lezhjani-82
I Pavdekshem
Regjistruar: 02/01/2005
Vendbanimi: Eternity...
Mesazhe: 4813
|
Frederik Ndoci jep maksimumin
Alma Mile
11-05-2007
I paparashikueshëm ishte interpretimi në shqip i refrenit të këngës "Balada e gurit", që sigurisht e ka bërë edhe më prekëse këngën e Ndocit për shqiptarët nëpër Evropë
Një interpretim mbresëlënës ai i Frederik Ndocit mbrëmë në Helsinki. Si të ishte një skenë në atdheun e tij, Ndoci dha maksimumin e mundshëm, madje u duk edhe më brilant se në skenën e Pallatit të Kongreseve ku në dhjetor të 2006-ës fitoi çmimin e parë. Në harmoni me të ishte edhe Aida, zëri femëror që e shoqëroi përgjatë gjithë këngës, si edhe tre djemtë e back vokaleve. Performanca skenike ishte ajo që pritej, e qetë, pak ekzibicioniste nga ana e violinistes Joana Kaimi. Ndryshe nga një vit më parë, rëndësi i ishte kushtuar veshjeve. Djemtë ishin të gjithë në të zeza, ndërsa vajzat në të gjelbër. I paparashikueshëm ishte interpretimi në shqip i refrenit të këngës "Balada e gurit", që sigurisht e ka bërë edhe më prekëse këngën e Ndocit për shqiptarët nëpër Evropë.
Edhe pse larg në Finlandën e ftohtë, mes publikut të panumërt të Hartwall-it u dukën edhe disa flamuj shqiptarë që u valëvitën në fund të këngës "Hear my Plea", që duhet thënë se u duartrokit në sallë. Duket se këtë vit, jo vetëm krijuesit e këngës, Adrian Hila e Pandi Laço, por edhe gjithë stafi i Radio Televizionit Shqiptar e mori më seriozisht konkurrimin në Festivalin Evropian.
Mbrëmë konkurruan 28 shtete për 10 vende në finale. Ashtu si edhe ishin komentuar gjatë provave, një numër i madh konkurrentësh i kishin dhënë një rëndësi të veçantë look-ut dhe performancës skenike. Veshje plot shkëlqim, balerinë të shkathët… dhe këngë që dukej sikur i kishe dëgjuar gjithë jetën në skenën e Evropianit. Shumë syresh nuk sillnin asgjë të re. Duke parë suksesin e një viti më parë, kishte tendenca drejt rrymave rrock dhe heavy metal, siç ishte ajo e Islandës, apo Republikës Çeke. Interesante kënga holandeze, e cila edhe pse konkurroi përpara këngës shqiptare, nuk mundi t'ia zbehë shkëlqimin kësaj të fundit. Pas interpretimit të 28 konkurrentëve, mes të cilëve Republika Çeke dhe Gjeorgjia morën pjesë për herë të parë, u hap koha e votimit. Ndërsa Serbia dhe Mali i Zi për herë të parë u paraqitën të ndarë. Për 15 minuta të 42 vendet pjesëmarrëse votuan 10 këngët finaliste sipas tyre. Këto 10 këngë të përzgjedhura mbrëmë i shtohen 14 të tjerave (4 të përhershme + 10 vendet e renditura në krye të klasifikimit një vit më parë), për tu ngjitur sërish në skenën Hartëall të Helsinkit në datën 12 maj, në natën finale të edicionit të 52-të të Festivalit Evropian të Këngës. Në 12 maj pritet të zgjidhet jo vetëm kënga fituese, por edhe vendi që do mikpresë vitin që vjen festivalin.
marre nga Shekulli
__________________
Jeta eshte nje semundje vdekjeprurese seksualisht e transmetueshme.
Denonco këtë mesazh tek moderatorët | IP: e regjistruar
|
07 Maj 2007 14:31
e veme me bast se do behen te famshme ? :o :o o zot çfare dhimbje koke !!
Sa keq...
Forumi Horizont > Arti & Kultura > Muzika > Arkivi i Muzikës > Eurovizion 2007 - Kenget ne Konkurim
