpi.
Fevziu: Më thonë që vajza nuk ka takuar të zhvishet, i keni thënë ju...
Pango: Përpara se të kalonim në bisedën e daljes me rroba banje për të bërë një ekspoze, kemi diskutuar për rënien e saj në peshë. Kjo pjesë është hequr.
Fevziu: Si një ministër merr një vajzë në shtëpi...
Pango: Ky është momenti që e pranoj dhe bëj apologji. Nuk i është kërkuar seks. Nëse do filmoni pozat e saj më përpara nuk është siç e nxjerr aty dhe pasi ka rezistuar i është thënë në rregull ska problem, mos u shqetësoni.
Fevziu: I keni thënë për mbërthecka që nuk hapen...
Pango: Ky është ai momenti për të cilin unë pranoj që rashë pre e provokimit e pamjes së saj dhe faktit që një femër vjen kaq natën vonë që edhe mundet të shikohet, por thjesht të shikohet. Pastaj u la.
Fevziu: Kërkoni falje?
Pango: I kërkoj falje për këtë pjesë. Në zyrë kanë ardhur dhe kam mbajtur qëndrimin më korrekt.
Fevziu: Ju duket e denjë për gjuhën e ministri, që të jeni e denjë për këtë vend pune...
Pango: E guximshme do me thënë që të kesh guximin të dalësh me rroba banje nëpër panaire. Kjo pjesë mund të interpretohet. Por nuk është kërkuar kurrë seks.
Fevziu: Si duhet ti ketë përmasat një femër që duhet të marrë pjesë në panaire...
Pango: Ju duhet ti dini se jeni djalë me gusto.
Fevziu: Topalli deklaroi se keni turpëruar moralin e PD...
Pango: I jap të drejtë Berishës që pas asaj goditje shokuese, të mbante qëndrimin që mbajti. Pa dyshim që ka qenë një qëndrim i cili smund të ishte ndryshe, pasi kjo media e orkestruar nga Edi Rama dhe vegla e tij Filip Çakuli ka bërë një skenar diabolik që smund ti shpëtonte njeriu.
Fevziu: Kur morët dijeni për videon?
Pango: Para emisionit me Çashkun. Nuk dija asgjë dhe po vrisja mendjen. Fillova të pyes dhe ishte hermetike. E mora dhe Çakulin më gënjeu disa herë që nuk ishte në Shqipëri. Ka pasur telefonata anonime që më është kërkuar ti përgjigjem kësaj.
Fevziu: Ju është kërkuar që të jepni para për këtë çështje?
Pango: Pikërisht pra. Unë nuk kam ofruar para. Më kanë thënë që është një çështje shumë e madhe dhe që digjesh përfundimisht.
Fevziu: E sqaruat kryeministrin për çfarë bëhet fjalë?
Pango: Sqarimi i sotëm është sqarimi i parë publik. Për të gjithë njerëzit që rri në shtëpi, kam qenë i goditur. Kryeredaktori i këtij emisioni, Armir Shkurti ka konflikt interesi, kunata e tij ka punuar te unë dhe më pas është hequr për paaftësi. Edhe nga grupi i PD-së që kanë fërkuar barkun, por edhe njerëz shumë korrekt.
Fevziu: Nëse ju merr të pandehur prokuroria çdo të bëni?
Pango: Do të kërkoj ato që thashë këtu sot. Të gjitha kasetat filmike.
Fevziu: Do ta dorëzoni mandatin e deputetit?
Pango: Mandatin ma ka dhënë zona 38, është një mandat i marrë me gjak, me luftë, me djersë, është një mandat që sma ka dhuruar asnjë deputet apo kryetar parlamenti. Heqja e këtij mandati nuk i bën mirë jo vetëm Ylli Pangos, por as PD-së. Të heqësh mandatin do të thotë të kërkosh zgjedhje në atë zonë dhe kjo srealizohet dot.
Fevziu: Do kërkoni heqjen e imunitetit?
Pango: Patjetër. Do ti lutem prokurorisë të verifikojë autenticitetin e kasetave.
Gazeta Panorama
__________________
I had seven faces,Thought I knew which one to wear...
Denonco kėtė mesazh tek moderatorėt | IP: e regjistruar
|
06 Mars 2009 11:37
Forumi Horizont > Media dhe Politika > Politika Shqiptare > Shfrytezimi i Postit:Ministri Imoral Pango!
