alkimisti
Anetar i ri
Regjistruar: 15/06/2005
Vendbanimi: Prane Mevlanes
Mesazhe: 28
|
A përcakton/programon Zoti jetën e njeriut?
Dituria e Zotit nuk ka as fillim e as fund dhe nuk ka të matur me diturinë tonë të kufishme. Me shprehjen e mistikëve myslimanë, dituria jonë në krahasim me diturinë e Tij është si një pikë ujë në oqean. Ne, çdo gjë e perceptojmë brënda fenomenit kohë, ngase koha është një pjesë e jona, ngase gjindemi brënda saj. Ndërsa Zoti, ashtu sikur na ka krijuar ne, ka krijuar edhe kohën. Krijuesi nuk është i varur nga krijesat. Andaj, Ai mendon, vepron, shikon jashtë kohës. Dhe dituria e Tij është e pavarur nga koha. Kështu që, Ai para se të krijonte gjithësinë, e dinte se si dhe kur do e krijonte, çfarë ngjarjesh do ndodhnin në botë, cilët do i dërgonte si profetë, ku dhe kur do ndodhnin termete, luftra dhe katastrofa. E dinte se cili nga njerëzit që kishte krijuar do bëhej besimtar apo mohues, cilët do bëheshin budist, cilët hebreit, cilët të krishterë e cilët mysliman. Ai, ashtu sikur dinte se cilët nga këta njerëz do bënin vepra të mira, gjithashtu i dinte edhe ata që do bënin vepra të këqija. Ai çdo gjë e ka krijuar me diturinë e Tij të pakufishme. Të krijojë diçka pa e ditur është e pamundur. Në një hadith(Buhari, Kader, 1; Muslim, Kader, 1, 2) përmendet se Zoti i Madhëruar, njeriut kur është në barkun e nënës, pas një kohe të caktuar(40 ditësh), i shkruan/rregjistron rriskun, çastin e vdekjes dhe se a do jetë nga banorët e parajsës apo të ferrit. Kjo nuk do të thotë që Zoti i përcakton/programon veprimet, jetën e njeriut, porse, në përshtatje me diturinë e Tij të pakohshme, Ai ia shkruan/rregjistron veprat që zgjedh -me dashje apo padashje- njeriu.
Për ta konkretizuar këtë mund të formojmë një shembull: Ai e din se “filan person, në filan ditë dhe filan moment, do drejtohet të shkojë për në klub për të pirë, mirëpo filan shok i tij do e takojë në rrugë dhe do e bind se nuk duhet të shkojë në një vend të tillë, kështu që ky person do ndryshojë vendim, pastaj do shkojë për t’i bërë një vizitë një të afërmi, ndërkohë takon një person tjetër në rrugë dhe e ndihmon, pastaj aty duke dalur në krahun tjetër të rrugës, nga pavëmendja e tij dhe nga alkooli që ka pirë shoferi, do ndodhë një aksident, ku këtij personi do i përfundojë jeta.” Kjo është pra dituria e Zotit, një dituri jo e mangët, e përsosur, ngase Ai është nga çdo aspekt i Përsosur. Ne, njerëzit hamendësojmë, ndërsa Zoti ka dituri të saktë mbi ngjarjet dhe për çdo gjë.
Kështu që, çdo gjë që bën njeriu është një zgjedhje e lirë e tij. Nëse zgjedh të mirën Zoti do e shpërblejë, nëse zgjedh të keqen Ai do e ndërshkojë.
Këtë mënyrë interpretimi e bazoj në ajetet e shumta Kur’anore, tre nga ato janë;
“...Kushdo që bën keq do të ndërshkohet... Kush bën ndonjë nga punët e mira, qoftë mashkull ose femër duke qenë besimtar, të tillët hyjnë në xhennet dhe nuk u bëhet farë padrejtësie.” (Nisa, 123-124)
“Ata të dy thanë: Zoti ynë, ne i bëmë padrejtësi vetes sonë, e në qoftë se nuk na mbulon (mëkatin) dhe nuk na mëshiron, ne me siguri jemi prej të shaktërruarve.” (Araf, 23)
“Kush bën mirë ai e ka për vete e kush bën keq ai vepron kundër vetes, e Zoti yt nuk i bën padrejtësi robërve.” (Fussilet, 46)
__________________
Padituria eshte lumturi!!
Denonco këtë mesazh tek moderatorët | IP: e regjistruar
|
22 Shtator 2005 17:54
Forumi Horizont > Tema Shoqërore > Besimi Fetar > Nese Zoti ka caktuar cdo veper timen atehere pse me kerkon llogari kur gaboj?
