Regjistruar: 11/06/2002
Vendbanimi: Europe
Mesazhe: 10706

Tirane, bastiset gjykata

Shoferi i gjykates se Shkalles se Pare Tirane, pardje pasdite si perhere, e parkoi automjetin e tij prane ish-Bllokut, ne rrugen "Sami Frasheri", te lagjes nr 29. Por nuk e kishte menduar se te nesermen s'do ta shihte me. Ne oren 02.00 te mengjesit te djeshem, makina tip Benz e titullarit te gjykates, ishte zhdukur dhe shoferit, nuk i mbetej tjeter vecse te denonconte hajdutllekun. Forcat e Komisariatit nr 2 te policise ne Tirane, menjehere sapo moren kallezimin nisen kerkimet. "Ne arriten ne disa ore te biem ne gjurmet e hajdutit, pasi mesuam se i njejti qe kishte kryer vjedhjen e makines se gjykates, kishte perlare edhe nje Land Rover, prone e nje shtetasi", treguan burimet zyrtare ne kete komisariat. Sipas tyre, te dy makinat iu rikthyen pronareve, kurse 35 vjecari nga Elbasani, Dritan Telezi, u arrestua ne flagrance, si i dyshuar i vetem i vjedhjes se dyfishte. "Pas prangosjes, ne zbuluam se Telezi, kishte vjedhur edhe kasetofonin e nje makine tip "Peugeot", ne rrugen "Komuna e Parisit", pak dite me pare", detajoi policia.
-----------------------------------

Tani ose une jam apsajt nga mendte ose ky gazetari i Korrierit flet fjale qe as vete nuk i kupton. Cfare domethene bastis ? Kisha pershtypjen qe bastisja eshte nje hajdutllek i madh, nje plackitje, boshatisje a ku di une. Si mund te quhet gjykata e bastisur se vidhet nje makine e saj rreth 1 kilometer larg gjykates. Kur lexova titullin thashe se kishin vjedhur dokumentat e kushedi sa gjyqeve. Me pas lexova lajmin dhe pashe se gjykata nuk hynte fare ne tragjedi, por ishte vetem nje makine e vjedhur tek shtepia e shoferit. Apo thua hajduti ta kete ditur qe eshte makina e gjykates dhe ka dashur ta ...bastise.

Le te flasim pak mbi bastardimin e gjuhes shqipe ne kete teme.

Denonco këtë mesazh tek moderatorët | IP: e regjistruar

Regjistruar: 13/08/2004
Vendbanimi: .
Mesazhe: 1280

Pershendetje Fajtor,
Personi ne artikullin qe paraqet ti them se e ka perdorur ate fjale (te gabuar) qe ti jape me shume "bujo" nje ngjarje qe ndoshta me perdorimin korrekt te fjaleve (si psh vidhet nje makine e gjykatesit etc) nuk do kishte pasur aq lexues.
Gazetaret kane te drejte te zgjedhin mire tituj qe jane terheqes per nje ngjarje qe mund te mos jete edhe aq interesante, por perdorimi i gabuar i fjaleve e tepron dhe nuk tregon aspak profesionalizem.


Do thoja qe gjuhen shqipe kryesisht e ka influencuar per keq media televizive dhe gazetat/revistat. Ne nje perpjekje per tu dukur te modernizuar kane huazuar shume fjala te huaja (qe shume kollaj mund te perkthehen ne shqip) dhe i kane perdorur vend e pa vend.

Nje personi si mua, (qe kam 8 vjet jasht Shqiperise) i falet gabimi ne perdorim te fjaleve nga qe fjalori jashte varferohet dhe ka influenca nga gjuha qe perdor c'do dite (angleze). Por, gazetareve qe mbarojne shkollen per ate pune dhe ne nje ane pasqyrojne nivelin e gjuhes ne Shqiperi nuk i falen gabimet qe bejne. Tani, nuk eshte se po flasim per nje gabim ortografik por kjo eshte nje dukuri qe shifet qarte ne 2/3 e artikujve qe lexohen. Qe te mos permendim ketu revistat e mbushura me fjale te huaja (te cilat i fusin vend e pa vend) dhe spektaklet televizive qe huazojne jo vetem idete e spektakleve por edhe nje sasi te madhe fjalesh nga e gjithe bota te cilave thjeshte i jepet intonacion "shqip".

po marr nje shembull: nuk e kuptoj pse duket me terheqes nje titull si "Adi Krasta Show" ne vend qe te jete "Spektakli i Adi Krastes" ? Fjala e huaj e ben me modern? apo titulli i shkon me shume spektaklit meqe ideja nuk eshte origjinale (dhe shqiptare) prandaj edhe titulli le te mos jete i tille?
Ne fakt dicka e tille them se e ben fjalen "show" me te perdorur ne publik dhe gjithashtu shemton muhabetet sidomos kur do ti referohesh spektaklit ne nje diskutim psh. te duhet te thuash "shikova showin e Adi Krastes" qe s'ka pike korrektesie ne gramatike, ne vend qe te thuash "shikova spektaklin e Adi Krastes (ose filanit)"

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Shume mire. Le te mbledhim disa materiale ne kete teme qe te kemi me cfare te tallemi me pronaret e gazetave. Kush sheh terminologji te huaj neper gazeta dhe media le ti hedhe ketu. Do vije nje dite qe ndonje gazetar do hyje ketu te lexoje brockullat qe shkruan dhe mund te thote: Ok, me falni.

Denonco këtë mesazh tek moderatorët | IP: e regjistruar

Regjistruar: 21/01/2004
Vendbanimi: Canada
Mesazhe: 280

Pasi te lexoni shkrimin e me poshtem te Migjen Kelmendit me thoni se a duhet te shkruaj per gjuhen Shqipe nje person qe nuk e njeh ate. Nuk e kam fjalen se ka shkruajtur ne djalekt por per fjalet e shumta te huaja qe skane asgje te perbashket me kete djalekt ose gjuhen letrare Shqipe. Ja disa fjale jo Shqipe qe ky person (them person sepse nuk e di se cfar eshte gazetar "studjus" apo thjeshte ndonje qe i pelqen te shkruaj)

-- fondamentale, standart,monstrozitet, petrifikimi, kompromiton e shume te tjera si keto qe une nuk i shkrova.


Gjuha Amtare, Europa e jo Enveri
E Diele, 03 Prill 2005
Projektligji per Gjuhen Shqipe shkel rande dinjitetin dhe te drejtat fundamentale te dy te tretave te tane shqiptareve qe Gjuhe Amtare e kane Gegnishten dhe kane 'fajin' se nuk jane Toske

Moto: Me kete projektligj, Gjuha Shqipe bahet e vetmja gjuhe ne bote, e cila me ligj mbrohet nga vetvetja (sic!). Sepse, me e mbrojte Standardin '72 (i cili, fund e maje asht nji Tosknishte e standardizueme) prej variantit Gege te Gjuhes Shqipe, i bjen me e mbrojte Gjuhen Shqipe nga Vetvetja. I bjen, si me thane, me e mbrojte British English nga American English. I bjen- monstruozitet. Cmendi. Nuk asht ligji qe e mbron nji gjuhe, por kultivimi, pasunimi dhe krijimi i mundesive me u zhvillue ma tej. E jo petrifikimi dhe perpjekja e bunkerizimit te gjuhes. Projektligji kompromiton rande percaktimin demokratik te Parlamentit Shqiptar dhe frymen europiane si synim te kesaj administrate dhe te shoqnise shqiptare ne pergjithesi. Ju mundeni me e propozue, e bile edhe me e aprovue nji ligj per gjuhen shqipe, me te cilin gjymtohet dhe pamundesohet zhvillimi i saj, por vetem deri ne diten kur shteti shqiptar dhe shoqnia shqiptare, ma ne fund, europianizohet. Deri ne diten kur shteti dhe shoqnia shqiptare, ma ne fund, lirohet nga nji enverizem i mbrendshem

Nga Migjen Kelmendi

Qe nga dita e shembjes se komunizmit, ne shoqnine shqiptare, jo vetem mbrenda shtetit shqiptar, bahet panderpre nji kerkese, gati klithme, per hapjen e debatit per Gjuhen Shqipe dhe nevojen e rishikimit te Standardit te vitit 1972. Me keqardhje te madhe mesova se autoritetet shqiptare, Parlamenti Shqiptar, ne vend se me e hape dhe me i ftue qytetaret ne debat, ka pregadite dhe ka prue nji projektligj per gjuhen shqipe, tue u mundue me i dhane fund e me ia mbylle nji-here-e-pergjithmone hapsinat ketij debati.

Motivet qe i kane ba keto autoritete me e pregadite projektligjin ndoshta nga kandveshtrimi i tyne duken te arsyeshme, por permes kesaj letre me lejoni me e ofrue nji kandveshtrim tjeter ne krejt kete cashtje. Kam shprese se kjo leter ofron njaq fakte sa me u argumentue natyra kontraverse, qellimi monstruoz dhe antihumanist e antieuropian i dizajnuesve te ketij propozimligji.

Tue nis prej Nenit 1 te tij ("Gjuhe zyrtare ne Republiken e Shqiperise eshte gjuha shqipe"), dizajnuesit e ketij propozimligji deshmojne se vazhdojne me keqperdorimin dhe keqinterpretimin e asaj qe quhet dhe ne te vertete asht Gjuha Shqipe. Nji pergjigje qe kesaj pyetje (Cka quejme dhe cka pandehim Gjuhe Shqipe?) ia bani Kongresi i Drejtshkrimit i vitit 1972, simbas shume albanologeve dhe studiuesve te shqipes, ishte pergjegje joshkencore dhe jocivilizuese ne kete pyetje. Nji shoqni demokratike dhe institucione kredibile, para se kishin me e ofrue nji projektligj, e kane per detyre me ia ba te mundun qytetareve mundesine me u familiarizue me faktet dhe me dokumentet e kohes se standardizimit. Kane per detyre me i hape debatet per te gjitha rezervat ja kontestimet qe i bahen Standardit '72 dhe promovimit te tij si e vetmja pergjegje ne pyetjen se, Cka quejme dhe cka pandehim se asht- Gjuha Shqipe?

Vetem kur njerezit kishin me e shterre te drejten e tyne fundamentale me i njofte faktet, me u familiarizue me tana dokumentet dhe kundershtimet e bame ndaj nji vendimi, dhe vetem mbas debateve te hapuna me pjesemarrje te mediave dhe te nji numri te madh qytetaresh, nji institucion demokratik, nji institucion kredibel, kishte me dale me nji propozimligj. Ne shoqnite demokratike, projektligji, ne te vertete, asht emanacion i ketij debati dhe ketij familiarizimi te qytetareve me faktet. Kjo asht procedure e shoqnive demokratike dhe institucioneve qe pretendojne ligjshmenine dhe proceduralitetin.

Menyra se si u pregadit dhe si u ba publik ky projektligj, tue i ba lak tana mundesive qe njerezit qe mendojne ndryshe me i ba veretje e me e dhane mendimin e tyne, tue i ba lak te drejtes se qytetareve me u njofte me te vertetat dhe dokumentet e Standardit '72, verteton sine qua non se dizajnuesit e ketij projektligji jane njerez te proviniences komuniste, per te cilet demokracia s'ka ndodhe ne Shqipni, sepse per ta- Ligji ende mbetet instrument i Diktatit e jo Konsensusit.

Ky ligj e ban eksplicite natyren antidemokratike te projektuesve te ketij projektligji, tendencen antieuropiane dhe antihumanizmin e tyne.

Ambicia dhe aspirata e shtetit shqiptar me iu bashkue Unionit Europian promovohet nga kjo administrate si e pakontestueshme. Por, me lejoni shkurt me i permend vetem disa nene europiane me te cilat ky ligj bie ndesh:

Projektligji i propozuem nga Parlamenti Shqiptar bie ndesh me Nenin 1 te Kartes se te Drejtave Fundamentale t'Unionit Europian (CHARTER OF FUNDAMENTAL RIGHTS OF THE EUROPEAN UNION)

Dinjiteti Njerezor

Neni 1

Dinjiteti i njeriut asht i pacenueshem. Duhet me qene i respektuem dhe i mbrojtun.

Dinjiteti i njeriut nuk asht vetem e drejte fundamentale ne vetvete, por edhe konstituon bazen reale per te drejta fundamentale. Prandaj, ne frymen e ketij neni dhe te principeve te permenduna ne preambulen e Deklarates Universale per te Drejatat e Njeriut, t'aprovueme ne vitin 1948, qe i kushtohen dinjitetit te njeriut, mendoj se projektligji me Nenin 4 te tij, njashtu si asht artikulue e ndertue e arsyetue, shkel rande dinjitetin e dy te tretave te tane shqiptareve qe Gjuhe Amtare e kane Gegnishten dhe kane 'fajin' se nuk jane Toske.

Neni 22

Diversiteti kulturor, religjioz dhe gjuhesor

Unioni respekton diversitetin kulturor, religjioz dhe gjuhesor

Me u bazue ne Nenin 22 te Kartes se te Drejtave Fundamentale t'Unionit Europian (CHARTER OF FUNDAMENTAL RIGHTS OF THE EUROPEAN UNION) del se projektligji shkel rande te drejten fundamentale te njeriut me u zhvillue, me u shkollue dhe me krijue ne Gjuhen Amtare. Dy te tretat e tane shqiptareve nuk e kane zgjedhe Gegnishten si Gjuhe Amtare. Ajo asht e drejte e tyne e lindun. Prandaj, projektligji cenon rande dokumentet europiane me te cilat nji shtet demokratik, qe ka pretendimin me iu bashkue Unionit Europian, ka per obligim me e kultivue diversitetin edhe gjuhesor. Uniteti n'Diversitet, qe cka domethane me qene Europian. Europian domethane me e respektue Tjetrin, Kulturen e tij, Gjuhen e tij, Religjionin e tij. Me kete projekligj Parlamenti Shqiptar promovon dhe mbeshtet Ekskluzivitetin, Jotolerancen dhe Tehuejsimin si parime, tue ra ndesh rande me frymen e tana ligjeve europiane, sepse cdo parlament me pretendime europiane duhet me i respektue diversitetet dhe me i perfshi ato ne tana nivelet e qeverisjes dhe te veprimit politik.

Me kete projektligj, Gjuha Shqipe bahet e vetmja gjuhe ne bote, e cila me ligj mbrohet nga vetvetja (sic!). Sepse, me e mbrojte Standardin '72 (i cili, fund e maje asht nji Tosknishte e standardizueme) prej variantit Gege te Gjuhes Shqipe, i bjen me e mbrojte Gjuhen Shqipe nga Vetvetja. I bjen, si me thane, me e mbrojte British English nga American English. I bjen- monstruozitet. Cmendi. Nuk asht ligji qe e mbron nji gjuhe, por kultivimi, pasunimi dhe krijimi i mundesive me u zhvillue ma tej gjuhen shqipe. E jo petrifikimi dhe perpjekjea e bunkerizimit te gjuhes. Projektligji kompromiton rande percaktimin demokratik te Parlamentit Shqiptar dhe frymen europiane si synim te kesaj administrate dhe te shoqnise shqiptare ne pergjithesi. Ju mundeni me e propozue, e bile edhe me e aprovue nji ligj per gjuhen shqipe, me te cilen gjymtohet dhe pamundesohet zhvillimi i saj, por vetem deri ne diten kur shteti shqiptar dhe shoqnia shqiptare, ma ne fund, europianizohet. Deri ne diten kur shteti dhe shoqnia shqiptare, ma ne fund, lirohet nga nji enverizem i mbrendshem.

E ka edhe nji aspekt kjo cashtje. Ate patriotik. Tane ata qe ishin angazhue per kete cashtje, qe personalisht e konsideroj si fundamentale per demokratizimin dhe europianizimin e shoqnise shqiptare, jane akuzue si percames, si te dyshimte, jane etiketue e anatemue.

Por, projektligji mendoj se demaskon perfundimisht, tue i ba eksplicite, tendencat e Percamjes e jo te Bashkimit te propozuesve dhe dizajnuesve te ketij projektligji. A jane Percamese tendencat qe kerkojne nji Standard te Shqipes, ku kishim me perfitue e me u ndie mbrenda Gjuhes Amtare tane shqiptaret, apo perpjekja me dominue permes disa vendimeve gjuhesore qe favorizojne nji varietet te shqipes, Tosknishten, tue e damtue rande hapsinen e Gjuhes Shqipe? Sepse, projektligji perfundimisht percan dhe damton perpjekjet per avansimin dhe pasunimin e Standardit Shqip dhe te Gjuhes Shqipe, tue i ofrue iluzionin, folesve toske dhe elites me provinience komuniste, e t'jetuemit ne nji komunizem gjuhesor. Komunizmi si ideologji pesoi fiasko, por komunizmi gjuhesor doli triumfant, na thote ky projektligj.

Ju garantoj, vetem edhe per nji kohe te shkurte. Derisa nuk ndodh ajo qe une e quej Elevim i Paradigmes Dominante Kulturore. Derisa nuk ndodhe- Europianizimi i Shoqnise dhe Shtetit Shqiptar.

Ne shoqnite demokratike ligji asht instrument i marreveshjes, i konsensusit, e jo i diktatit. Nuk asht ligji pergjegja, por debati. Mos u tutni nga debati. Tutuni nga diktati. Askush ma mire se ju s'e din se cilat jane pasojat e diktatit. Mos aprovoni ligje qe munden me e kompromitue institucionin dhe kredibilitetin tuej si legjislatore. Mos lejoni me u kompromitue percaktimi europian i shoqnise dhe shtetit shqiptar me keso propozime qe shkelin rande dinjitetin dhe te drejtat fundamentale te qytetareve. Europa, pra, e jo- Enveri, te nderuem legjislatore!

Prishtine, 29 Mars 2005

__________________
Te gjithe jetojme nen te njejtin qiell, por jo te gjithe kemi te njejtin horizont

Denonco këtë mesazh tek moderatorët | IP: e regjistruar

Regjistruar: 13/08/2004
Vendbanimi: .
Mesazhe: 1280

sa ironike qe flet per gjuhen shqipe ky artikulli ...

Sikur i humb vlera edhe artikullit kur vemendjen ta terheqin fjale te huaja edhe te mdhaja dhe perpjekja per ti kuptu qellimin ne fjaline perkatse.

Persa i perket dialektit edhe qellimit te artikullit me pelqejn (meqe gegnishten e flas edhe une), por per fat te keq stili i shkrimit dhe fjalori i perdorur le shume per te deshiruar.

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Hehe, paska nje justifikim artikulli. Qenka shkruar ne Prishtine. Disa fjale, si psh ANATEMUE, si kuptova fare.

Mire atehere, vazhdojme hedhim artikuj me difekte. Qenka kendshem. Gjithashtu do ju lutesha qe fjalet e gabuara ti beni me bold qe te lexohen kollaj. Eshte veshtire te lexohen artikuj aq te gjate si ai lart. Me mire te jene gati pjeset ku perqendrohet vemendja. Pershendetje

Denonco këtë mesazh tek moderatorët | IP: e regjistruar

Regjistruar: 12/12/2003
Vendbanimi:
Mesazhe: 1021

Ne fakt me sa kam vene re shume intelektuale kosovare mundohen qe te flasin me sa me pak fjale te huaja (pavaresisht ndinje fjale dialektore). Dhe ne fakt me shqip flasin intelektualet kosovaret se ata shqiptare. Degjoni Nanon psh. Nano flet ndonje fjale shqip vetem kur nuk e ka mendjen.
Ndersa persa i perket atij artikullit, Fajtor, ti ke te drejte qe shume gazetare as e kuptojne se cfare thone (mjafton te nxijne sa me shume rreshta) por e bejne edhe per nje arsye tjeter. Per te shitur gazeten. Psh. Sikur titulli te ishte "Vidhet makina e X- gjyqtari" njerezit do thoshin "E kujt i behet vone?" dhe nuk do e blinin gazeten. Kurse kur e ben titullin e bujshem ngjall kuriozitet me shume. Sigurisht qe kjo eshte teper banale dhe teper patetike dhe tregon nivelin e mediave shqiptare por s`ke c`i ben. Keshtu eshte realiteti shqiptar. Mua psh, keto ditet e fundit me ka acaruar epiteti "njeriu-bombe" per nje person qe u hodh ne ere nga nje eksploziv ne Tirane.

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Marre nga Korrieri:

Femrat, kush dhe pse tentojne vetevrasjen

Te bindura ne suicidin qe kryejne, me shume femrat, shtojne shifrat e vetevrasjeve qe per tremujorin e pare te vitit 2005, shenoi 13 te vdekura. Fenomeni i vetevrasjes, po kthehet tanime ne nje problem social, zgjidhja e te cilit nuk dihet se ku fle. Jane vjaza dhe gra mosha e te cilave eshte shume e re per t'i dhene fund jetes, por te bindura totalisht ne veprimin qe kryejne. Mjeket e urgjences se repartit te...
...Mjeket ne spotalin Ushtarak theksojne me force shqetesimin se helme te tilla vdekjeprurese si fostoksina shiten pas asnje kontroll nepr pika ambulatore apo tezgje. Jo shume larg portes se spitalit Ushtarak, hallexhinj, krahas gjerave te tjera te nxjerre ne shitje kane dhe fostoksinen e perdorur ne popull per fasulen, heqjen e gazeve qe ajo permban

Fjala e pare nuk eshte as shqip. E dyta eshte e gabuar ne perdorimin shumes. Une e di se thuhet shumes thuhet Tezga dhe jo Tezgje.

Me Korrierin paska gallate persa i perket gjuhes shqipe.

Denonco këtë mesazh tek moderatorët | IP: e regjistruar

Regjistruar: 13/08/2004
Vendbanimi: .
Mesazhe: 1280

Per pjesen e artikullit me poshte ne fakt nuk jam e sigurte. Mbase jane fjale shqip qe si di une, nese ja dini kuptimin na tregoni se sinqerisht qe nuk i kuptoj.

Titulli: Nje Neron per Korcen tone

"Vec kesaj, ky dyzim i nenpunesve alla-Damo behet edhe me i frikshem tek mendon se prapa kesaj korace individesh eshte e veshtire te dallosh krahun qe mban nje thike pas shpine nga krahu qe mban nje lule. Vetevrasje politike me te paster se kjo nuk mund te gjesh per kete administrate kamikaze, qe vegjetimin e shet per pune, ndersa shkaterrimin e qytetit per produkt te qeverise. Gjyhan per Damon, por keqardhje per opoziten qe zgjedh te tilla karrikatura per te drejtuar pushtetin lokal ne Korce."

marre nga Koha Jone

Denonco këtë mesazh tek moderatorët | IP: e regjistruar

Regjistruar: 13/08/2004
Vendbanimi: .
Mesazhe: 1280

nga Koha Jone

"PROJEKTET E MIJEVJECARIT, STRATEGJI PER ZHVILLIMIN E LEZHES

LEZHE. Per tre ore me radhe ne qytetin e Lezhes eshte zhvilluar ceremonia e prezantimit te strategjise se zhvillimit te ketij qarku ne kuadrin e objektivave te Zhvillimit te Mijevjecarit (OZHM). Per kete dokument themeltar dhe implementimin e tij praktik ne tere rajonin e ketij qarku, jane angazhuar disa departamente te keshillit te qarkut nen drejtimin e kryetarit te tij, Bardh Rica, zyra dhe drejtori rajonale si dhe pushtetet vendore te ketij rajoni.

Rica ka theksuar se ky dokument sherben si ure lidhese ndermjet shqetesimeve ne nivel komune, bashkie dhe qarku dhe trajtimit te tyre, te harmonizuara me ato ne nivele kombetare dhe rajonale, mbeshtetur ne Objektivat e Mijevecarit. Pozita e favorshme gjeografike e qarkut te Lezhes, me 38 vije bregdetare, qe ndodhet ne kryqezimin e te gjitha arterieve te transportit rrugor, detar, ajror e hekurudhor, ku alternohen relievet e spikatura te natyres shqiptare, burime te bollshme ujore, flore dhe faune, krijojne kushte per zhvillim e ketij rajoni.

"Por, fatkeqesisht, pavaresisht ketyre resurseve, politikat diskriminuese shteterore te aplikuara ndaj ketij rajoni, kane bere qe ai te renditet nder me te varferit ne vend", ka thene Rica. Anna Stjarnerclint, perfaqesuese e perhershme e Kombeve te Bashkuara ne Shqiperi, ka sjelle ne vemendje te auditorit Takimin per Mijevjecarin ne shtator te vitit 2000, kur udh-heqesit e botes u angazhuan te bashkonin forcat per realizimin e nje numri objektivash, per te zvogeluar varferine, semundjet, analfabetizmin dhe forma te tjera te vuajtjeve njerezore, te gjitha keto deri ne vitin 2015.

"UNDP (PNUD)-i, ka bere perpjekje te medha per ta sjelle kete angazhim ne nivel vendor, duke ndihmuar qeverisjet vendore me hartimin e raporteve te zhvillimit rajonal ose strategjive me fokus OMZH-te", tha ajo.

Ky organizem mbeshtet qeverisjet vendore ne keto strategji per te orientuar perpjekjet per zhvillimet vendore dhe per te perqendruar interesat e donatoreve ne aktivitete per zhvillimin rajonal.

Sic thuhet dhe ne dokument, ky rajon eshte i pasur ne resurse njerezore dhe natyrore, dhe duke patur nje strategji te forte shtohen shanset e implementimit per te kontribuar ne uljen e shpejte te varferise. Me pas kane diskutuar deputete te ketij qarku, si Pal Dajci, Prec Zogaj, Luigj Gjoka si dhe pjesemarres ne hartimin e ketij dokumenti, kryetare bashkishe e komunash, etj., te cilet kane shtjelluar ne imtesi strategjine ne fjale."


implementim - to implement (anglisht)- te vesh ne zbatim

alternohen- to alter (anglisht)- kuptimin ketu e ka qe ndryshohen nga nje reliev ne tjetrin

resurse - resources (anglisht)- te ardhura (ketu, pasuri natyrale)

donatore - to donate (anglisht)- dhurues

Denonco këtë mesazh tek moderatorët | IP: e regjistruar