BIONDIA
Ne zemren tende.
Regjistruar: 02/03/2006
Vendbanimi:
Mesazhe: 10184
|
Dhuna në Peqin, gjakoset Bekim Kuli, Ilir Daja përfundon në polici
Java e katërt e Superligës ka dhuruar një shfaqje të shëmtuar, kësaj here jo në fushat e lojës, por jashtë saj, në dhomat e zhveshjeve. Madje, burime pranë dy skuadrve, Shkumbinit dhe Besës, kanë pohuar se në këtë shfaqje të shëmtuar janë përfshirë të gjitha palët, lojtarë, trajnerë, madje edhe deputeti i zonës së Peqinit, Dashamir Sula, një nga sponsorizuesit e ekipit peqinas. Konkretisht, ndeshja mes këtyre dy skuadrave, e vlefshme për javën e katërt të Superligës, ka përfunduar me rezultatin 1-0, me gol të shënuar nga sulmuesi Erion Rizvanolli, në minutën e 66-të. Në fushën e lojës, përvec luftës së fortë sportive, në disa raste edhe të ashpër, nuk janë vërjetur shumë probleme, por e cuditshme është dukur nxjerrja para kohe nga fusha e kapitenit kavajas, Bekim Kuli. Nga sa është mësuar më vonë, Kuli ka pasur fërkime e acarime në distancë me Zotin Dashamir Sula, që kur ishte në fushën e lojës, gjë që e ka detyruar stafin teknik të Besës ta zëvendësojë kapitenin, me qëllim që ai të qetësohet. Por e keqja më e madhe ka ndodhur pas ndeshjes, në dhomat e zhveshjes. Burime nga kampi kavajas pohojnë se kapiteni i tyre, Bekim Kuli, është gjendur nën grushtat e peqinasve, madje, si pasojë e tyre, është carë 3 herë në buzë dhe është gjakosur. Sipas tyre, Kuli është goditur disa herë me grusht edhe nga deputeti Sula. Në këtë përleshje është gjendur i përfshirë edhe trajneri i Besës, Ilir Daja, i cili kishte debutimin e tij në stolin verdhezi. Nga sa mësohet, Daja ka ndërhyrë për të mbrojtur lojtarin e tij, Kuli, i gjendur nën dhunën fizike të vendasve, gjë e cila ka sjellë edhe reagimin e tij, duke u goditur me grushte me pjesëtarë të stafit teknik të Shkumbinit. Madje, pala peqinase, thotë se trajneri ilir Daja ka goditur me grusht edhe vetë deputetin Sula. Situata është agravuar së tepërmi në këtë pikë, cka ka detyruar policinë të ndërhyjë fuqishëm, duke izoluar në mjediset e Komisariatit e Policisë së Peqinit trajnerin Ilir Daja. Ndërkohë, të dyja skuadrat janë larguar të shoqëruar me policë nga stadiumi, ndërsa më i lënduari nga kjo histori ka dalë Bekim Kuli, i cili ka pohuar për mediat se ka tri carje në buzë, nga grushtat e deputetit Sula, sipas tij. Sa i takon trajnerit Ilir Daja, sikurse ka pohuar edhe vetë, ai ka qëndruar në komisariatin e policisë plot 2 orë, duke sqaruar incidentin, më pas është lënë i lirë. „Kam qëndruar për 2 orë në komisariatin e policisë së Peqinit. Dua t’ju them se kam patur probleme në ndeshjen e Peqinit, vetë dhe skuadra, më në detaje s’dua të flas, por se cka ngjarë e kanë parë me sytë e tyre të gjithë të pranishmit, edhe të deleguarit e FSHF-së,“ – ka thënë Ilir Daja rreth incidentit.
Nga ana e tyre, drejtuesit e klubit peqinas kanë pohuar se ka patur një acarim me futbollistin Kuli dhe me trajnerin Daja, në dhomat e zhveshjes së lojtarëve, por dhunën fizike e kanë mohuar. Deputeti Sula i atakuar si dhunues i Kulit, ka pohuar: “Ju siguroj se nuk pati asgjë. Bëhet fjalë thjesht për një incident të momentit në dhomat e zhveshjes, por asgjë më tepër. Nuk ka pasur as sherr e as grindje masive. Nuk dua të zgjatem shumë, por nëse doni mund të pyesni përfaqësuesit e Federatës,të pranishëm në këtë ndeshje, dhe jam i bindur se ata do t’ju provojnë se nuk ka ndodhur asnjë sherr apo incident i rëndë në këtë takim.” Gjithcka mbetet të sqarohet në vazhdim, ku të deleguarit e FSHF-së në këtë ndeshje kanë parë cka ndodhur me sytë e tyre. Ata do të raportojnë në institucionit qendror të futbollit, i cili, më pas, në bazë të rregulloreve përkatëse të garës, do të marrë edhe masat penalizuese për të gjithë „aktorët“ e përfshirë në këtë ngjarje të shemtuar të futbollit shqiptar.
Denonco këtë mesazh tek moderatorët | IP: e regjistruar
|
31 Janar 2007 18:23
Forumi Horizont > Sporti > Futboll > Kampionati Shqiptar > Te Ndryshme nga Futbolli Shqiptar
